2 Samuel 15:30 - Biblia Dc en Mixe de Quetzaltepec

³⁰ E ja David jamtsow ojts pya'tëkë ma ja kopk txëëwatyën Olivos; tekywya'ats ojts nyijkxy ets jëëpy yaxp, kupe'eny mëët ko ja amay jotmay tpaaty. Näyjyëtu'un tëkokyë ja ja'ayëty mëti'ipë ënety panëjkxëpën aak kupe'eny nyëjkxtë ets jëëytyëp yaxtëp.

Biblia Mixe de Quetzaltepec

³⁰ E ja David jamtsow ojts pya'tëkë ma ja kopk txëëwatyën Olivos; tekywya'ats ojts nyijkxy ets jëëpy yaxp, kupe'eny mëët ko ja amay jotmay tpaaty. Näyjyëtu'un tëkokyë ja ja'ayëty mëti'ipë ënäty panëjkxëpën aak kupe'eny nyëjkxtë ets jëëytyëp yaxtëp.

2 Samuel 15:30 ပူးပေါင်းရင်းမြစ်များ

2 Samuel 15:29

Yë Sadoc ets Abiatar ojts jatëkok tmëwinpitë ja Wintsën ja kyaaxë jam Jerusalén, jam ojts wyë'ëmtë.

2 Samuel 19:4

E ja yajkutujkpë tyam ja ni'ikyë nyäwyinmäx nyäwyimpo'tëpë mëët ko ja myaank tjantynyiyä'äxy ets mëk jyänty'ënä'äny: Absalón, u'unk maay; Absalón, u'unk maay, u'unk maay.

2 Samuel 19:5

Ënet ja Joab ojts tninëjkxy ja yajkutujkpë jam ma ja kutujkëntëjkën ets t'ënëmaay: Wintsën, mijts ni'ikyë yë mtuunpëtëjk tsëtyu'unmëët të xyajwë'ëmy, mëti'ipë të tnitsiptuntën ets mijts mtso'okëty ets tsyo'oktëty ja m'u'unk m'ëna'k ets ja m'u'unk mto'oxytyëjk.

Ester 6:12

Ko jëtu'un tukjëtitëtyääy ja naax kajpn, ja Mardoqueo jam ojts jatëkok nyijkxy tëjk'ëkë'ëm ma ja kutujktaknën. E ja Amán, ko jam tsyo'ony, pëyi'ikyë ojts nyijkxy ma tyëjkën, mon tuk, jëëpy yaxp ets ka'ap y'ëk'ijxë'k y'ëkkoowë'knë.

Salmos 42:3

Xëëny kootsës të një'ëy të nyä'äxy, jëtu'un yaj'ijxnë yë'ëjës yowë nwiin nëë xykyuxp. Ja nmëtsipës jëtu'un y'ëna'antë: ¿Maa ënät ja mTios?

Salmos 43:5

¿Wi'ixës ko nkumon nkutukëty, ¿wi'ixës ko nkumay nkutajëty? Ëjts Tiosës ntuk'ijxpejtyp, mëti'ipës je'eyëm nyajmëjnaxäämpyën. Tääpë Dios yajtsokp yë'ë ets yaj'ëwaatsëpëtsëëmp.

Ezequiel 24:17

Ame'tsyë m'ëyowëty ets ka'ap xynyimon xynyitukëty yë m'o'kpë tä yë ja'ay yë o'kpë tnimon tnitukyën. Ka'ap jää mjëtitëty kuwa'ats tekywya'ats; ka'ap mnäwyinkuwitsëtëty ko yë m'aaw mjot pyëk y'atonëty ets ka'ap yë tsajpkääky xykyäyëty mëti'ipë yajkääpyën ko jëtu'un tyunyë jyätyë.

Ezequiel 24:23

Ka'ap tjëkyepy jää kuwa'ats ets tekywya'ats mjëtitëty. Këtii jää mya'axtëty ets mmontëty mtuktëty. Këjxta'ajantëp ja mjot mmëjaawëty ko winë ëxëëk xytyuntë ets nixim niyam nëjkx mnänyiya'axëtë.

Zacarías 14:4

Jä'ä xëëw jam yë Wintsën wya'kta'atsa'any ma Olivë kopkën, mëti'ipë yajpatpën winkon ma Jerusalén kajpnën, maatsow yë xëëw pyëtsimyën. Tu'uk yë mëj joyjyot nëjkx tyajwä'kxy mäjtskpëky yë Olivë kopk. Tu'kpëky nëjkx nyasjäxë anëkëjxytsyow ets tu'kpëky nëjkx nyasjäxë ëpa'tkë'ëytsyow,

Mateo 5:4

Jotkujk yë ja'ay yajpaatë mëti'ipë jëëytyëp yaxtëpën, jä'ä ko yë'ë Dios yajjotkujk'atanëtëp.

Lucas 19:29

Tim wäänë ënety kyaja'ty jam Betfagé ets Betania ma ja Olivos Kopkën, ënät tkejxy nimäjtsk ja y'ijxpëjkpë,

Lucas 19:37

Ko tmëwinkoontë ja Olivo kopk, ënät ja mayjyä'äy tyëjkëtyë yaxpë jojkpë, tukmëjjawëtë ja Dios ko ja Jesús ënety të tyuk'ixëtë ja mëj'ajtën.

Lucas 19:41

Ko t'ijxpaty ja Jerusalén kajpn jam winkon, tääts ja Jesús niyäxy,

Lucas 21:37

Winjëpom ja Jesús ijty yaj'ixpëky ma ja mëjtsajptëjkën ets koots nyijkx ma ja Olivo Kopkën.

Lucas 22:39

Tääts ja Jesús tsyo'ony ets ojts nyijkx Olivo kopkwinm, ijxtëm ijty tuunk'atyën; ets ja y'ijxpëjkpëtëjk pyatso'onë.

Hechos 1:12

Tääts ja ijxpëjkpëtëjk tsyo'ontë jam ma ja Olivo Kopkën ets nyëjkxtë Jerusalén. Je'eyë ojts tu'uk mil metrën ye'eytyë, jä'ä ko jëtu'un ja Jutiis ja'ayëty ja y'ënä'ämën y'ëna'antë, ko wäänë ye'eytyëty po'kxënxëëw.

Romanos 12:15

Mëëtxoonta'aktë mëti'ipë ijtëpën xoontëpën; mëëtjë'ë mëëtya'axtë mëti'ipë jëëytyëp yaxtëpën.

1 Corintios 12:26

Pën jam muum tu'kpëky ja ni'kx kopk y'ëyoy, näjyëtu'un ja wiinkëtypë y'ëyowta'atë; ets pën jam muum tu'kpëky oy y'ity, tu'ukyë oy yajpata'atë.