2 Samuel 15:16 - Biblia Dc en Mixe de Quetzaltepec

¹⁶ Jëtu'un'äämpy ojts ja yajkutujkpë tsyoony mëët tëkokyë ja ja'ayëty mëti'ipë mëët tyuunmukyën, yi'iyë ojts nimajk tyajwë'ëmy ja to'oxytyëjkëty mëti'ipë myëtuuntëpën ja ënä'ämpë ets tkëwent'atëty ja kutujktakn.

Biblia Mixe de Quetzaltepec

¹⁶ Jëtu'un'äämpy ojts ja yajkutujkpë tsyoony mëët tëkokyë ja ja'ayëty mëti'ipë mëët tyuunmukyën, yi'iyë ojts nimajk tyajwë'ëmy ja to'oxytyëjkëty mëti'ipë myëtuuntëpën ja ënä'ämpë ets tkëwent'atëty ja kutujktakn.

2 Samuel 15:16 ပူးပေါင်းရင်းမြစ်များ

2 Samuel 12:11

Ëjts, mëti'ipë Wintsën'ajtpën ëjts yam jëtu'un nikäjpxyp: jam ma mjëën mtëjkën jämyë nëjkx kë'ëm ja m'u'unk m'ëna'k nyämyëtsiptsoonyë ets nëjkxëp kë'ëm xy'ixy ko ënety ja mto'oxytyëjk myajpëjkë ets jä'ä tmëëtko'knëty tu'uk ja mmëku'uk.

2 Samuel 12:2

Ja ja'ay mëti'ipë kuwit kumeenyën, may'äämpy ijty tmëëtëty yë jëyujk tsajpkaa,

2 Samuel 15:15

Tä y'ëtsoowtë: Ëëtsëty jëjp'ixy yam ntimyajpaatës ets ntuna'antës tii yë yajkutujkpë nyi'ënä'ämëp.

2 Samuel 15:17

Ko ënety jam timtyukpëtsëmanëtë ja kajpn jam ojts wya'akwë'ëmtë ma tu'uk ja tëjk jyaak yajwinaxyën.

2 Samuel 19:10

E ja Absalón mëti'ipë ojts njatuknipëjkëmën ets jeexyë yë'ë yajkutuky, tëë ja y'o'knë jam tsipjotm. ¿E tyam tii n'ëwxijtëmë ko ka'ap nyajwinpijtëmë jatëkok ja David?

2 Samuel 20:3

Ko ja David ojts jam jya'ajnë ma ja kutujktaknën, jam Jerusalén, ojts tsuumta'ay ja to'oxytyëjk mëti'ipë ënety jëtu'unyë je'eyë myëëttsënääpyën ets tyajku'ëtujky jap ma tu'uk yë tëjkën, yajxon ijx'ity këwent'aty; jap ojts jëtu'un jyaak juuky'atë ya'atë to'oxytyëjkëty, je'eyëp ko ka'ap ojts t'ëkmëët'ajnë. Jëtu'un ojts ya'atë to'oxytyëjkëty jap jyaak'itë ku'ooky tyo'oxyën, koonëm y'o'ktë.

Salmos 3:1

Wintsën, nimay ja nmëtsipës, nimay nyäpyaatëtë mëti'ipës xynyipëtë'ktëpën,

Romanos 12:2

Këtii m'ëkjuuky'ajnëtëty ijxtëm ja ja'ayëtyën mëti'ipë ja naaxwiinyëtë winma'any yajtuuntëpën, yajtëkatstë ja mwinma'anyëty ets ja mjuukyajtënëty, jëtu'un xynyijawëtëty mëti'ipë ja Dios tsyojkpyën, mëti'ipë oyën, mëti'ipë y'oyjya'apën ets mëti'ipë mëtëyën.

Jueces 4:10

Ënet ja Barac tmëkajpxmujky ja Zabulón ja jyä'äy ets ja Neftalí ja jyä'äy ets tyajtu'ukmujktaay ja ye'etyëjktëjk nimajk mil ojts y'itë. Ja Débora yë'ë ënety jämyëët'ajtëp.

1 Samuel 25:27

E tyamtsës n'amëtoy npëjktsoy ma mijtsën ets wya'kxëty ma mtuunpëtëjkën mëti'ipë mjämyëët'ajtëpën, ya'atë näynyamo'ojë mëti'ipë ya ntuknimiimpyën,

1 Samuel 25:42

Ko jëtu'un y'ëtsooy, tääts poj'am nyänyipëjktakëyë ets tsyo'ony mëët nimëkoxk ja tyuunpë, yë'ë tyukwä'tspäjt yë krukts ets tpatso'ony ja David ja tyuunpëtëjk, tääts mëët pyijky y'uky.