2 Samuel 14:32 - Biblia Dc en Mixe de Quetzaltepec

³² Tä ja Absalón y'ëtsooy: Mja'amyejtsypë ko tëë njanikäxë ets jeexyë yaa të miny, tääts jeexyë ojts të xy'ixy yë yajkutujkpë mëët ëjtskyëjxm, ma jeexyë të xy'ënëëmë ko nëkoopës të nminy yaa nikë oyës jeexyë jam të ntimwyi'imy Guesur. Ëjts yë'ëjës yë yajkutujkpë nja'ixäämpy, pën ëjts pokymyëëtës wä'änës xyaj'ooky.

Biblia Mixe de Quetzaltepec

³² Tä ja Absalón y'ëtsooy: Mja'amyejtsypë ko tëë njanikäxë ets jeexyë yaa të miny, tääts jeexyë ojts të xy'ixy yë yajkutujkpë mëët ëjtskyëjxm, ma jeexyë të xy'ënëëmë ko nëkoopës të nminy yaa nikë oyës jeexyë jam të ntimwyi'imy Guesur. Ëjts yë'ëjës yë yajkutujkpë nja'ixäämpy, pën ëjts pokymyëëtës wä'änës xyaj'ooky.

2 Samuel 14:32 ပူးပေါင်းရင်းမြစ်များ

Génesis 3:12

Ënet ja ye'etyëjk y'ëtsooy: Yë to'oxytyëjk mëti'ipës mijts të xymyo'oyën etsës xyjyämyëët'atëty, yë'ëjës të xymyo'oy yë ujtstëëm etsës të një'kxy.

2 Samuel 13:37

Ja Absalón jam ojts nyaskääkë ma ja Talmai yajkutukyën, yë'ë myaank yë Amiud ma ja kajpn txëëwatyën Guesur, tëkëëk jëmëjt jam y'ijty. David xëmë winjëpom ojts tniyä'äxy ja myaank Amnón ko ënety të y'ooky,

2 Samuel 14:31

ënät ojts ënätyë tninëjkxy ja Absalón ets tyajtëëy: ¿Wi'ix ko yë mtuunpëtëjk jam ojts të tyajtooytya'atë yë ntsajpmokamës?

2 Samuel 3:3

ja mëmäjtskpë, jä'ä xyëëwajt Quileab, yë'ë mëët t'u'unk'aty yë Abigail, ja to'oxytyëjk mëti'ipë ja Nabal nyi'o'ktutën jam Carmel; ja mëtëkëëkpë jä'ä xyëëwajtyp Absalón, yë'ë mëët t'u'unk'aty ja to'oxytyëjk mëti'ipë xyëëwajtypyën Maacá, ja nyëëx ja Talmai jampë y'ëne'emyën Guesur.

Salmos 36:2

Yë ëxëëk ja'ay jëtu'un nyäjyawëty oy yowë winë tuny ets aak y'oy'ixëp yowë ja'ay, ka'ap nimaa t'ixy mya'atëty ja y'ëxëëktu'un y'ëxëëk kajpxën.

Éxodo 14:12

Ya'atë ojts nja'ëntijtës, ko jap nja'ënëmaaytyë: Ixmajtstëkës minës yë'ë n'ëkmëtuntë yë Egiptë ja'ayëty, jaak'oy'ajtp koos yaa je'eyë ntimmyëtun ntimkyupëktëty ets këtii koos jam nëjkx muum je'eyë n'ooktë wintë'ëtstum.

Éxodo 16:3

Y'ënantë: Nikë oy jeexyë yë Dios të xytyimyaj'o'këmë jap Egiptë, yajxon ijty jap yë kaaypyäjn nwinkuwä'tsëmë ujts mëët yë tsu'utsy ets ijty njanty jyë'kxëmë koonëm yajxon nkuxëmë, e miitsëty koos yaa të xywyoowmiintëpë jëtu'un tpatnë o'kën tëko'oyën yowë të xytyuknimintës.

Éxodo 17:3

Ja naax kajpn yajxon ënety jyänty tsyëëtsëtë, paaty ojts je'eyë t'ëk'ojnëtë ja Moisés ets t'ënëmaaytyë: ¿Tiixë koos ojts jap je'eyë nëkoo xyajpëtsëmtë Egiptë? ¿Paatykyëjxmën jap xyajpëtsëëmtës etsës yaa xyäjtëëtsë'ooka'antësë, mëët nitëkokyë ja n'u'unk n'ëna'këtyës ets ja njëyujk ntsajpkaajëtyësë?

Proverbios 28:13

Mëti'ipë ja'ay kyuyu'tsypyën yë pyoky, ka'ap oy jyuuky'ata'any; e mëti'ipë nyikäjpxypën ko tyuuntëkoy nëjkxëp yajpokymye'kxy.

Jeremias 8:12

Tsëtyuunëtëp jeexyë mëët ko je'eyë tuntë tkajpxtë ja mëti'ipës n'ëxëëk'ijxypyën. E ka'ap, ka'ap tsyëtyuntë, ka'ap t'ëknija'awënëtë tii ja'ay tyijp tsëtyu'un. Paatykyëjxm koos ënety ntëytyuny nän jam nëjkx kya'atë ëxëëktum ma ja wiink ja'ayëtyën. Ëjts, Wintsën, ëjts ënaanp.

Mateo 25:44

Ënet näjyëtu'un tyajtëëwtë: ¿Wintsën, jëna'a mijts të myuu'ookyë, ëkë jëna'a të mtëëtsë, ëkë të m'any të mpojy, ëkë niwa'ats ëxwa'ats të mjëtity, ëkë të mpëky të m'ixyë ëkë pujxn tëkoty të myajpaaty ets ka'ap të mputëkëtë?

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

1 Samuel 15:13

Tä ja Samuel jam tsyo'ony ets ojts nyijkxy, jam ma ja Saúl ënety yajpaatyën ets y'ënëmaayë: Yë Wintsën mkënu'kxëtëp. Tëës npatuny tä ja Wintsën të tni'ënä'ämën.

1 Samuel 20:8

Paaty yam n'amëtoy ya'atë mëyajtën. Tëëxë nätyukajpxëmë, ko mëku'uk xëmë näjyäwëja'anëmë Wintsën wyintuuy, e jatu'kpëky ja winma'anypë, pën ëjts nëkoo tëkatsy winë ntuunpy, etsës pokymyëët, tim yaj'o'kës yaa mijts kë'ëm. Ka'ap kwanë jam xytyimwoonëjkxëtyës ma mteetyën.