2 Reyes 9:11 - Biblia Dc en Mixe de Quetzaltepec

¹¹ E ko ja Jehú jatëkok wyimpijty, ma ënety jap yajpaatën ja tsiptuunpë wintsëntëjkëty, mëti'ipë ja yajkutujkpë myëtuuntëpën, tä yajtëëwëtë: ¿Wi'ix jyäty? ¿Tiijën ko tääpë ja'ay kyupoj të y'ojtspë? Miitsëty mnija'awëtyëp yë'ë, tëë kë'ëm xymyëtowtë wi'ix yë xo'onën ijtën tmëët'atyën, jëtu'un y'ëtsooy yë Jehú.

Biblia Mixe de Quetzaltepec

¹¹ E ko ja Jehú jatëkok wyimpijty, ma ënäty jap yajpaatën ja tsiptuunpë wintsëntëjkëty, mëti'ipë ja yajkutujkpë myëtuuntëpën, tä yajtëëwëtë: ¿Wi'ix jyäty? ¿Tiijën ko tääpë ja'ay kyupoj të y'ojtspë? Miitsëty mnija'awëtyëp yë'ë, tëë kë'ëm xymyëtowtë wi'ix yë xo'onën ijtën tmëët'atyën, jëtu'un y'ëtsooy yë Jehú.

2 Reyes 9:11 ပူးပေါင်းရင်းမြစ်များ

Jeremias 29:26

Mijts yë Wintsën të mpëjktä'äkyë ets mteety'atëty ets xykyutëkëty yë Joiadá ets mijts mniwintsën'atëp ja tsajptëjk ma yaj'ijx'ity yajkëwent'atyën. Ko pën ja'akyupoj myinëty ets tyëkëty ëëpë kajpxpë jëtu'un tä käjpxynyajxpën, ënätyë xymyatsëty ets xypyëjkta'akëty ma ja kepyën mëti'ipë pokyjyä'äy yajtukyo'ktsuumpën ets yë'ë mtukutsumëp yë pujxntä'äky.

Hechos 26:24

Ko ja Pablo jëtu'un nyäkyukajpxtaayë, ënät ja yajkutujkpë Festo mëk y'akajpxtujkë: Pablo kupoj. Yë m'ijxpëjkën yë'ë të myajlokëjajtënë.

Juan 10:20

May ja ja'ay mëti'ipë ënantëpën: ¿Tii ko yë'ë xymyëpëka'antë? Ku'oypyë myëët'ajtyp, ja'akyupoj yë'ë.

Oseas 9:7

Tëë tpaaty ja xëëw po'o ma ja tëytyu'unën y'ita'anyën. Tëë tpaaty ja xëëw po'o ma tkëpäta'antën ja ja'ay ja y'ëxëëktu'un y'ëxëëk kajpxënëty. Israel nyijawëp ënät ko tpaatëty ja xëëw po'o. Miitsëty jëtu'un m'ëna'antë: Yë Dios yë kyäpxynyajxpë winma'anytyuk yë'ë ets tsuujajtp lokëjajtp. Yë'ëjëty paaty jëtu'un y'ëna'antë jä'ä ko ëxëëk nyäyjyawëtë, jä'ä ko mëj këjää yë pyokyëty.

Marcos 3:21

Ko ja Jesús ja myëku'uktëjk tnija'awëtyë, ënät nyimiinëtë ets yajtsoona'anëtë jä'ä ko jëtu'un ënety myäytyë tyajtë ko tëë lyokëjaty.

2 Reyes 9:22

Ko ja Joram t'ijxy ja Jehú, tä t'ënëmaay: ¿Wi'ix Jehú oypyë myajmiinpyë, ëkë mtsiptunaanpë? Tä ja Jehú y'ëtsooy: ¿Wi'ix yjyää'atëty ja jotkujk'ajtën, pën mijts yë mtaak, Jezabel, je'eyëm tuun'ëtë'ëtsy ja ëxëëkpë, ma ja wiink tios t'ëwtatyën ets ma ja myëku'uk tpatoy tpanaxyën?

