2 Reyes 9:25 - Biblia Dc en Mixe de Quetzaltepec

²⁵ Ënet ja Jehú ojts ja tyuunpë t'ënëëmë mëti'ipë xyëëwajtypyën Bidcar: Juut yë nyini'kx jap pyujxnwintëkäämpëjoty ets nëjkx jam xytyu'ujëjpjëpipë ma Nabot yë nyaaxjotmën mëti'ipë Jezreel nyitënääpyën, jä'ä ko nja'amyejtsypës ko ënety ëëtsajtëm pujxnwintëkäämpë nyajye'eyëmë mëti'ipë Ahab jyä'ä'ajtypyën, yë Joram yë tyeety, ojts yë Wintsën tyuknikäjpxyë ko ënety jëtu'un jyata'any, ko y'ënäny:

Biblia Mixe de Quetzaltepec

²⁵ Ënät ja Jehú ojts ja tyuunpë t'ënëëmë mëti'ipë xyëëwajtypyën Bidcar: Juut yë nyini'kx jap pyujxnwintëkäämpëjoty ets nëjkx jam xytyu'ujëjpjëpipë ma Nabot yë nyaaxjotmën mëti'ipë Jezreel nyitënääpyën, jä'ä ko nja'amyejtsypës ko ënäty ëëtsajtëm pujxnwintëkäämpë nyajye'eyëmë mëti'ipë Ahab jyä'ä'ajtypyën, yë Joram yë tyeety, ojts yë Wintsën tyuknikäjpxyë ko ënäty jëtu'un jyata'any, ko y'ënäny:

2 Reyes 9:25 ပူးပေါင်းရင်းမြစ်များ

1 Reyes 21:19

Ets xy'ënëëmëty: Jëtu'un yë Wintsën y'ënä'äny: Mijts mëët ko ja Nabot të xyaj'ooky ets të xypyëjkë mëti'ipë jyä'ä'ajtypyën, jam ma yë'ë ja nye'pny të tyemy të jye'etsyën ets ja uk jam të jyë'kxmujkxëty, nän jam ja mjot mne'pny tyäma'any jyä'ätsa'any ets ja uk tjë'kxmukëty.

Isaías 13:1

Ma yajnikäjpxy yajnimëtyä'äkyën wi'ix ja Babilonyë ja'ay nëjkx jyatën kyëpätën, mëti'ipë ja Jeséas, ja Amós ja myaank, ojts ja Wintsën tyuk'ëne'emyën ets nikajpx nimëtya'akëty.

Mateo 11:30

Yë ijxpëjkën mëti'ipë miits tyam ntuk'ëwa'anëtëp, ka'ap tsyipë; etsës ja ntu'unën, jëtu'un jä'ä ijxtëm tu'uk ja tsëmy mëti'ipë ka'ap jye'emtyëtytyën.

Malaquías 1:1

Ya'atë aaw ayuk ojts yë Wintsën tukmëmëtyä'äky yë Israel kajpn, mëti'ipë tyukmëtoowën yë Malaquías, käjpxynyajxpë.

Nahúm 1:1

Ya'atë noky yë'ë jyääy yë Nahúm, mëti'ipë jam Elcos kukajpn'ajtpën, mëti'ipë ojts yajtuk'ëwaanën ma wyinkumaayën. Nínive ja'ay yajtuknija'ayëtyë ya'atë aaw ayuk.

1 Reyes 19:17

Jëtu'un'äämpy ko pën jyakä'äka'anëty ma ënety ja Hazael yaj'ooka'anyën, yë Jehú yë'ë yaj'ookëtëp, e ko ënety pën jyake'eky ma ja Jehú, yë Elisejë yë'ë nëjkx yaj'ookyë.

1 Reyes 21:1

Nyäjxy jëtu'un ja xëëw jëmëjt, jam ënety tu'uk yë ja'ay tsyëënë Jezreel, jä'ä xyëëwajtyp Nabot, jam ijty tmëëtëty tu'uk yë tsatsymkyam, winkon ma ja yajkutujkpë Ahab ja kyutujktaknën mëti'ipë jam ënä'ämpën Samaria.

2 Reyes 9:26

Jëtu'un tääjës ëxë'ëy n'ijxyën ja jyot nye'pny ja Nabot ets ja y'u'unk y'ëna'k, jëtu'un mijts nmo'oja'any ja mjä'ä mëti'ipë mpatëpën ma ya'atë naax kamën. Paaty nëjkx jap jëpijppëtsëm ets jam xynyajtsjëpipëty ma Nabot nyaaxjotmën jëtu'un tä ja Wintsën ojts t'akäjpxyën.

Ezequiel 12:10

E jëtu'un xy'ënëëmëty ko ya'atë aaw ayuk yë'ë yajtuknikäjxp yë Jerusalén yajkutujkpë ets tëkokyë yë Israel ja'ayëty jënu'un jam tsyëënëtën.

2 Reyes 15:12

Jëtu'un'äämpy ojts y'atëy ja Wintsën ja y'aaw y'ayuk, ko t'ënëmaay ja Jehú, ko ja y'u'unk y'ëna'k ja Jehú je'eyë taxk najtskä'äxë yajkutuka'antë jam Israel.