2 Reyes 8:9 - Biblia Dc en Mixe de Quetzaltepec

⁹ Ja Hazael ojts ja käjpxynyajxpë tninëjkxy, pyapëjk winë mëti'ipë jam ijtp wintëëpën Damaskë ets tmo'oja'any ja käjpxynyajxpë, wëxtyikxy jëyujk jëku'ux ojts ja näynyamo'ojë tmënëjkxy. Ko jam jyä'äjty ma ja Elisejë tääts t'ënëmaay: Yë Ben-adad, sirië ja'ay mëti'ipë yajkutujkpën, mëti'ipë jëtu'un mja'awëyëpën tä tu'uk yë teetyën, yë'ëjës të xykyexy ets nyajtëwëty pën tso'okaanpëk ma jam pyikyë y'ixyën.

Biblia Mixe de Quetzaltepec

⁹ Ja Hazael ojts ja käjpxynyajxpë tninëjkxy, pyapëjk winë mëti'ipë jam ijtp wintëëpën Damaskë ets tmo'oja'any ja käjpxynyajxpë, wëxtyikxy jëyujk jëku'ux ojts ja näynyamo'ojë tmënëjkxy. Ko jam jyä'äjty ma ja Elisejë tääts t'ënëmaay: Yë Ben-adad, sirië ja'ay mëti'ipë yajkutujkpën, mëti'ipë jëtu'un mja'awëyëpën tä tu'uk yë teetyën, yë'ëjës të xykyexy ets nyajtëwëty pën tso'okaanpëk ma jam pyikyë y'ixyën.

2 Reyes 8:9 ပူးပေါင်းရင်းမြစ်များ

Filemón 1:14

Je'eyëp ko ka'apës tii ntuna'any mëti'ipë mijts ka'ap xyajkutukynyëmën ets ja mëyajtën mëti'ipë mtuumpyën tsojkënkyëjxm xytyunëty, ka'ap y'akwanëty.

2 Reyes 16:7

Ënet yë Acaz tkejxy yë kyukäjpxy jam ma Tiglat-piléser, jampë yajkujkyën Asiria ets t'ënëëmëty: Ya'atë mtuunpë jëtu'un yë'ë tä jeexyë xy'u'unk'atyën. E paaty yam npëjktsoyë ets minëty poj'am, minës nitsiptuunk maas yam yë yajkutujkpë Sirië ëxëëk xytyunyën.

2 Reyes 13:14

Yë Elisejë mëk ënety jam pyëjkënë, tim ookanëp ënätynyë ko yë Joás, Israel yajkutujkpë ojts tninëjkxy; mëk tnijëëy tniyäxy ets tnimoony tnitujky, ko tyo'kmënäänajxy, tääts t'ënëmaay: Tatë, tatë, mijts jëtu'un mëj këjää yë naax kajpn të xypyutëkë; yë Israel kajpn, jëtu'un të mmëët'atyë tä maytsyiptuunpën.

2 Reyes 6:21

Ko ja yajkutujkpë t'ijx, mëti'ipë jam ënä'ämpën Israel, tä t'ënëmaay ja Elisejë: ¿Wi'ix tatë, oyës nyaj'ooktëtyë?

2 Reyes 5:13

Ko jëtu'un ja tyuunpë y'ijxëtë, ënät nyimiinëtë ets y'ënëmaayëtë: Wintsën, kooxyëp jeexyë tääpë ja'ay mëti'ipë Wintsën myëtuumpyën të mtuk'ëne'emyë mëti'ipë jaakwäänë tsip xytyunëtyën, ¿këtii jëtäätën jeexyë xytyunyë? E tääpë mtuk'ëne'emyën ka'ap yowë ijty ninu'un jyatsipëty, tim je'eyë jeexyë mtsi'iy ets mtso'okëty.

2 Reyes 5:5

Ënet ja yajkutujkpë y'ëtsoowë: Oy'atëp, oy mnëjkxëp, tyamës tu'uk yë noky ntuknikäxëty yë yajkutujkpë jampë y'ëne'emyën Israel. Ënet ja Naamán tsyo'ony. I'px majk mil ojts tmënëjkxy yë poop pujxn meeny, tëtujk mil yë pu'ts pujxn ets majk ni'kx yë wit,

1 Reyes 19:15

Ënet ja Wintsën y'ënëmaayë: Nëjkx ets winpit jatëkok ma të minyën, jam të'ëts'itjotm ma txëëwatyën Damaskë. Nëjkx kënu'kx yë Hazael ets yë'ë jam y'ënä'ämëty Sirië,

1 Samuel 25:8

Jyëkyejpy xyajtëwëty yë mtuunpëtëjk ets xymyëpëkëty. E paaty ënät yam npëjktsoy ets ya'atë ëna'ktëjkëty wäänë xypya'ëyowëty mëti'ipë yam mnimiinëpën ma mjëën mtëjkën ma myajpaatyën oy mëk ets xymyo'ojëty wäänë yë jë'kxy pëky ëkë tii jam mëët'ajtypyën, jëtu'un yë'ëjëty ets jëtu'unës ëjts, jä'ä ko jëtu'unës ëjts ma mijtsën tä jeexyë mmaankën.

1 Samuel 9:7

Jam, jëtu'un y'ëtsooy yë Saúl. Je'eyëp ko, ¿Tii tëy nmo'omyëp? Ix ni tsajpkääky nkamëët'ajtëmë mëti'ipë jeexyë nmo'oyëmën.

1 Reyes 15:18

Ënet ja Asá tyajpëtsëëmtaay ja pu'ts pujxn ets ja poop pujxn mëti'ipë ënety jap të jyaakwë'ëmyën tsajptëkoty ets jap ma ja kutujkëntëjkën ets ja tyuunpëtëjk tukmëkäjxëy ets tmo'otëty ja Ben-adad, mëti'ipë jam yajkutujkpën Sirië, ja myaank ja Tabrimón, yë y'ok'u'unk yë Hezión, mëti'ipë jam tsënääpyën Damasco. Näyjyëtu'un ja aaw ayuk tuknikejxy:

1 Reyes 14:3

E yë'ëts mënëjkxëp; majk yë tsajpkääky ets wiinkëtypë tsajpkääky ets uuxpa'ak tu'uk tu'ts, tääts nëjkx jam xy'ixy ets yajnijawëty wi'ix ya'atë mëxu'unk y'itëty.

2 Reyes 1:2

Ko yë Ocozías jam kyënajxy ma ja tyëjkwiinën ma jam yajkutukyën jam Samaria, tsëtyujtaay yajxon, ënät t'ënëmaay ja tyuunpë ets jam nëjkx tyajnitëwëtë ma ja Baal-zebub jam yajpaatyën, tu'uk yë awinax mëti'ipë jamën Ecrón, tääts nijawëtëty pën tso'okjaanp ëkë pën ookaanp,

Eclesiastés 3:6

Nyixëëw nyijëmëjt pyätyp ko pën tii t'ixmatsy ets ko pën nyäy'awijtsë'ëkyë. Ko pën tii tpëjkë'ëky tuunë'ëky ets ko pën tii t'ijxpëky.