2 Samuel 1:2 - Biblia Dc en Mixe de Quetzaltepec

² Kom tëkëëk xëëw jam tu'uk jyä'äjty yë ja'ay ja tsyoony ma Saúl yë jya'ajtaknën, këëts këëts ja wyit ets ninaax kunaax mëët ko ja ëyo'on jotmay tmëëtëty. Ko jyä'äjty jam ma ja David yajpaatyën, ënät nyaaxkooy ets tyajnikëxë'ëky jëtu'un ja näwyinkutsë'ëkë.

Biblia Mixe de Quetzaltepec

² Kom tëkëëk xëëw jam tu'uk jyä'äjty yë ja'ay ja tsyoony ma Saúl yë jya'ajtaknën, këëts këëts ja wyit ets ninaax kunaax mëët ko ja ëyo'on jotmay tmëëtëty. Ko jyä'äjty jam ma ja David yajpaatyën, ënät nyaaxkooy ets tyajnikëxë'ëky jëtu'un ja näwyinkutsë'ëkë.

2 Samuel 1:2 ပူးပေါင်းရင်းမြစ်များ

Génesis 22:4

Kom tëkëëk xëëw ja Abraham ojts ja itjot t'ijxpaatynyëm, jëkäm ënety wyi'imnyëm.

Génesis 37:29

Ko yë Rubén jatëkok wyimpijty ma ja nëëjutën, ka'ap ojts t'ëkpatnë ja y'uty José, tä ja wyit, mëti'ipë ënety jam pyëjktäkpyën, t'akë'tsëy tyajnikëxë'ëky jëtu'un ko ënety mëk tjajawë ko ja y'uty të tyëkoy.

Génesis 37:34

Ënet yë Jacob ojts yë wyit tukëëtsë ets nyätyukxojxë ja wit mëti'ipë kuumpën u'kxpën ets nyätyukniwëjtaayë naaxway; jekpyaat ojts nijë'ëy niyä'äxy ja myaank ko ënety të y'ooky të tyëkoy.

Génesis 43:28

Ënet ojts nyaaxkowtë, tyajnikëxë'ëktë jëtu'un ja winkutsë'kën ets y'ëtsoowtë: Ja nteetyëtyës oy mëk ja yajpaaty ets jaakjuuky'ajtpnëm.

2 Samuel 1:3

Tä ja David yajtëëwë: ¿Ma mtsoony?. Tääts ja ja'ay y'ëtsooy: Jamës të nke'ekyës ma Israel ja'ay jam tsyiptuntën.

2 Samuel 13:19

ojts nyätyukupëjkta'ayë kuyjaam, kyë'tstaay ja wyit mëti'ipë ënety jam pyëjktäkpyën, je'eyë nyäkyumajtskëtakë ets ojts nyijkxy jëëpyë yaxpë tu'ktu'u.

2 Samuel 14:4

ënät ojts ja to'oxytyëjk jyänty nyijkxy ma ja ënä'ämpën, ko jam jyä'äjty tääts wyintäky nyaaxkooy ets ojts tkajpxpo'kxy ja yajkutujkpë, tyajnikëxë'ëky jëtu'un ja näwyinkutsë'ëkë, tä t'ënëmaay: Ënä'ämpë yajkutujkpë, yë'ë yam n'amëtoopy mpëjktsoopy etsës mijts xypyutëkëty.

2 Samuel 15:32

Ko ja David jam jyä'äjty jam kopkkëjxm ma ijty ja Wintsën tëëyëp yajmënu'kxtä'äkyën, jam tye'eypyatë yë Husai, mëti'ipë arquitë ja'ayën, tëë wyit jyänty kyë'tstaaynyë ets kyëpajk janty naaxway mëët.

2 Samuel 24:20

Arauná tam ënety y'ixy jyawë kyamjotm, ko tjëjpmë'ijxëy ja yajkutujkpë myintë mëët ja tyuunpëtëjk. Ënet poj'am tnitso'ony ets tjëjppaatë'ky, wyintäky nyaaxkooy tyajnikëxë'ëky jëtu'un ja näwyinkutsë'ëkë

2 Samuel 4:10

tëkok ojts yë ja'ay xynyiminyës, jëtu'un jëtää ënety myäy tyäjy ko oy'aaw oy'ayuk xytyuknimiinpës, yë'ëjës ojts xytyuk'ëwaanë ko tëë ja Saúl tyaj'ooktë; koos jëtu'un nmëtooy, ënetyës ja ja'ay nmajtsy etsës nyaj'o'ky jam Siglag.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

Ester 5:1

Kom tëkëëk xëëw ojts ja Ester nyäxyoxyë mëët ja wit tujkxy mëti'ipë to'oxytyëjktëjk wyit'ajtëpën mëti'ipë nyiye'etyëjk'ajtëpën ja yajkutujkpë ets ojts tninëjkxy ja yajkutujkpë jam ma yajkutukyën. Jap nyäjxy tëjkwiiny, jap wya'ak'a'awëy wintuuytsyow ma ja yajkutujktaknën.

