2 Reyes 9:17 - Biblia Dc en Mixe de Quetzaltepec

¹⁷ Ko jëtu'un t'ijxy ja ja'ay mëti'ipë jam këwent'ajtpën ma ja Jezreel kajpnën, ko tam ja Jehú myiny mëët ja jyä'äy, ënät mëk yujk'ënany: Tam xim yë ja'ay myintë. Ënet ja Joram ojts tni'ënä'ämë ets tkäxtëty yë ja'ay kwaaykyijxy ets tyajtëwtëty ja mëti'ipë jam miinpën pën oy myiny ëkë pën tsiptuunpë myiny.

Biblia Mixe de Quetzaltepec

¹⁷ Ko jëtu'un t'ijxy ja ja'ay mëti'ipë jam këwent'ajtpën ma ja Jezreel kajpnën, ko tam ja Jehú myiny mëët ja jyä'äy, ënät mëk yujk'ënany: Tam xim yë ja'ay myintë. Ënät ja Joram ojts tni'ënä'ämë ets tkäxtëty yë ja'ay kwaaykyijxy ets tyajtëwtëty ja mëti'ipë jam miinpën pën oy myiny ëkë pën tsiptuunpë myiny.

2 Reyes 9:17 ပူးပေါင်းရင်းမြစ်များ

1 Samuel 16:4

Samuel ojts tjantytyuny tä ënety ja Wintsën të y'ëne'emyën. Ko jam jyä'äjty Belén ënät ojts ja mëjja'aytyëjk jyëjpye'eyë'ëkëtë ets y'ënëmaayëtë mëët ja tsë'ëkë: ¿Ja jotkujk'ajtën mmëmiimpy myajmiinpyë?

Isaías 62:6

Jerusalén, jam ma mpotsykyopkën tëëjës jam npëjktä'äky yë këwent'ajtpë, xëëny koots y'ëna'antë: Këtii m'ëmontë miitsëty mëku'uktëjkëty mëti'ipë Wintsën myëkajpxtëpën,

Isaías 56:10

jä'ä ko ja ja'ayëty mëti'ipë ijx'ijtp këwent'ajtëpën, maas ja nnaax nkajpnën aak wiints të y'awinpijta'atë. Ka'ap tii t'ixtë; jëtu'un tä uk uumpën, ka'apë wyojyën; je'eyë mya'atë pyo'kxtë ets xyëëwma'atë, jëtu'un jyuuky'atë xëmë wiinkumaatë yowë.

2 Reyes 9:19

Ënet ja yajkutujkpë ojts wiinkpë tkexy ja tyuunpë kwaaykyijxy ma jam ja Jehú myinyën, ko jam jyä'äjty, tä tyajtëëy: Yë yajkutujkpë yë'ë nyijawëjäämpy pën mijts oypyë mëmiinpy ëkë pën tsiptuunpë miny. Tä ja Jehú y'ëtsooy: Tyaapë ka'ap myijtsëty mpaatyë xynyijawëty. Nax jam jëxkë'ëm ets pamiinkës.

2 Reyes 7:14

Ënet ojts yë'ë tuknëjkxtë mäjtsk yë pujxnwintëkäämpë ets nëjkx t'ixtë tuntë ja it ma ënety ja sirië ja'ayëty nyäkyëwent'atëtën.

1 Reyes 2:15

Mijts wa'ats xynyijawë, jëtu'un y'ënäny yë Adonías, ko ja kuttujkën ëjts ënety xyjyapatp ets tëkokyë ja Israel ja'ayëty aakjëtu'un tjëjp'ixtë ets ntëkëtyës ëjts ënä'ämpë. Je'eyëp ko ja kuttujkën yë'ë ojts yajmo'oy ja n'utyës Salomón, jä'ä ko jëtu'un ënety ja Wintsën të tuknipëjktaakë.

2 Samuel 18:24

Ja David tam ënety y'u'unyë tëjk'ëkë'ëm, ma ja kajpn yajnitëkën, ja mëti'ipë këwent'ajtpën ets käjpxyajkpën tëë ënety jam tëjkëjxm pyety maatsow ja tëjk'aaw yajnitëkën. Ko y'ijxë'ky, ënät t'ijxpaty ko tam tu'uk ja ja'ay myiny jëkäm pëyi'ikyë,

2 Samuel 13:34

Ja Absalón ojts ënätyë kye'eky, ja ja'ay mëti'ipë ënety jam këwent'ajtpën ma ja David ja kyutujktaknën jam jëkäm t'ijxpaty ja'ay myintë jëyujk këjxy, nikanaak, ma ja it txëëwatyën Horonaim, ma wyinjënäkyën. Ënet ënätyë tuk'ëwa'anëy ja yajkutujkpë David, ko ënety të t'ixy ja ja'ay jam jyënaktë tunkëjxm ma txëëwatyën Horonaim.

1 Samuel 17:22

E tëkokyë mëti'ipë ënety ja David myënëjkxypyën, jä'ä ojts poj'am tukkë'ëtëjkëtyä'äy ja ja'ay mëti'ipë kyëwent'ajtypyën ja ku'umën, yenypyujxn ets ti'px, tëkokyë mëti'ipë ja ja'ay myëtsiptuuntëpën ets ojts nyijkxy pëyi'ikyë ma ënety ja y'äjty yajpaatën ets t'ixa'any wi'ix jam jyatë kyëpätën.

2 Reyes 9:11

E ko ja Jehú jatëkok wyimpijty, ma ënety jap yajpaatën ja tsiptuunpë wintsëntëjkëty, mëti'ipë ja yajkutujkpë myëtuuntëpën, tä yajtëëwëtë: ¿Wi'ix jyäty? ¿Tiijën ko tääpë ja'ay kyupoj të y'ojtspë? Miitsëty mnija'awëtyëp yë'ë, tëë kë'ëm xymyëtowtë wi'ix yë xo'onën ijtën tmëët'atyën, jëtu'un y'ëtsooy yë Jehú.

2 Reyes 9:16

Ënet ojts tukpety ja pyujxnwintëkäämpë mëti'ipë myëtsiptuunpyën ets ojts nyijkxy jam Jezreel, yë Joram tsyëtyut ënety jam myëko'knääpy. Näyjyëtu'un yë Ocozías mëti'ipë yajkutujkpën jam Judá tëë ënety tninëjkxy yë Joram.

2 Reyes 9:18

Ënet ja tsiptuunpë ojts tu'uk tsyoony kwaaykyijxy ets jyä'äjty ma ja Jehú jam myinyën ets t'ënëmaay: Yë yajkutujkpë yë'ë nyijawëjäämpy pën mijts oypyë mëmiinpy, ëkë pën tsiptuunpë miny. Tä ja Jehú y'ëtsooy: Tyaapë ka'ap myijtsëty mpaatyë xynyijawëty. Nax jam jëxkë'ëm ets pamiinkës. Tääts ja tsiptuunpë mëti'ipë jam kajpntum këwent'ajtpën ojts tnikäjpxy ets y'ënäny: Ja nja'ay'ajtëmë tëë jam jyaja'ty, je'eyëp ko ka'ap yaj'ix wyimpity.