2 Samuel 15:18 - Biblia Dc en Mixe de Quetzaltepec

¹⁸ Jam tëjkpë'am, jam nyäpyëjktaktaayëtë ja jyä'äy mëti'ipë nyiwintsën'ajtëpën ja tsiptuunpë ja'ayëty, e ja Queret ja'ayëty ets ja peleteos ja'ayëty mëti'ipë kyëwent'ajtëpën ja yajkutujkpë ets ja nitëtujk mëko'pxpë ja quereteos ja'ayëty mëti'ipë ënety ja David të tpaye'eyë'ëktën jam Gad, jä'ä jëyëjp nëjkxtëp.

Biblia Mixe de Quetzaltepec

¹⁸ Jam tëjkpë'am, jam nyäpyëjktaktaayëtë ja jyä'äy mëti'ipë nyiwintsën'ajtëpën ja tsiptuunpë ja'ayëty, e ja Queret ja'ayëty ets ja peleteos ja'ayëty mëti'ipë kyëwent'ajtëpën ja yajkutujkpë ets ja nitëtujk mëko'pxpë ja quereteos ja'ayëty mëti'ipë ënäty ja David të tpaye'eyë'ëktën jam Gad, jä'ä jëyëjp nëjkxtëp.

2 Samuel 15:18 ပူးပေါင်းရင်းမြစ်များ

2 Samuel 8:18

E ja Benaías, yë myaank yë Joiadá, yë'ë ijty jam winë y'ijxpy tyuunpy ma ja Queret ja'ayëtyën ets ja peleteëja'ayëtyën mëti'ipë ja David këwent'ajtëpën. Yë David yë y'ëna'k aak teety y'ijtë.

1 Crónicas 18:17

Benaías, yë Joiadá myaank, yë'ë ojts yajtuknipëky ets twinye'eyëty ja ja'ayëty mëti'ipë yajtijtëpën Queret ets peleteos. Yë David y'ëna'k yë'ë ijty mëk putëjkëtyëp.

1 Reyes 1:38

Ënet ja teety Sadoc ets ja käjpxynyajxpë Natán, ja teety Benaías, ja Joiadá ja myaank, ja Queret ja'ayëty ets ja peleteos ja'ayëty, mëti'ipë ja David ijty këwent'ajtëpën ojts tninëjkxtë ja Salomón ets jam tyajpäjtë jëyujkëjxy, mëti'ipë ijty ja yajkutujkpë David tyuk'u'unyääpyën, tä tyajnëjkxtë jam Guihón.

2 Samuel 20:23

Joab yë'ë ojts tmëwë'ëmy tëkokyë ja tsiptuunpëtëjk mëti'ipë jam yajpatëpën ma Israel kajpnën, e ja Benaías, yë Joiadá myaank yë'ë ojts twinkuwa'akë ja Queret ja'ayëty ets ja peleteos ja'ayëty ets tu'uwinye'eyëty ya'atë tsiptuunpëtëjkëty.

2 Samuel 20:7

Ënet ja Queret ets peleteos ja'ayëty, mëti'ipë yë Joab tyu'uwinye'epyën ma tsyiptuntën tsyo'ontë jam ma ja yajkutujkpën mëët nitëkokyë yë tsyiptuunpëtëjkëty, yë'ë tu'uwinwoowëtëp yë Abisai ets nëjkx ja Sebá mëët tsyiptuna'antë.

1 Samuel 30:14

Jamës ënety ojts të nmäätstë apa'tkë'ëmtsow ma Queret ja'ay tnitänëtën ets Judá ja'ayëty ets Caleb ja'ayëty, tëëjës näjyëtu'un nino'oktë yë Siclag kajpn.

2 Samuel 18:2

Ojts tu'kpëky tkäjxë'ëky mëti'ipë ja Joab wyinye'epyën ets wiinkpë tkäjxë'ky mëti'ipë ja Abisai wyinye'epyën, yë myaank yë Sarvia, y'uty yë Joab ets wiinkpë tkäjxë'ky mëti'ipë yë Itai wyinye'epyën, jampë tsyoonyën Gad. Ets tëkokyë ja tsiptuunpëtëjk t'ënëmaaytyääy: Ëjts yam kë'ëm tim nëjkxaanp tsiptuunpë mëët miitsëty.

2 Samuel 6:10

E jä'ä ko ja David ka'ap ojts t'ëk'a'ijxënë tmënëjkxëty ja Wintsën ja kyaaxë ma ja kyajpnën, ënät ojts tjaakni'ënä'ämë ets jam tkukëyëtëty ma ja Obed-edom ja tyëjkën, tu'uk yë Gad ja'ay.

1 Samuel 27:3

David mëët nitëtujk mëko'px yë jyä'äy, jam ojts tsyënaaytyaknpëktë Gad, ma ja Aquis tsyëënën, aakmëët ja ja'ayëty ja y'u'unk tyo'oxytyëjkëty. David ojts twoownëjkxy nimäjtsk ja tyo'oxytyëjk: mëti'ipë xyëëwajtypyën Ahinóam, jampë kyukajpnëtyën Jezreel ets ja Abigail, ja kyu'ookytyo'oxy ja Nabal, jampë kyukajpnëtyën Carmel.

1 Samuel 23:13

Ënet ja David mëët ja jyä'äy jam tsyo'ontë Queilá, jä'ä nyiwinë'atë nitëtujk mëko'px ets ojts nyëjkxtë muum jëkäm, ni yë'ë tkanijawëtë maajëtën nyëjkxtë. Ko ja Saúl tnija'awëy ko ja David tëë kye'eky, ënät ja Saúl jatëkok t'akajpxtujky ets ka'ap nëkoo tnitsoontëty ja David.

1 Samuel 25:13

Tä ja David ja jyä'äy t'ënëmaaytyääy: Tëkokyë pëjkjë'kta'atë mëti'ipë mëtsiptuuntëpën. Tääts ja yenypyujxnëty nyätyukmoxwë'ënëtyë ets ja David näjyëtu'un, nimajktaxk mëko'px ja ja'ay pyanëjkxë ets nimäjtsk mëko'px ojts wyë'ëmtë këwent'ajtpë ma ja y'ijtaknëtyën.

1 Samuel 30:1

Kom tëkëëk xëëw yë David jam jyajtë Siclag, ënät tuk'ijxpäjtë ko ja Amalec ja'ayëty tëëtëm ja Négueb kajpn tniwa'kta'atë ets ja Siclag tëë tnitëkëtë ets të tno'oktë.

1 Samuel 30:9

Ënet ja David tsyo'ony mëët nitëtujk mëko'px ja jyä'äy, tä jyajtë jam Besor.

2 Samuel 15:17

Ko ënety jam timtyukpëtsëmanëtë ja kajpn jam ojts wya'akwë'ëmtë ma tu'uk ja tëjk jyaak yajwinaxyën.

1 Samuel 27:4

Ko ja Saúl tnija'awëy ko ja David tëë jam nyëjkxnë Gad, ka'ap ojts jam t'ëk panëjkxnë.