Salmos 66:3

Jëtu'un yë Dios ënëëmëtë: Dios, tu'kë'ëyë mëti'ipë të xyajkojy të xypyëjktä'äkyën janty oyëty yaj'ixy ets tukxoontaknëty. Mëët yë mmëkajtën, yë mmëtsiptëjk aakmijts mëmëtowanëp,

Ezequiel 27:30

Nëjkxëp y'ëwë'ëktë ets mijts myajnijë'ë myajniya'axëty. Nëjkxëp naaxway nyätyukupëkëtë ets nëjkx jyaamyäts nyaaxyätstë.

Oseas 6:2

Wäänë y'ita'any tääts xyajtso'oka'anëmë, xyajpëtë'ëka'anëmë ets nyajpatmëty ma yë'ëjën.

Joel 2:13

Niwinpitë yë mWintsën Tyiosëty ets m'aaw mjot këëtstë jëtu'un tä jeexyë mwit xykyëëtstën. Jä'ä ko yë Wintsën yu'unk naxym yë y'aaw jyot ets pa'ëyoop najts'ëyo'owëp, mä'kxtujkp ets tsojkp ja'ap, xëmë jyëjp'ixy jëna'a n'ënëma'ayëmë ets këtii tyiytyunëty.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Mateo 16:21

Tääts ja Jesús ja y'ijxpëjkpëtëjk tmëmëtyaktso'ony ets t'ënëmaay ko kwanë nyëjkxa'any jam Jerusalén ets ja mëjja'aytyëjk, ja teety wintsëntëjk ets ja tsajptëkotyëtë yaj'ijxpëjkpëtëjk yaj'ëyowa'anyë ets ja ja'ay yaj'ooka'anyë, je'eyëp ko kom tëkëëk xëëw jyuukpyëka'any jatëkok.

Josue 7:6

Ja Josué ets ja mëjja'aytyëjkëty mon tuk ojts nyäyjyawëtë ko jëtu'un tmëtoowpatë, paaty yë wyit tkë'tstaaytyë ets ja naaxway nyätyuknipëjkëtë, tyajkëxë'ëktë jëtu'un ja monyëtukyë ets ja pëjkën ato'onën mëët ko ënety o'ktëy të jyat të kyëpätë. Ënet ojts jam nyëjkxtë ma ja Dios ja kyaaxë y'ityën ets nyäkyoxtënaaytyakëtë naaxkëjxy koonëm nyaxkukowëtë ets jëtu'un tyajtsu'ujëtyë.

Apocalipsis 3:9

Ja mëjku'u ja myëtuunpëtëjk mëti'ipë nëkoo nätyijëtëpën ko jyutiis ja'ay'atë ets je'eyë y'anta'aktë, tëëjës ntuknipëjktaakë ets mwinkoxtänëtëty ets nijawëtëty ko mijts n'oyjyawë.

1 Samuel 20:41

Ko ja Jonatán ojts ja tyuunpë nyëjkxnë, ënät ja David pyëtsiimy jap tsaajëxkë'py ma ënety yu'utsy të y'ityën. Ko twinkuwa'këy ja Jonatán tëkëëk ok ojts nyaaxkoy tyajnikëxë'ëky jëtu'un ja näywyinkutsë'kën, tääts nyämyajts nyämyënäänëtë ets nimäjtsk jyiiytyë yaxtë, tä ja David ojts jyotkujkë.

1 Samuel 25:23

Ko ja Abigail t'ijxy ja David ënätyë ojts ja jyëyujk tukjënäky ets twinkujijtëy tääts jëtu'un tyaj'ijxë ja näwyinkutsë'ëkë.

1 Samuel 4:12

E ojts tu'uk oywyi'ix jyaakke'eky jam tsipjotm, yë jyä'äy yë Benjamín ets pëyi'ikyë jyä'äjty jam Siló, jä'ä xëëw, nikëëts ixkëëts jyä'äjty ets ninaax ëxnaax.

1 Samuel 4:16

Tääts ja ja'ay y'ënëmaayë: Ëjts jamës tyam ntsoony tsipjotm, oyës wi'ix të njaakke'eky. ¿E wi'ixts jam të xy'ixy winë u'unk maay? Jëtu'un tyajtëëy ja Eli.