2 Samuel 13:28 - Biblia Dc en Mixe de Quetzaltepec

²⁸ tëë ënety t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

Biblia Mixe de Quetzaltepec

²⁸ tëë ënäty t'ënëëmë ja tyuunpëtëjk: M'ixtëp yajxon, ko ja Amnón myukpëkëtëty, koos nikajpxëty ets xyaj'ooktëty, tääts ënätyë xyaj'ooktëty. Këtii mtsë'ëkëtëty, ëjts yam jëtu'un ni'ënä'ämëp. Amëk jotmëk myajpaatëty.

2 Samuel 13:28 ပူးပေါင်းရင်းမြစ်များ

Génesis 9:21

Tëkok yë Noé ojts t'uuky yë tsatym nyëë mëti'ipë të nyimaanaxyën ets ojts myukpëjkënë ets ojts jäpyë myaanaxy tyëjk'itkujky niwa'ats ëxwa'ats.

2 Samuel 11:13

Ojts ja David jam twoy ma tyëjkën tääts mëët kyääy y'uky ets tyajmukë yajxon. Ko ojts kyootsënyë, tä ja Urías ojts nyëjkxnë ma jam ja tsiptuunpëtëjk tkëwent'atën ja kutujkëntëjk, kä'äpyëm ojts nyijkxy ma tyëjkën.

2 Samuel 11:15

Ja noky jëtu'un y'ënä'äny: Yë'ë pëjkta'ak yë Urías jëwyiin ets jam xynyaskäxëty ma ni'ik ja tsip myëkëtyën, jamts atu'uk xyajwë'ëmtëty ets mëtsip yaj'ookëtëty.

2 Samuel 12:10

Mëët koos ka'ap të xymyëj'ixy, ko të xypyëjkë ja Urías ja tyo'oxytyëjk, ja Hit ja'ay, jam ma mjëën mtëjkën itëp jam xëmë ja tsip äkë.

2 Samuel 13:27

Ja Absalón mëktä'äky ojts ja tyeety tjanty'ënëëmë, tääts tkupëjky ets ja myaank Amnón nyëjkxëty ma ja Absalón ja ka'ayën ukën jam të tnipëjktaakën. Absalón mëj ënety ja ka'ayën ukën të tnipëjktaakë jëtu'un tä yë ënä'ämpëtëjkëty kyäytyën y'uuktën,

2 Samuel 14:6

e jamtsës nimäjtsk yë nmaank, ënät ojts ja tsip tyajpëtë'ëktë, e jä'ä ko ka'ap ënety jam pën awijtswa'kxëtëp tu'uk ojts tyaj'o'knë ja myëku'uk, jam ënety yajpaatë kamjotm.

1 Reyes 20:16

Kujkxyëëw ojts tsyoontë, tam ënety ja Ben-adad yajxon jyänty y'uuk jyänty pyëktë mëët ja myëkutujkpëtëjk, ma jam ja tëjkën nixo'ompyë mëti'ipë ënety jam të tkojtën,

Ester 1:10

Ja yajkutujkpë Asuero janty'oy ets janty jotkujk nyäjya'awëyë ma wyëxtujkxëëwpejtyën ja xëëw, tëë ënety y'uuky. Ënet tkejxy ja Mehumán, Biztá, Harboná, Biktá, Abagtá, Zetar ets Carcás, niwëxtujk tkejxy aakyë'ë mëti'ipë tyukjotkujk'ajtypyën,

Salmos 104:15

yë ka'ayën ukën mëti'ipë mëjaaw moopyën, ets tsatym nyëë mëti'ipë yajjotkujktakpën, ets wyiin jyëjp yaj'ixy tim o'oyëtyääpy yowë.

Éxodo 1:18

Ënet ja mëj'ënä'ämpë ojts myëkajpxëtë ja japë Egiptë yajkutukyën ets y'ënëmaayëtë: ¿Wi'ix ko të xyajwë'ëmtë yë mëxu'unktëjk, mëti'ipë yä'äy'ëna'këtyën ets jyuuky'atëty?

Eclesiastés 10:19

Yë ka'ayën ukën paatykyëjxm yë'ë të yajtuknikojë ets yajtukxon yajtuk'itëty, yë tsatym nyëë yë'ë të yajtuknipëjktaakë ets yajtukxoonta'akëty; e yë meeny yë'ë të yajtuknipëjktaakë ets tääpë mäjtsk yajjuyëty.

