2 Reyes 9:14 - Biblia Dc en Mixe de Quetzaltepec

¹⁴ Yë Jehú, mëti'ipë yë Josafat y'u'unk'ajtypyën, yë y'ok'u'unk yë Nimsi ojts tnikäjpxytyunë yë Joram. Ja Joram mëti'ipë ënety mëët ja Israel ja'ay të tkuwa'anyën ja Ramot mëti'ipë ja Galaad nyitënääpyën, ko ja Hazael yajnatujkëtë, mëti'ipë jam yajkutujkpën Sirië,

Biblia Mixe de Quetzaltepec

¹⁴ Yë Jehú, mëti'ipë yë Josafat y'u'unk'ajtypyën, yë y'ok'u'unk yë Nimsi ojts tnikäjpxytyunë yë Joram. Ja Joram mëti'ipë ënäty mëët ja Israel ja'ay të tkuwa'anyën ja Ramot mëti'ipë ja Galaad nyitënääpyën, ko ja Hazael yajnatujkëtë, mëti'ipë jam yajkutujkpën Sirië,

2 Reyes 9:14 ပူးပေါင်းရင်းမြစ်များ

2 Reyes 8:28

Ocozías ojts mëët ja tu'ukyë'at tuny ja Joram, yë Ahab yë myaank ets mëët tsyiptuna'antë ja Hazael jam Ramot ma Galaad tnitänën, mëti'ipë jam yajkutujkpën ma ja sirië ja'ayëtyën. E ja Siria ja'ayëty ojts tyajtsëtyutë ja Joram,

1 Reyes 22:3

Ets ja yajkutujkpë jampë Israel t'ënëmaay ja tyuunpëtëjk: Miitsëty mnija'awëtyëp ko yë naax kam tampë yajpaatyën Ramot ma Galaad y'itjotmën, ëëts yë njä'ä'ajtëmë ¿këtiijë?. ¿E tiixë ko ënät nkanitsipjëtu'unëmë ets jatëkok mpëjkëmëty yë sirië ja'ayëty?

2 Reyes 15:30

Ënet ja Oseas, yë myaank yë Elá, tnikäjpxytyu'unëy yë Peka, yë myaank yë Remalías, ojts tnipëtë'ëky ets tyaj'o'ky. Ko y'o'ky tääts ojts yë'ë tkutëkë, ma ënety më'i'px jëmëjt tyunyën ja Jotam, yë myaank yë Uzías.

2 Reyes 10:9

Komjëpom tääts tsyo'ony yë Jehú, jam nyijkxy ma ja naax kajpn të ye'eymyukyën ets y'ënäny yë Jehú: Miitsëty ka'ap nitii poky xymyëët'atë. Ëjts ojts nikäjpxytyunë yë yajkutujkpë ets nän ëjts kë'ëm të nyaj'ooky; e yë'ëjës nkanija'ap ¿pën jëtääjën tyaapë ja'ayëty të tyim yaj'o'kënëtë?

2 Reyes 9:31

E ko yë Jehú jam jyä'äjty ma ja kajpn yajnitëkën, tä ja Jezabel y'ënäny: ¿Wi'ix myajpaaty Zimri, mëti'ipë ja wyintsën kë'ëm të tyaj'ookyën?

1 Reyes 16:16

jä'ä ko jä'ä xëëw ma ja tsiptuunpëtëjk tnija'awëtyën ko ënety ja Zimri, të tnikäjpxytyunë ja yajkutujkpë ets ko ënety të tyaj'ooky ets yë'ë ja kuttujkën tniwaaka'any, ënät ojts jämyë tnikajpxpätë ja Omri, tu'uk ja tsiptuunpë Wintsën ets jä'ä yajkutukëty ma Israel kajpnën.

1 Reyes 16:9

e jamts ijty tu'uk yë tyuunpë, Zimri xyëëwajtyp yë'ë nyiwintsën'ajtyp yë tsiptuunpëtëjk, yë'ë kyëwent'ajtyp ja pujxnwintëkäämpë mëti'ipë myëtsiptuuntëpën, tä mëët ja myëku'uktëjk nyäkyajpxë ets tyaj'ooka'antë ja Elá. Tu'kxëëw ojts tëkok yë Elá nyäyajmukpëkyë nëkooyë, jam ënety yajpaaty ma tyëjkën yë Arsá, mëti'ipë yajputu'unëpën, jam Tirsá y'itjotm.

1 Reyes 16:7

Ya'atë aaw ayuk yë'ë ojts yajtukmëkäxë Jehú, Hananí yë myaank; ja Wintsën jä'ä ojts tnikäjpxy wi'ix ja Baasá tkumëtowëtyën ja pyoky mëët ja y'u'unk y'ëna'k y'u'unk tyo'oxytyëjk, jä'ä ko tëkatsy ojts winë tuny. Basá ojts yë Wintsën tyajjoot'anpëky, jä'ä ko ëxëëk winë tuuny jëtu'un tä ja Jeroboam mëët ja y'u'unk y'ëna'k ëxëëk winë tuuntën, mëti'ipë ojts näjyëtu'un kyutëkoytyën.

1 Reyes 15:27

E yë Baasá, myaank yë Ahías, Isacar yë jyä'äy, ojts mëët yë jyä'äy nikanaak nyäkyäjpxyë ets tyaj'o'ktë ja Guibetón, ma ja filistejë nyaaxjotëtyën, mëti'ipë ënety yë Nadab të tyajnatukyën ets tnitëkëja'any mëët ja may Israel ja'ayëty.

2 Reyes 9:2

ko jam mja'tëty, tääts xy'ixta'ajëty yë Jehú, yë myaank yë Josafat ets yë'ë y'ok'u'unk yë Nimsi. Jap mtëkëty tëkoty ma jap yajpaatyën, ëpëky xywoownëjkxëty, wiinktëjk;

2 Reyes 8:29

ënät wyimpijty ënätyë jam Jezreel ets tyajtsooypyäta'any ja tsyëtyut ma ënety të yajtsëtyutyën ja Siria ja'ayëty ko jam nyäwyinkuwa'këtyë Ramot, ma ja Hazael tnipëtë'ktën ja Sirië yajkutujkpë. E jä'ä ko ja Joram pëjkëp ënety, paaty ojts ja Ocozías nyinëjkxyë ets kyu'ixëja'anyë.

2 Reyes 12:21

Yë'ë ojts yaj'ookyë yë Josacar, yë myaank yë Simat, ets Jozabad, yë myaank yë Somer, mëti'ipë ënety yë'ë tsyiptuunpë wintsën'ajtypyën këjää ojts tyajtsëtyutyë ets y'o'ky; ko y'o'ky jam tyajnaaxtëjkëtyë ma ja David ja kyajpnën. Ok, yë'ë ojts kyutëkëty yë myaank Amasías.