2 Reyes 9:19

Ënet ja yajkutujkpë ojts wiinkpë tkexy ja tyuunpë kwaaykyijxy ma jam ja Jehú myinyën, ko jam jyä'äjty, tä tyajtëëy: Yë yajkutujkpë yë'ë nyijawëjäämpy pën mijts oypyë mëmiinpy ëkë pën tsiptuunpë miny. Tä ja Jehú y'ëtsooy: Tyaapë ka'ap myijtsëty mpaatyë xynyijawëty. Nax jam jëxkë'ëm ets pamiinkës.

2 Reyes 9:17

Ko jëtu'un t'ijxy ja ja'ay mëti'ipë jam këwent'ajtpën ma ja Jezreel kajpnën, ko tam ja Jehú myiny mëët ja jyä'äy, ënät mëk yujk'ënany: Tam xim yë ja'ay myintë. Ënet ja Joram ojts tni'ënä'ämë ets tkäxtëty yë ja'ay kwaaykyijxy ets tyajtëwtëty ja mëti'ipë jam miinpën pën oy myiny ëkë pën tsiptuunpë myiny.

2 Reyes 5:21

Jëtu'un'äämpy yë Guehazí tpatso'ony ja Naamán; ko yë Naamán y'ijxwinpijty ko tam yë Guehazí pyaminyë, ënät tukjënäjky yë pyujxnwintëkäämpë ets yajtëëwë: ¿Ti wä'än jam amay jotmay të kyëxë'ëkyë?

2 Corintios 5:13

Pën tsuu ëëts ja ja'ay xytyijtë, Tioskyëjxm ëëts ntsuu'atë; e pën ka'ap, miits mtuk'oy'atantëp.

1 Corintios 4:10

Koos ja Kristë nmëpëktë, tsuuja'ayës nyajtijtë; nkukajpxëpës ja Kristë ko miits myajtijtë wijy kejy; ëëtsëty ka'apës njotmëk'atë, e miitsëty amëk jotmëk myajpaatë. Ka'apës ja'ay xytsyoktë, e miitsëty myajtsojktëp.

Hechos 17:18

Mäjtskpëky ënety ja wijyjyä'äytyëjk jam yajpaatë: epicúreos tu'pëky yajtijtë, ets jatu'kpëky estoicos, ets y'ëna'antë: ¿Tii tääpë ja'ay atsä'pxy nyimëtyaktëp? Ets ja wiinkpë y'ënantë: Wiink tios yë yowë nyikajpxtëp. Paaty jëtu'un y'ënantë jä'ä ko ënety ja Pablo tnikäjpxy tnimëtyä'äky ja Jesús ets ko o'kpë jyuukpyëka'any.

Isaías 59:15

Ja jaantypë ja käjpxy mëtyä'äky, jëtu'unyë të pyojtëkoy; ja mëti'ipë jyakukekpyën ja ëxëëkpë tëë yajmä'tsta'ay. Tëë ja Wintsën jyoot'anpëky ko të t'ixy ko ka'ap jyää'aty ja oypyë nipaye'eyën.

2 Reyes 4:26

Nëjkx pëyi'ikyë jëjpye'eytsyow ets xyajtëwëty, wi'ix yajpaaty ja nyiye'etyëjk ets ja y'u'unk. Tääts ja tyuunpë ojts tjëjpye'eytsyoy ja to'oxytyëjk ets y'ëtsoowë, ko oy yajpaatë.

2 Reyes 9:2

ko jam mja'tëty, tääts xy'ixta'ajëty yë Jehú, yë myaank yë Josafat ets yë'ë y'ok'u'unk yë Nimsi. Jap mtëkëty tëkoty ma jap yajpaatyën, ëpëky xywoownëjkxëty, wiinktëjk;

2 Reyes 9:12

Këtiijës xywyin'ëëntëty, tukmëmëtyaktëkës wi'ix të m'ënë'ëmxëty. Ënet ja Jehú y'ëtsoowëtë: Tyam ntuk'ëwaanëtëty wi'ixës të xy'ënëëmën: Jëtu'un yë Wintsën y'ënä'äny: Mijts yam nkënu'kxyp ets m'ënä'äm myajkutukëty ma Israel kajpnën.