2 Samuel 14:22 - Biblia Dc en Mixe de Quetzaltepec

²² Ënet ja Joab ojts wyintä'äky nyaaxkoy, tyajnikëxë'ëky jëtu'un ja näywyinkutsë'kën ets ojts tkënu'kxy ja ënä'ämpë, t'ënëmaay: Tyamës ënät n'ixy, ko mijts Wintsën xy'oyjya'apës paaty të xyjyä'äkyukë ja winma'any mëti'ipës ënety ëjts nwinma'any'äjtypyën ets tëë myajtuknijawë ets xytyunëty.

Biblia Mixe de Quetzaltepec

²² Ënät ja Joab ojts wyintä'äky nyaaxkoy, tyajnikëxë'ëky jëtu'un ja näywyinkutsë'kën ets ojts tkënu'kxy ja ënä'ämpë, t'ënëmaay: Tyamës ënät n'ixy, ko mijts Wintsën xy'oyjya'apës paaty të xyjyä'äkyukë ja winma'any mëti'ipës ënäty ëjts nwinma'any'äjtypyën ets tëë myajtuknijawë ets xytyunëty.

2 Samuel 14:22 ပူးပေါင်းရင်းမြစ်များ

Génesis 47:7

Ënet yë José ojts yë tyeety Jacob jam twoownëjkxy ma yajkutujkpën ets tkajpxpo'kxa'any. Yë Jacob mëët ojts yë näywyinkutsë'kën tkajpxpo'kxy yë yajkutujkpë,

Génesis 6:8

Yë Dios ojts tni''ijxkëtä'äky tu'uk yë ja'ay mëti'ipë xyëëwajtën Noé, yë'ë oy ënety yë Dios tmëtuny.

2 Samuel 14:21

Mëët ko ënety jëtu'un ja to'oxytyëjk të y'ënä'äny, ënät ja David t'ënëmaay ja Joab: Ëk'ix ya'atë winma'any tëëjës yam nyaj'oyë. Nëjkx ets xyajwinpitëty yë Absalón.

2 Samuel 14:23

Ënätyë ja Joab tnitso'ony ja Absalón, jam ënety yajpaaty Guesur ets tyajmina'any jam Jerusalén.

2 Samuel 14:4

ënät ojts ja to'oxytyëjk jyänty nyijkxy ma ja ënä'ämpën, ko jam jyä'äjty tääts wyintäky nyaaxkooy ets ojts tkajpxpo'kxy ja yajkutujkpë, tyajnikëxë'ëky jëtu'un ja näwyinkutsë'ëkë, tä t'ënëmaay: Ënä'ämpë yajkutujkpë, yë'ë yam n'amëtoopy mpëjktsoopy etsës mijts xypyutëkëty.

2 Samuel 19:39

Tëkokyë ja ja'ayëty ojts ja Jordán mëjnëë tuknajxta'atë. E ko ja yajkutujkpë ojts tuknajxtaaynyë ja mëjnëë, ënät ojts mëët ja Barzilai nyäjyëkajpxënë. Jëtu'un'äämpy ja Barzilai ojts jam nyëjkxnë ma kyajpnën.

Nehemías 11:2

E ja naax kajpn tkënu'kxtaaytyë ja ja'ayëty mëti'ipë kë'ëm ënantën ko nyëjkxa'antë tsënääpyë jam Jerusalén.

Job 29:11

Ko ijty yë ja'ay tmëtoow'itë mëti'ipës nkäjpxypën, ënät ijty xymyëkajpxtës ets oy xynyimëtya'aktës,

Job 31:20

yë'ëjës ntukxojxyp ja pixyny mëti'ipës ja nkupixyny kë'ëm të ntuknikä'ptu'utyën etsës nmu'uxy ja ëyoopëja'ay, e yë'ë kyukajpxëp jya'awëkyëtäkpy mëjwiin këjää.

Proverbios 31:28

Ja y'u'unk y'ëna'k ets ja nyiye'etyëjk mëj'äämpy pyëjktä'äkyë ets jëtu'un y'ënë'ëmxëty:

Rut 2:2

Ënet yë Rut jatëkok t'ënëmaay yë Noemi: Nanë, ëwatskës yë ntu'u, wä'änës nëjkx n'ixta'ay yë tsajpmok, kooxyëp muum npaatëtyës yë ja'ay mëti'ipë oyjyä'äyën ets jam kyamjotm npëjkmukëtyës yë tsajpmok mëti'ipë tu'uka'apën. Nëjkx, u'unk, nëjkx, jëtu'un ja tyaakxyäkxy y'ëtsoowë.

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.