2 Samuel 12:16 - Biblia Dc en Mixe de Quetzaltepec

¹⁶ Ënet ja David mëktä'äky tyëjkëy nu'kxtakpë ets jeexyë ja Wintsën tyajtso'oky ja mëxu'unk, ojts ja David jya''ayuu'aty ets naaxkëjxy tyajnajxy ja tsuu.

Biblia Mixe de Quetzaltepec

¹⁶ Ënät ja David mëktä'äky tyëjkëy nu'kxtakpë ets jeexyë ja Wintsën tyajtso'oky ja mëxu'unk, ojts ja David jya''ayuu'aty ets naaxkëjxy tyajnajxy ja tsuu.

2 Samuel 12:16 ပူးပေါင်းရင်းမြစ်များ

2 Samuel 12:15

Ko ja Natán ojts wyimpijnë nyëjkxnë ma tyëjkën, jä'ä xëëw ojts ja mëxu'unk pya'ampäjnë mëti'ipë ënety ja David mëët ja Urías ja tyo'oxytyëjk t'u'unk'atyën.

2 Samuel 12:22

Tä ja David y'ëtsooy: Ko ënety ja mëxu'unk jyaak juuky'ätynyëm, jääjës ojts n'ayuu'aty n'axëëw'aty, kooxyëp ntij jeexyë ja Wintsën tnapa'ëyoy ets jeexyë tyajjuuky'äty.

2 Samuel 13:31

Ënet ja yajkutujkpë pyëti'ky ets jyotmaytyëjkëy, ojts tkëëtsy ja wyit ets ja naaxway nyätyukupëjkë ets naaxkëjxy ojts yetsy pyojy ets aakjëtu'un ja myëkutuunk y'ëtëtstaaytyë;

1 Reyes 21:27

Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

Nehemías 1:4

Koos nmëtooy jëtu'unpë ja ayuk, jëtu'unyës ntimjyënuuntaay ets jämyë nyaaxwe'tsy täätsës ntëjkëy yaxpë, kanaak xëëw nmoony ntukjkyës, ojtsës n'ayuu'aty ets nmëjëëytyäky nmënu'kxtäkyës ja Wintsën jampë tsajpjotm y'ityën tsyëënën.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

Salmos 50:15

Mëkajpxkës ko ënety mijts mon tuk myajpaaty; ëjts mijts nyajnitso'okëp ets jëtu'unës mijts xy'oyjawëty.

Salmos 69:10

Koos një'ëy nyä'äxy ets koos ka'ap nkay n'uuky, je'eyës xynyëxi'ik xytyukxi'iktë;

Isaías 22:12

Jä'ä xëëw yë Wintsën mëti'ipë maaytyääyëpën winë, m'ënëmaayëtë ets mjë'ëtëty mya'axtëty, ets mwaay xykyääptëty ets xytyuktëkëtëty ja wit mëti'ipë kuumpën u'kxpën.

Isaías 26:16

Paatykyëjxm jëtu'un të jyäty të kyëpety, jä'ä ko ënety ëëts nyajpaatë mon tuk.

Daniel 6:18

Ënet ja yajkutujkpë ojts nyijkxy ma ja tyëjkën mon tuk, ka'ap y'a'ux'ajty ets nän ka'ap tiituunk wiinkpë tuuny mëti'ipë ja yajkutujkpëtëjk tyuunk'ajtëpën; nän ka'ap ojts oy myä'äy pyo'kxy.

Daniel 9:3

Ënet ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Jonás 3:9

wä'änxyëp yë Dios xynyijoowinpijtmëty ets xyäämëty yë tsyip y'äkë ets jëtu'un ka'ap n'o'kmëty.

Hechos 9:9

Jamts y'ijty tëkëëk xëëw wiints, ni kyakay ni kya'uuky.

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënety o'ktëy të jyat të kyëpätë. Ënet ojts jam nyëjkxtë ma ja Dios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.