2 Samuel 15:25 - Biblia Dc en Mixe de Quetzaltepec

²⁵ E ja ënä'ämpë ojts t'ënëëmë ja Sadoc: Mënëjkx yë Wintsën yë kyaaxë jam kajpnjotm, pën yë'ë xypyutëjkëpës etsës oy mëk nwinpitëty nëjkxëpës jam jatëkok npaaty ya'atë kaaxë ma të yajkëëytyä'äkyën.

Biblia Mixe de Quetzaltepec

²⁵ E ja ënä'ämpë ojts t'ënëëmë ja Sadoc: Mënëjkx yë Wintsën yë kyaaxë jam kajpnjotm, pën yë'ë xypyutëjkëpës etsës oy mëk nwinpitëty nëjkxëpës jam jatëkok npaaty ya'atë kaaxë ma të yajkëëytyä'äkyën.

2 Samuel 15:25 ပူးပေါင်းရင်းမြစ်များ

2 Samuel 6:17

Ja Wintsën ja kyaaxë jap ojts yajpëjktä'äky ma të yajnipëjktaakën, ma tu'uk ja wit tëjkën mëti'ipë ënety ja David të tuknikojën. Ënet ja David ojts tyäky ja wintsë'kën ma Wintsënën, tyajnitooy ja tsajpkaa kanaak, ma t'ëëwkëxy tkajpxkëxyën ja tsip äkë mëët ja Wintsën,

2 Samuel 7:2

ënät t'ënëmaay ja Natán, mëti'ipë y'akäjpxypën ja Wintsën ja y'aaw y'ayuk: Ijxtëm xy'ixyën, ëjts janty oyës ja njëën ntëjk mëti'ipës ntuktsëna'ayëpën, tu'uk ja kutujkëntëjk mëti'ipë mëët y'oytyunyëtyën ja oytsyaa oy kepy. E tyamts ja Wintsën ja kyaaxë jap ja y'ijtpë muum ma tëjkën je'eyëpë naxo'omyën ëkë natëypyë mëët ja wit.

Salmos 122:1

Wi'ixpëmës janty jotkujk nnäjyawëty koos xy'ënëëmëtë: Ja'amtë ma Wintsën yë jyëën tyëjkën.

Salmos 122:9

Mëëtkyëjxm yë Wintsën yë tsyajptëjk, yë'ëjës xëmë ntunäämpy mëti'ipë m'oyjya'apën.

Salmos 26:8

Wintsën, ëjts yë'ëjës ntsojkën'ajtyp yë mtsajptëjk ma m'ity mtsëënën, ma ja mëj'ajt m'oyajtën yajpaatyën.

Salmos 84:10

Tsoowpatp ni'ik ja tu'kxëëwpë nyajpaatyës tsajptëkoty, këtiinëm koos jeexyë jëmëjt'am nyajpaaty tëja'p. Ëjts jotkujkës näjyawëtëty oy jeexyë je'eyë ntimy tyëjkëwent'ajtpës ma ja tsajptëjk yajnitëkën, ets këtii koos ënety ëxëëktum nyajpaaty.

Éxodo 15:13

Yë'ë mëët yë mtsojkën mja'awën ya'atë naax kajpn xytyu'uwinwoy mëti'ipë të xyajtso'okyën. Yë'ë mëët yë mëk'ajtën jam xyajnëjkxy jam ma mtsajptëjkën.

Éxodo 33:12

Ënet yë Moisés t'ënëmaay yë Dios: Ëk'ix Dios, mijts jëtu'un të m'ëna'any koos ya'atë naax kajpn ntu'uwinye'eyëty, je'eyëp ko mijts ka'apës xytyuk'ëwaanë pën mëët ntu'uwinye'eyëtyës ets näjyëtu'un m'ëna'any ko xytyukjotkujk'ajtpës ets xy'oyjya'apës.

Éxodo 33:13

E pën janty tëy m'ëna'any, tuknija'awëkës tii mtuknipëjktakëp etsës akujk jotkujk nwë'ëmëty, jëtu'un mijts xëmë ntuk'ijxpätëty, yë'ë ëkmëmay ëkmëtaj, ko ya'atë naax kajpn mijts yë mjä'ä.

Isaías 38:22

Ënet ja Jeséas tyajtëëy: ¿Tiijës ntuk'ixëp etsës nnijawëty ko jyëkyejpyës nnëjkxëty ma tsajptëjkën?

Jeremias 25:30

Mijts Jeremías, wa'ats xynyimëtyakta'ajëty ma yë'ëjëtyën tëkokyë mëti'ipë mmëtoopyën. Jëtu'un xy'ënëëmëty: Jëtu'un yë Wintsën jam këjxm yë y'aaw y'ayuk tyajmëtoyë ënääwën, jam ma y'ijtaknën kënu'kxypyë ets tmëkäjpxy ja y'u'unk y'ëna'k mëk, jëtu'un tä yë ja'ay mëk kyajpxtën mëti'ipë tsatym wyintä'äntëpën ets tukmëtoy ni'ëmukë ja naaxwiinyëtë ja'ay.

Jeremias 7:4

Këtii xymyëpëktë mëti'ipë mwin'ë'ënëtëpën ko y'ëna'antë: Tyaa ja Wintsën ja tsyajptëjk, tyaa ja Wintsën ja tsyajptëjk.