2 Samuel 15:21 - Biblia Dc en Mixe de Quetzaltepec

²¹ Tä ja Itai t'ëtsooy ja ënä'ämpë: Wintsën, tyam yajxon ntuk'ëwaanëty, pën maa mijts mnëjkxy ëjts nän jamës nnëjkxa'any, oy y'o'kën jëjp'amëty ëkë oy jyamëty ma juukyajtënën.

Biblia Mixe de Quetzaltepec

²¹ Tä ja Itai t'ëtsooy ja ënä'ämpë: Wintsën, tyam yajxon ntuk'ëwaanëty, pën maa mijts mnëjkxy ëjts nän jamës nnëjkxa'any, oy y'o'kën jëjp'amëty ëkë oy jyamëty ma juukyajtënën.

2 Samuel 15:21 ပူးပေါင်းရင်းမြစ်များ

2 Samuel 15:22

Ënet ja ënä'ämpë David y'ënëmaayë, pën jëtu'un, oy minëty. Jëtu'un ojts ja Itai, tpanëjkxy ja David mëët ja tsiptuunpëtëjk ets ja ja'ay mëti'ipë jämyëët'ajtëpën.

2 Reyes 2:2

Tääts ja Elías t'ënëmaay ja Elisejë: Yaa wë'ëm, jä'ä ko jamës yë Wintsën të xykyexy Betel. E ja Elisejë tyaa y'ëtsooy: Ëjts tyamës yajxon ntimnyikäjpxy mëët yë Wintsën yë xyëëw ets mëët mxëëw näjyëtu'un, ko mijts ka'ap nijëna'a n'ëxmatsëty nätyu'uk. Ënet ojts nimäjtsk nyëjkxtë jam Betel.

2 Reyes 2:4

Ënet jatëkok ja Elías t'ënëmaay ja Elisejë: Yaa wë'ëm, ëjts minës n'ëknëjkxy jam Jericó jä'ä ko jamës yë Wintsën të xykyexy. E ja Elisejë tyaa y'ëtsooy: Ëjts tyamës yajxon ntimnyikäjpxy mëët yë Wintsën yë xyëëw ets mëët yë mxëëw näjyëtu'un, ko mijts ka'ap nijëna'a n'ëxmatsëty nätyu'uk. Ënet ojts nimäjtsk jam nyëjkxtë Jericó.

2 Reyes 2:6

Tä Elías y'ënëmaayë: Yaa wë'ëm, jä'ä ko jamës yë Wintsën të xykyexy ma Jordán mëjnëëjën. E ja Elisejë, tyaa y'ëtsoowë: Ëjts tyamës yajxon ntimnyikäjpxy mëët yë Wintsën yë xyëëw ets mëët mijts mxëëw näjyëtu'un, ko ka'ap nijëna'a n'ëxmatsëty nätyu'uk. Ënet nimäjtsk tsyo'ontë.

2 Reyes 4:30

E ja pi'k ëna'k ja tyaak mëktä'äky t'ënëmaay ja Elisejë: Tyamës yajxon ntimnyikäjpxy, ko ka'apës yaa ntsoona'any koonëm mijts kë'ëm mjamëty. Tä ja Elisejë tpatso'ony ja to'oxytyëjk.

Proverbios 17:17

Tu'uk yë jëëky mëku'uk xëmë tsyoky jyawë; jëtu'un nyäxy tä mëkä'äxën ko myëku'uk mon tuk yajpaaty.

Proverbios 18:24

Jëna'ajëty yë näy'oyjyawë pojën kyixy nyäxy, e tää jëëky mëku'uk mëti'ipë ni'ik tsojkpën këtiinëm tu'uk mëkä'äx.

Hechos 11:23

Ko jam jyä'äjty ja Bernabé ets t'ijxy wi'ix ja antioquiiëtë ja'ay ënety tëë ja Dios kyënu'kxëtën, ënät ojts jotkujk nyäjyawëty ets tjotmëkwinkajpxëy ets ëmuumtu'ukjot ja Wintsën tmëpëktëty.

Hechos 21:13

E ja Pablo jëtu'un y'ëtsooy: ¿Tii ko mya'axtë etsës xyajkumon xyajkutukëtë? Ëjts tëëjës ntuknipëjktaakë wä'än timwyi'ixëty, nkupëkäämpës pën yajtsuumpës ets oyës ntimy'ookëty jam Jerusalén mëët koos yë Wintsën Jesús nmëpëky.

2 Corintios 7:3

Ka'apës yë'ëkyëjxm jëtu'un n'ëna'any ko miits ni'ojëtë, miits të nëëmëtë ko tyam n'aaw'at njot'atë ets tu'ukyë njuuky'ajtmëty ets tu'ukyë n'o'kmëty.

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.

1 Samuel 25:26

E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.