2 Reyes 9:26 - Biblia Dc en Mixe de Quetzaltepec

²⁶ Jëtu'un tääjës ëxë'ëy n'ijxyën ja jyot nye'pny ja Nabot ets ja y'u'unk y'ëna'k, jëtu'un mijts nmo'oja'any ja mjä'ä mëti'ipë mpatëpën ma ya'atë naax kamën. Paaty nëjkx jap jëpijppëtsëm ets jam xynyajtsjëpipëty ma Nabot nyaaxjotmën jëtu'un tä ja Wintsën ojts t'akäjpxyën.

Biblia Mixe de Quetzaltepec

²⁶ Jëtu'un tääjës ëxë'ëy n'ijxyën ja jyot nye'pny ja Nabot ets ja y'u'unk y'ëna'k, jëtu'un mijts nmo'oja'any ja mjä'ä mëti'ipë mpatëpën ma ya'atë naax kamën. Paaty nëjkx jap jëpijppëtsëm ets jam xynyajtsjëpipëty ma Nabot nyaaxjotmën jëtu'un tä ja Wintsën ojts t'akäjpxyën.

2 Reyes 9:26 ပူးပေါင်းရင်းမြစ်များ

Ezequiel 18:19

Nëjkxëp xyajtëwtë: ¿Wi'ix ko yë u'unk ëna'k ka'ap tkukëpätë ja teety ja pyoky? Paatykyëjxm jyëtu'unëty jä'ä ko ja u'unk ëna'k ojts tuntë mëti'ipë mëtëyën ets mëti'ipë wa'atsën, ojts tpatuny ja ënä'ämën tëyajtën; paaty mëtëy ko jyuuky'ata'any.

2 Crónicas 25:4

Je'eyëp ko ka'ap ojts ja y'u'unk y'ëna'k tyaj'o'kë, jä'ä ko yë'ë pyatuumpy ja ënä'ämën tëyajtën mëti'ipë jap miinpën ma ja Moisés ja nyokyën, ma y'ënä'änyën: Ko ja teety ja pyoky ka'ap tjëkyepy yë'ë tkumëtowëty yë y'u'unk y'ëna'k, ëkë ja u'unk ëna'k ja pyoky ka'ap tjëkyepy tkumëtowëty ja teety taak; nitu'ukjaty mëpaat ja'ay yë pyoky tkumëtoy.

2 Crónicas 24:25

Ënet ja Siria ja'ayëty ojts wyimpijnëtë, tëë ënety je'eyë tyajtsëtyutë ja Joás, nän jämyë ojts ja Joás kë'ëm ja tyuunpëtëjk nyikäjpxytyunëty ets yaj o'kë myaapäjnkëjxy jëtu'un tkumëtooy ja pyoky mëët ko ënety ja Zacarías të tyaj'ooky ja teety Joiadá ja myaank. Jam ojts tyajnaaxtëkëtë ma ja David ja kyajpnën, je'eyëp ko jëkäm, ka'ap jyamëty ma ja wintsëntëjk nyaaxtëjkëtën.

1 Reyes 21:19

Ets xy'ënëëmëty: Jëtu'un yë Wintsën y'ënä'äny: Mijts mëët ko ja Nabot të xyaj'ooky ets të xypyëjkë mëti'ipë jyä'ä'ajtypyën, jam ma yë'ë ja nye'pny të tyemy të jye'etsyën ets ja uk jam të jyë'kxmujkxëty, nän jam ja mjot mne'pny tyäma'any jyä'ätsa'any ets ja uk tjë'kxmukëty.

Deuteronomio 24:16

Yë teety taakëty ka'ap tjëkyepy yë'ë tkëpätëty ja u'unk ëna'k ja nyëë pyoky, ni u'unk ëna'k tkajëkyepy tku'ookëty ja tyeety tyaak ja nyëë pyoky. Ja ja'ay mëti'ipë ënety pokytyuunpën, yë'ë kë'ëm kyëpätëp ja nyëë pyoky.

Deuteronomio 5:9

Ka'ap xywyinkoxtänëty ets ka'ap xymyëjjawëty, jä'ä tu'ukyës ëjts nWintsën'aty mëti'ipë mTios'ajtypyën. Ëjts Dios mëti'ipë ni'akë'ajtpën, ntëytyuunpës ja nyëë pyoky ja taak teety ma ja y'u'unk y'ëna'këtyën ets mëtëkëëk mëmajktaxk najtskä'äxëpë.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

1 Reyes 21:13

Tä myiintë nimäjtsk ja ja'ayëty mëti'ipë win'ëënantëpën ets tpokynyitija'antë ja Nabot, tukmëtoowtë ja mayjyä'äy; ko ja Nabot ëxëëkjaty ënety ja Wintsën të tijy ets näjyëtu'un ja yajkutujkpë. Ënätyë tju'të ja Nabot jam ma ja mayjyä'äyën ets jam kajpnpë'am ojts tyajnëjkxtë, jam tkuka'tstë.

2 Reyes 9:21

Ënet ja Joram ojts tuk'ëne'emy ja tyuunpëtëjk: Jamës yë npujxn wintëkäämpë xynyipëjktaakëtëty mëti'ipës nmëtsiptuunpyën. Ënet ojts ja pyujxnwintëkäämpë jyänty yajnipëjktaakë, tääts ja Joram, mëti'ipë jam yajkutujkpën Israel, mëët ja Ocozías tsyo'ony, aaktam yë pyujxn wintëkäämpëty ets nëjkx tjëjpkuwa'akëja'antë ja Jehú. Jam tpatë ma ja nyaaxjotmën ja Nabot, jampë kyukajpnëtyën Jezreel.

2 Reyes 9:25

Ënet ja Jehú ojts ja tyuunpë t'ënëëmë mëti'ipë xyëëwajtypyën Bidcar: Juut yë nyini'kx jap pyujxnwintëkäämpëjoty ets nëjkx jam xytyu'ujëjpjëpipë ma Nabot yë nyaaxjotmën mëti'ipë Jezreel nyitënääpyën, jä'ä ko nja'amyejtsypës ko ënety ëëtsajtëm pujxnwintëkäämpë nyajye'eyëmë mëti'ipë Ahab jyä'ä'ajtypyën, yë Joram yë tyeety, ojts yë Wintsën tyuknikäjpxyë ko ënety jëtu'un jyata'any, ko y'ënäny:

Habacuc 2:10

Tääts jëtu'un tpaaty ijxtëm jeexyë ja mjëën mtëjk të xyajnitujkta'ayën mëët ja tsëtyu'un ets kë'ëm të myajkutëkoyë ko wiinkëtypë naax kajpn të xyajkutëkoy.

Salmos 9:13

Wintsën, pa'ëyoow najts'ëyo'owëkës, ëk'ix wi'ixës xyaj'ëyowtën ja ja'ay mëti'ipës xy'ëxëëk'ijxtëpën, yajpëtsëëmkës o'kënjëjp'am,