2 Samuel 13:1 - Biblia Dc en Mixe de Quetzaltepec

¹ Yë Absalón, yë myaank yë David, tam ijty tu'uk yë y'uty to'oxytyëjkpë janty'oy y'ixëty, jä'ä xyëëwajtyp Tamar. E jamts ënety näjyëtu'un wiinkpë yë David myaank jä'ä xyëëwajtyp Amnón, ojts mëk tsojkën'aty yë Tamar,

Biblia Mixe de Quetzaltepec

¹ Yë Absalón, yë myaank yë David, tam ijty tu'uk yë y'uty to'oxytyëjkpë janty'oy y'ixëty, jä'ä xyëëwajtyp Tamar. E jamts ënäty näjyëtu'un wiinkpë yë David myaank jä'ä xyëëwajtyp Amnón, ojts mëk tsojkën'aty yë Tamar,

2 Samuel 13:1 ပူးပေါင်းရင်းမြစ်များ

1 Crónicas 3:9

Tëkokyë ya'atë aakyë'ë David ojts t'u'unk'aty, ka'ap yajmëtyoy mëti'ipë y'u'unk'ajtypyën mëët wiinkpë to'oxytyëjk. Tamar yë'ë ojts tmëkä'äx'atë.

1 Crónicas 3:2

Ja mëtëkëëkpë jä'ä xyëëwajtyp Absalón, yë'ë yajmëxu'unk'ajt Maacá, nyëëx yë Talmai, jampë yajkutukyën Guesur; ja mëmajktaxkpë jä'ä xyëëwajtyp Adonías, yë'ë yajmëxu'unk'ajt Haguit;

2 Samuel 14:27

Absalón tam ijty tëkëëk yë myaank ets tu'uk yë nyëëx mëti'ipë xyëëwajtypyën Tamar, janty'oy janty tsuj ijty y'ixëty.

2 Samuel 13:15

E ko ënety tëë t'ëk'atsipt'aty, wäänëni'ik ojts t'ëxëëk'ijxnë këtiinëm jëtu'un të tsoky. Tääts t'ënëmaay: Pëtë'ëk ets mnëjkxëty.

Proverbios 31:30

Yë to'oxytyëjk janty oypyë kyëxë'ëkyën, nëkoopë je'eyë ijxën tmëëtëty ets nëkoopë nnätyukwin'ë'ënëmëty, ja to'oxytyëjk mëti'ipë myëjpëjktäkpyën yë Dios, patëp yajmëjpëjkta'akëty.

Proverbios 6:25

Këtii xykyupëkëty ets yë'ë mwin'ëënëtëty ko oy kyëxë'ëky. Këtii xykyupëkëty ets yë'ë mtukyajka'ajëtëty ko janty'oy wyintë'kxy.

1 Reyes 11:1

Ja Salomón ja tamën ënety ja tyo'oxytyëjk, ja yajkutujkpë nyëëx, je'eyëp ko ojts ëpëky wiinkëtypë to'oxytyëjk tsoky tjawë ka'apë tmëkukajpnëtyën, tä yë: Moab ja'ayëty, Amón ja'ayëty, Edom ja'ayëty, Sidónja'ayëty ets Hit ja'ayëty;

2 Samuel 11:2

Jä'ä xëëw, jënäkyxyëëw ënety ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënety je'eyë tyukjënajkta'ayë ja myëjaaw.

Génesis 34:3

E ja Siquem yajxon ojts ja Dina tjanty tsyojkën'aty ets ja jyot wyinma'any t'ëwa'anëy ets jeexyë ja Dina tsyojkën'atyë.

Génesis 29:20

Jëtu'un yë Jacob ojts tyëkë tuunpë ma Labankën, mëët ko ënety ja nyëëx ja mutskpë të tsojkën'aty, mëti'ipë xyëëwajtypyën Raquel. Wëxtujk jëmëjt ojts nituny, yajxon ënety tjantytsyoky ja Raquel, paaty pojën tja'awëy nyäjxy ja xëëw jëmëjt wëxtujk jëmëjtpë.

Génesis 29:18

E yë Jacob yë'ë ënety oy tsyojkën'ajtyp yë Raquel, paaty y'ëtsooy: Yë mnëëx Raquel yë mutskpë yë'ëjës nitunäämpy wëxtujk jëmëjt ma mijtsën.

Génesis 6:2

Yë Dios yë tyuunpëtëjk ko t'ijxtë ya'atë to'oxy'ëna'këty janty'oy janty tsujëtypë. Ënet ojts twin'ixtë aakjä'ä oyëtypë ets mëët pyëjktë y'uktë, mëti'ipë ënety tyimtsojkën'ajtëpën.

2 Samuel 13:2

ojts tyimpa'amniminë ko nëkooyë tsojkën'ajtnë ja Tamar; yë Amnón nyija'ap ënety ko yë Tamar ka'ap nitu'uk yë ye'etyëjk tmëët'atynyëm, paaty ka'ap tjëkyepy nëkoo wi'ix t'ënëëmëty ja Tamar.