2 Samuel 11:21 - Biblia Dc en Mixe de Quetzaltepec

²¹ jëtu'un ijxtëm ojts jam Tebés tëkok jyätyën, ko tu'uk ja to'oxytyëjk tka'atsë'ky ja paan u'unk ets ojts pyäätyë ja Abimélec, ja myaank ja Jerubaal? ¿E wi'ix ko miitsëty nëkooyë të mtimwyinkoonëtë? Tääts xy'ëtsowtëty: Tëë näjyëtu'un yë Urías y'ooky, mëti'ipë ja ënä'ämpë yajtsiptuunpë wintsën'ajtypyën.

Biblia Mixe de Quetzaltepec

²¹ jëtu'un ijxtëm ojts jam Tebés tëkok jyätyën, ko tu'uk ja to'oxytyëjk tka'atsë'ky ja paan u'unk ets ojts pyäätyë ja Abimélec, ja myaank ja Jerubaal? ¿E wi'ix ko miitsëty nëkooyë të mtimwyinkoonëtë? Tääts xy'ëtsowtëty: Tëë näjyëtu'un yë Urías y'ooky, mëti'ipë ja ënä'ämpë yajtsiptuunpë wintsën'ajtypyën.

2 Samuel 11:21 ပူးပေါင်းရင်းမြစ်များ

Jueces 7:1

Gedeón mëti'ipë ënety të txëëwmo'otën Jerubaal ets tëkokyë mëti'ipë ënety jämyëët'ajtëpën tsojk ojts tsyo'onkojtë jopyëp ets nyëjkxtë jam Harod ma ja nëëwookyën. Ja Madián ja'ayëty jam ënety të nyäpyëjkta'akëtë anëkëjxytsyow, ma tu'uk ja mëj joyën mëti'ipë yajpatpën jam kopk'ëjx mëti'ipë xyëëwajtypyën Moré.

2 Samuel 3:34

ka'ap ënety mkë'ëtsumy mteky tsyumyëty. Jëtu'un mijts të mtimy'o'knë, tä jeexyë yë ëxëëk ja'ay ka'oyjyä'äy të myaj'ookyën. Tyam ja mayjyä'äy tam ja näjyëtu'un jyänty ya'axtë.

2 Samuel 3:27

Ko ja Abner jam jatëkok jyä'äjty Hebrón, atu'uk ojts wyoownëjkxyë ja Joab ma pyak'itëtyën ets nyätyijyë myëëtmëtyaka'anyë, tamtsën ënety jëtu'un tyänëtë ko ojts y'ëkëty yajtsëtyuty myoxkëjxy ka'ap tyukja'awëyë ets y'o'ky, tuunwinpity ja Joab mëët ko ënety ja y'uty të y'ooky mëti'ipë ja Abner yaj'o'kën.

Jueces 6:32

Jä'ä xëëw ojts ja Gedeón tyajxëëwpätë Jerubaal, jä'ä ko tyaa y'ënantë: Wä'än kë'ëm yë Baal näkyuwa'anyë. E paatykyëjxm jëtu'un tyajxëëwpäjtë jä'ä ko yë Gedeón yë'ë ënety ja Baal ja wyintsë'këntyakn të tjijtë'ëky.

Isaías 14:10

Aak kajpxtëp ets myaj'ënëëmë: Mijts nän tëë ja mëk'ajtën tyëkooynyë, nän timjëtu'un tyam të m'awinpity tä ëëtsëtyën.

Salmos 39:8

Yajpëtsëëmkës pokyjoty; ets këtii xyajkutuky ets xynyëxi'ik xytyukxi'iktëtyës yë tsuuja'aytyëjk.

2 Samuel 11:17

e ko ja myëtsip nyipëtsëëmëtë ënät mëët yajxon tsyiptuuntë, ojts y'o'kojtë tu'uk mäjtsk ja David ja tsyiptuunpëtëjk ma ojts näjyëtu'un y'ookyën ja Urías.

2 Samuel 11:20

wä'änxyëp wäänjaty jyoot'anpëky ets myajtëwëtëty: ¿Wi'ix ko nëkooyë të mtimwyinkoonëtë ma ja kajpnën? ¿Këtii xynyijawëtë ko tääpë ja'ayëty nëkooyë tii winë tka'atsë'ëktë jam potsykyëpajkm

2 Samuel 11:22

Ënet ja kunoky ojts nyijkxy ets tukmëmëtyaktaay ja David jëtu'un ijxtëm ënety ja Joab të nyajtskajpxëtyën. Ja David ojts ja Joab tjantyukjoot'anpëky ets t'ënëmaay ja kukäjpxy: ¿Wi'ix ko nëkooyë të mtimwyinkoonëtë ma ja kajpnën? ¿Këtii xynyijawëtë ko tääpë ja'ayëty nëkooyë tii winë tka'atsë'ëktë jam potsykyëpajkm, jëtu'un ijxtëm ojts jam Tebés tëkok jyätyën, ma tu'uk ja to'oxytyëjk tka'atsë'kyën ja paan u'unk ets tukyaj'o'ky ja Abimélec, ja Jerubaal ja myaankë? ¿E wi'ix ko miitsëty nëkooyë të mtimwyinkoonëtë?