2 Samuel 16:10 - Biblia Dc en Mixe de Quetzaltepec

¹⁰ E ja ënä'ämpë tyaa y'ëtsooy: Ya'atë ka'ap myijtsëty mpaatyë, yë Sarvia y'u'unk y'ëna'k. Pën xypyojkpës wä'änxyëp yë Wintsën yë'ëjëty të y'ëne'emyë. E pën janty jëtu'unts, ¿pën mëpaat wi'ix y'ëktunyë?

Biblia Mixe de Quetzaltepec

¹⁰ E ja ënä'ämpë tyaa y'ëtsooy: Ya'atë ka'ap myijtsëty mpaatyë, yë Sarvia y'u'unk y'ëna'k. Pën xypyojkpës wä'änxyëp yë Wintsën yë'ëjëty të y'ëne'emyë. E pën janty jëtu'unts, ¿pën mëpaat wi'ix y'ëktunyë?

2 Samuel 16:10 ပူးပေါင်းရင်းမြစ်များ

Génesis 50:20

Miitsëty jëtu'un ojts mjamay mjatajtë ets nyätyijyë ëxëëk xytyuna'antës e yë Dios yë'ë të tyajtëkatsy yë ëxëëkpë mëët yë oypyë ets ntunëtyës mëti'ipë tyam m'ijxtëpën mkoowtëpën: ets jëtu'un tsyo'okëty may yë ja'ay yë jyuukyajtën.

2 Samuel 19:22

E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

2 Samuel 19:23

Tä ja Simí t'ënëmaay: ka'ap m'ooka'any.

2 Samuel 3:39

Paaty oyxyëp yë Wintsën të xyjyapëjktakpës ënä'ämpë yajkutujkpë ma ja naax kajpnën ëjts ka'apës näjyawëty tii nkëjxmëty mëët ko ëxëëk y'ëtë'ëtstë y'ëna'antë yë Sarvia y'u'unk y'ëna'k. Yë Wintsën yë'ë nyija'ap wi'ix tukumëtoy ja ja'ay mëti'ipë winë tyuuntëkoopy kyajpxtëkoopyën.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

1 Reyes 2:5

E mijts wa'ats xynyijawë wi'ixës ja Joab yë Sarvia myaank ja wyinma'any të xytyuk'ixyën, ko tyaj'o'ky nimäjtsk ja tsiptuunpë wintsën ma ënety ka'ap tiitsip yajmëët'atyën: Yë Abner yë Ner yë myaank ets Amasá, yë Jéter myaank ets jëtu'un yaja'ay y'o'ky ets ëjts ja poky ntsëëmë'ky.

2 Reyes 18:25

Ëkë mijts jä'äjën may mtajyë, ¿ko ka'apës Wyintsënëty të xykyexyë ets tyaapë naax kajpn nyajkutëkoyëtyësë? Tyam yajxon ntuk'ëwaanëty ko yë'ëjës të xykyexy etsës ya'atë kajpn nitëkëty etsës nyajkutëkoyëty.

Job 9:12

Ko tii tjä'äniwa'anëty, ¿pën tuk'ojëtëp? ¿Pën ëkyajtëwëtëp tiijaty tyuunpy?

Salmos 39:9

Uumës të näpyëjktä'äkyë, ka'apës yë n'aaw nëkoo të nyajwä'kxy, jä'ä ko mijts tii winë mtuumpy.

Eclesiastés 8:4

Yë yajkutujkpë mëët jä'ä ko tmëët'aty kuttujkën ko kyäjpxy, ka'ap tjëkyepy pën yajtëwëtëty tii ko jëtu'un winë tuny.

Lamentaciones 3:37

Ko pën wi'ix y'ënä'äny, ko pën tii jyätyë kyëpetyë, paaty jyëtu'un'aty jä'ä ko Ni'ik Këjxmëpë jëtu'un të tyajnikutukë.

Daniel 4:35

Ma yë'ëjën nitu'uk yë naaxwiinyëtë ja'ay kyamëkëty. Yë'ë jëtu'un winë tuny tä të tuknipëjktaakën, tsajpjotm ets naaxkëjxy. Ka'ap pën tjëkyepy yë myëk'ajtën tjëjpkuwa'akëty ets ka'ap pën tjëkyepy tyajtëëwinpitëty tii ya'atë xi'itë jëtu'un tuny.

Mateo 16:23

Tääts ja Jesús wya'akwinpijty ets t'ënëmaay ja Pedro: Winwa'ktutkës mijts. Jëtu'un mkäjpxy ijxtëm yë mëjku'u tsokyën. Je'eyës mijts xy'atsipy. Ka'ap mwinma'any jyëtu'unëty ijxtëm yë Tiosën; jëtu'un mijts mwinma'any ijxtëm yë ja'ayën.

Mateo 8:29

Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Dios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Juan 18:11

Ënätyë ja Jesús t'ënëmaay ja Pedro: Pëjkë'ëk yë mtëypyujxn ma tyëjkën. Pën Dios Teety ënaanp etsës n'ëyowëty, ¿Tiijës ko nkakupëkëty?

Romanos 9:20

Mijts naaxwiinyëtë ja'ay ¿tiikutujkën mëët'ajtyp ets ja Dios xyajtëwëty tii tyuunpyën oy ka'oy? ¿Wä'än jëtää ja tu'ts nëëmëty ja mëti'ipë yajkojëpën tiijës ko jëtu'un të xyajkojyë?

1 Pedro 2:23

Ko yajwinkajpxpejty, kä'äp y'ëtsooy ajoot'an; ko yajtsaatsy tyuuny, ka'ap y'ëtsu'uxyäxy; je'eyë ja Dios ojts nyätyukë'ëwanëty ets yë'ë nyipaye'eyëtëty.

1 Samuel 26:19

Mëyajtënës yam npëjktsoopy yë mëj'ënä'ämpë ets tmëtowëty mëti'ipës yam nkajpxäämpyën. Pën yë'ë jëtu'un yë Wintsën të tyajkutuky etsës yë mëj'ënä'ämpë xy'ixjëtit xypyajëtitëty, yë'ë y'ëxajëp ko ënety ja wyintsë'kën myo'oyë. E pën kë'ëmts jëtu'un twinma'any'äty, yë Wintsën pokëtëp yë'ë. Jä'ä ko tëëjës nyaj'ëxwojp nyaj'ixkäjxnë ma ya'atë it naaxwiinyëtën mëti'ipë yë Wintsën jyä'ä'ajtypyën etsës jam të xynyaswopëtë ma ka'ap tsyipëtyën etsës ja wiink tios n'ëwtajnëty.