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Daniel 5:30

Jä'ä tsu'um ja Belsasar yajkutujkpë tyaj'o'ktë, mëti'ipë ënety jam yajkutujkpën ma Caldeo ja'ayëtyën,

Nahúm 1:10

Jëtu'un tä äpnyën tëëpë yajxon nyämyatsyën, tä yë tsajpmok kepyën të'ëtspë, jëtu'un nëjkx mnitooytya'atë.

Lucas 21:34

Näkyëwent'atëtë, këtii xy'atsoktëty ja nëë ju'uky, këtii m'uuktëty mu'ukëtëty, këtii yë'ë xymyëmay xymyëtajtëty ja naaxwiinyëtë naaxkëjxypyë yajtukjuuky'ätyën, këtiipë ja ëyo'on ajotkumonë mtukja'tëtëty,

Hechos 5:29

Tääts ja Pedro y'ëtsooy mëët ja myëku'uktëjk: Yë'ë ëëts xypyatëp ets ja Dios nmëmëtowtëtyës, këtiinëm ja ja'ay.

Josue 1:9

Ëjts yam mijts n'ëne'empy ets akujk jotkujk mtimnyäyjyawëtëty, amëk jotmëk xëmë m'itëty. Këtii mtsë'ëkëty ni mkakumay mkakutajëty, jä'ä ko ëjts maas nWintsën'atyën mëti'ipë mijts mTios'ajtypyën, xëmës nyajpaata'any mëët mijts, oy maa mtimnyëjkxëty.

Jueces 19:22

Jää ma ënety jap jotkujk yajpaatën, jää ojts myintë yë ja'ayëty jampë kyukajpn'atën ets tyajnatujktë ja tëjk, tää t'ënëmaaytyë ja mëjja'ay mëti'ipë kutëjk'ajtpën: Juut tääpë ye'etyëjkëty mëti'ipë të xyaja'ajtä'äkyën. Wä'änës mëët t'ëko'knëtë.

Jueces 19:6

Ënet nimäjtskëty ja pyu'uy yajmooytyë ets nyaaxwä'tstë kääpyë ukpë, tääts y'ënëmaayëtë ja to'oxytyëjk ja tyeety ets jyaakwë'ëmtëty ja tu'ktsuujën.

Jueces 19:9

Ko ja Leví ja'ay ojts pyëtë'knë ets tsyonanë mëët ja tyo'oxytyëjk ets ja tyuunpë, ja myë't ojts jyaakënë'ëmxëty ko tsu'ujënyëp ënätynyë nëkoopë tsyoontëty, tiits jaakwë'ëmtëp jeexyë ja tu'ktsuujën ets komjëpomnën mnëjkxtëty.

Rut 3:7

Booz ku'uxyë ojts kyäy y'uuky ets janty jotkujk nyäpyëjktakë. Jam nyäkyo'kë ma ja tsajpmok nyipetyën. Kom ok ja Rut myiiny ame'tsyë ets tnipä'äntuty ja Booz ja tyeky ets jam nyäkyo'kë.

1 Samuel 18:22

Ënet ëpëky ja Saúl ojts tuk'ëne'emy ja tyuunpëtëjk ets t'ënëmaay: Nëjkx mëëtmëtya'aktë yë David atu'uk ets xy'ënëëmëtëty koos mëti'ipë ënä'ämpën, mëkës ntsoky njawë ets näjyëtu'un tëkokyë mëti'ipës mëët ntuunmukyën ets ntsojkpyës etsës yë'ë nmë't'atëty.

1 Samuel 28:10

E ja Saúl ja Dios ojts ja xyëëw tukkajpxpety ets t'ënëmaay: Tyamës yë Dios yë xyëëw ntukkajpxpety ko mijts ka'ap tii mjatëtëty.

1 Samuel 28:13

Tä ja mëj'ënä'ämpë y'ënëmaayë: Këtii mtsë'ëkë, ¿tii të xy'ixy? Jëtu'unës n'ixy tä tu'uk yë tiosën, mëti'ipë naaxjoty pëtsëëmpën. Jëtu'un y'ëtsooy ja to'oxytyëjk.