2 Samuel 14:19 - Biblia Dc en Mixe de Quetzaltepec

¹⁹ Ënet ja yajkutujkpë yajtëëwë: ¿Yë Joab, yë'ë jëtu'un të m'ënë'ëmxëty etsës yaa xynyiminëty këtiijë? Ets ja to'oxytyëjk y'ëtsooy: Tyamës yajxon nikäjpxy Wintsën, ko tëy ijxtëm m'ëna'anyën. Tëy ko yë Joab mëti'ipë mijts myajtsiptuunpë wintsën'ajtypyën yë'ëjës të xyjyänty kyexy ets yë'ëjës näjyëtu'un të xynyajtskajpxë ijxtëm yam mijts të n'ënëëmën.

Biblia Mixe de Quetzaltepec

¹⁹ Ënät ja yajkutujkpë yajtëëwë: ¿Yë Joab, yë'ë jëtu'un të m'ënë'ëmxëty etsës yaa xynyiminëty këtiijë? Ets ja to'oxytyëjk y'ëtsooy: Tyamës yajxon nikäjpxy Wintsën, ko tëy ijxtëm m'ëna'anyën. Tëy ko yë Joab mëti'ipë mijts myajtsiptuunpë wintsën'ajtypyën yë'ëjës të xyjyänty kyexy ets yë'ëjës näjyëtu'un të xynyajtskajpxë ijxtëm yam mijts të n'ënëëmën.

2 Samuel 14:19 ပူးပေါင်းရင်းမြစ်များ

2 Samuel 11:11

Ets ja Urías y'ëtsooy: Wi'ixës nëjkxëty akujk jotkujk po'kxpë maas yë ntëjkën, e tyam ja Wintsën ja kyaaxë ets ja tsiptuunpëtëjk, Israel ja'ayëty ets Judá ja'ayëty oy jam wi'ix nyänyixo'omëtë ma jam tsyippaatën; näjyëtu'un ja Joab ets tyuunpëtëjk mëti'ipë mëët të yajkäxtën jam muum winwa'atstum ets ënät ëjts akujk jotkujk ntëjkëpëty maas yë ntëkën kääpyë ukpë ets nma'ajëtyës mëët ja nto'oxytyëjk akujk jotkujk. Ëjts tyamës yajxon ntimnyikäjpxy mëët ko jyuuky'äty ja ënä'ämpë ka'apës mëpaat jëtu'unpë winma'any npaaty.

2 Samuel 14:18

Ënet ja ënä'ämpë t'ëtsooy ja to'oxytyëjk: Mëyajtën yam mpëjktsoopy ets nitii xykyakuyu'utsëty mëti'ipë yam nyajtëwäämpyën. Kajpx Wintsën, jëtu'un y'ëtsooy ja to'oxytyëjk.

2 Samuel 14:3

Tääts mnëjkxëty jam ënä'ämpë wyintum ets jëtu'un ja ayuk xynyiwinpitëty tä yam naskajpxëja'anyën. E ko ja Joab tuk'ëwa'anëtyääy wi'ix ja to'oxytyëjk y'ëna'anëtyën,

2 Samuel 18:13

E koos jeexyë ëjts të nyaj'o'kpë, nëkoopë jeexyë näjyotmaynyipëkyës, jä'ä ko yë yajkutujkpë ënätyë winë tnijawë, mijts yam jeexyë xy'ëknikajpxtutnësë.

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

2 Samuel 3:29

Yë'ë tëy yë Joab, pokymyëët të wyi'imy ets y'u'unk y'ëna'k, jyëën tyëjk; yë ëyo'on jotmay ets pa'am ëyo'on ka'ap nëjkx y'ëxmatsëtë, tä yë ki'ix pa'amën pu'uts pa'amën, ixtëj pa'am, ëkë wä'än nëjkx pën yë y'u'unk y'ëna'k yaj'o'kxëtë, ëkë yuu xëëw jam y'itëty.

2 Samuel 3:34

ka'ap ënety mkë'ëtsumy mteky tsyumyëty. Jëtu'un mijts të mtimy'o'knë, tä jeexyë yë ëxëëk ja'ay ka'oyjyä'äy të myaj'ookyën. Tyam ja mayjyä'äy tam ja näjyëtu'un jyänty ya'axtë.

2 Reyes 2:2

Tääts ja Elías t'ënëmaay ja Elisejë: Yaa wë'ëm, jä'ä ko jamës yë Wintsën të xykyexy Betel. E ja Elisejë tyaa y'ëtsooy: Ëjts tyamës yajxon ntimnyikäjpxy mëët yë Wintsën yë xyëëw ets mëët mxëëw näjyëtu'un, ko mijts ka'ap nijëna'a n'ëxmatsëty nätyu'uk. Ënet ojts nimäjtsk nyëjkxtë jam Betel.

Éxodo 4:15

Kajpx mëtya'ak mëët ets tuk'ëwa'anëtya'a tii kyajpxëpën, ëjts yajpataanpës xëmë mëët yë'ë ets näjyëtu'un mëët mijts, yë'ë mtukni''ixëjanëp tii mëpaat xytyuntën.

Proverbios 25:2

Dios mëj'äämpy najxp, ko ja'ay tukjaty wi'ix tii yu'utsy tmëët'atëtyën, mëj'äämpy yë yajkutujkpë nyäxy ko twinjawë.

Proverbios 4:27

Këtii nijëna'a mtu'utëkatsëty, ets këtii jam mnëjkxëty ma ëxëëkpë tyu'uye'eyën.

Lucas 21:15

Ëjts miits ja winma'any ets ja ayuk nmo'ojantëp wijypyë kejypyë mëti'ipë mkajpxtëpën këtiipë ja mmëtsip mëmëta'akëtëty ets këtiipë wyinma'anypyaatëty wi'ix myaj'ëmonëtëty.

Deuteronomio 28:14

Ets ko yë'ë xëmë xy'aaw'at xyjyot'atëty, ijxkëm jëna'a m'ënaanpë ja wiink wintsën xypyanëjkxa'any.

Deuteronomio 5:32

E paaty yam n'ënëëmëtë, ko mtuntëp mëti'ipë të mtuk'ënä'ämëtën ja Wintsën Dios ets këtii nijëna'a xy'ëxmatstëty.

Josue 1:7

Mëti'ipë mijts npëjktsoopyën, yë'ë ko jotkujk xëmë mnäjyawëtëty ets amëk jotmëk mtimy'itëty ets mjuuky'atëty tä ja ënä'ämën tëyajtën y'ënä'änyën mëti'ipë yë ntuunpës Moisés të nmo'oyën. Kopkpëky ko xyajwinkëxë'ëkëty ma mjuukyajtënën tä myinyën këxja'ay ets oy winë mwinpëtsë'ëm mjëjpëtsë'ëmxëtëty.

1 Samuel 1:26

Tääts ja Aná t'ënëmaay ja teety: Wintsën, ëknamä'kx, jëtu'un ijxtëm mijts mjuuky'ätyën jëtu'un tyiyëty, ko ëjts jëtu'un ja to'oxytyëjk mëti'ipë yaa miinën jëëpyë yaxpë ets kajpxtakpë Dios wintuuy, ma ënety yaa mijts myajpaatyën.

1 Samuel 17:55

Ko ja David twinkuwa'këy ja filistejë ja'ay, yë Saúl tëë ënety tyajtëy ja Abner, ja tsiptuunpë Wintsën: Mijts Abner, tuk'ëwa'anëkës, ¿Pën yë David tyeety'äjtyp?

1 Samuel 20:3

Tä ja David ni'ikyë y'ënaan'ëtë'ëtsy: Yë mteety wa'ats tnijawë ko ëëtsajtëm oy näjya'awëmë, paaty yë'ë ka'ap mtuk'ëwa'anxëty këtiipë xywyiinkjawëty. Ëjts nikäjpxypyës yam ets wa'ats yë Wintsën t'ixy koos o'kën jëjp'amës n'ity.

1 Samuel 25:26

E tyam ka'ap yë Wintsën të tyajkutuky ets nëkoo ne'pny xytyämëty xyjyä'ätsëty ets mëët ja mkë'ë m'aaw mtuuntëkoyëty. Yë Wintsën, yë'ë y'a'ixëp ets tëkokyë yë mëtsiptëjk mëti'ipë m'ëxëëk'ijxëpën näjyëtu'un nëjkx jyatë kyëpätë ijxtëm yë Nabal tyam të jyajata'anyën.