2 Reyes 8:7 - Biblia Dc en Mixe de Quetzaltepec

⁷ Ënet ja Elisejë ojts nyijkxy jam Damaskë, jä'ä xëëw pëjkëp ënety jam yë Ben-adad, ja Siria ja'ay yajkutujkpë, ënät yajtuk'ëwa'anëy ko tëë ja käjpxynyajxpë ënety jyä'ty.

Biblia Mixe de Quetzaltepec

⁷ Ënät ja Elisejë ojts nyijkxy jam Damaskë, jä'ä xëëw pëjkëp ënäty jam yë Ben-adad, ja Siria ja'ay yajkutujkpë, ënät yajtuk'ëwa'anëy ko tëë ja käjpxynyajxpë ënäty jyä'ty.

2 Reyes 8:7 ပူးပေါင်းရင်းမြစ်များ

2 Reyes 6:24

Ko jëtu'un y'ëkkëjxy y'ëknajxy, ja Ben-adad, jampë yajkutukyën Sirië, ënät tyajmujktaay nitëkokyë ja tsyiptuunpëtëjk ets tyajnatujktë ja Samaria kajpn.

1 Reyes 11:24

Tëë ënety jyä'äy näjyëtu'un t'ixta'ay, aak mä'tstëp. Ko ja David ojts ja mayjyä'äy tyaj'ooky jam ojts yë Rezón jyaakäktso'oky Damaskë, jam ojts wyi'imy ënä'ämpë yajkutujkpë.

1 Reyes 20:1

Yë Ben-adad, mëti'ipë jam yajkutujkpën Sirië, ojts may tyajmuky ja tsyiptuunpëtëjk ets mëët nyämyajtsë ni''i'px majk ja yajkutujkpëtëjk, mëët tëkokyë ja tsyiptuunpëtëjk mëti'ipë këwaaykyëjxm tsiptuuntëpën ets ja pujxnwintëkäämpë mëti'ipë myëtsiptuuntëpën ets ojts nyijkxy jam Samaria, tyajnatujky ets tnitëjkëy.

Hechos 17:6

e ko ka'ap tpatë ja Pablo ets ja Silas jap tëkoty, ënät tyajtso'ontë ja Jasón mëët ja wiinkpë ja mëpëjkpëtëjkëty; witsy jëtuty jam tyajtso'ontë, ets tukyax tukjojkëtë: Ya'atë ja'ayëty tëë tyajma'ta'atë yë naax kajpn naaxwiinyëtë apëtsëmy, e tëë yaa näjyëtu'un myintë,

Isaías 7:8

Jä'ä ko yë Siria ja'ayëty timjëtu'un yë tyu'unënëty kyajpxënëty tä yë Damaskë ja'ayëty y'ijtën, e yë Damaskë ja'ay yë'ë ënä'ämëtëp yë Rezin; e yë Efraín ja'ayëty je'eyë jyaak juuky'ata'antë ja tëkë'px mëkoxk jëmëjt tääts ja nyaax kyajpn kyutëkoya'antë.

2 Reyes 6:12

Tu'uk ojts jam yujk'ëtsoy: Ka'ap pën, Wintsën. Je'eyëp ko jam ma Israel kajpnën, jam tu'uk yë ja'ay tsyëënë mëti'ipë xyëëwajtypyën Elisejë, yë'ë myëtuumpy yë Wintsën, yë'ëts tëkokyë winë tyuk'ëwa'anëtyääpy yë yajkutujkpë jampë yajkutukyën, oy yë'ëpaatëty tnija'awëtyä'äy mëti'ipë mijts nkäjpxypën mëtyäkpyën ma ma'ay mpo'kxyën.

2 Reyes 2:15

Ja Wintsën ja kyäjpxynyajxpëtëjkëty mëti'ipë jam yajpatëpën Jericó, ko t'ijxtë ja Elías, tä y'ënantë: Ja Elisejë ja myëk'ajtën yë'ë tyam yajpatp ma ja Eliseën. Ënet ojts tninëjkxtë, ko tpatë tääts wyintak nyaxkoowtë ma yë'ëjën mëët tu'uk ja näywyinkutsë'kën,

1 Reyes 20:34

Tä ja Ben-adad y'ënëmaayë: Tyam jatëkok nmooytya'ajëty ja kajpn mëti'ipë ja nteetyës pyëjkëyën ja mteety; mijts oy jam mjuyëty mkëpätëty ëkë mtookëty myajkëty Damaskë, jëtu'un tä ja nteetyës jamën Samaria. Ëjts nän tyamës mijts n'ëxmatsëty, jëtu'un y'ëtsooy ja Ahab. Jëtu'un'äämpy ja Ahab tuuny ja käjpxytyu'unën mëët ja Ben-adad ets t'ëxmajtsy ets nyëjkxnë.

1 Reyes 15:18

Ënet ja Asá tyajpëtsëëmtaay ja pu'ts pujxn ets ja poop pujxn mëti'ipë ënety jap të jyaakwë'ëmyën tsajptëkoty ets jap ma ja kutujkëntëjkën ets ja tyuunpëtëjk tukmëkäjxëy ets tmo'otëty ja Ben-adad, mëti'ipë jam yajkutujkpën Sirië, ja myaank ja Tabrimón, yë y'ok'u'unk yë Hezión, mëti'ipë jam tsënääpyën Damasco. Näyjyëtu'un ja aaw ayuk tuknikejxy:

1 Reyes 13:1

Yë Jeroboam yë'ë ënety jam pyëjktäkpy yë poom ma wintsë'këntyaknën, ko tu'uk yë Wintsën yë kyäjpxynyajxpë jyä'äjty jam Betel, Judá tsyoony, Wintsën ënety të kyexyë.

Jueces 16:2

Ko yë ja'ayëty tnija'awëtyë mëti'ipë jam kukajpnajtëpën Gaza ko yë Sansón tëë jam jyä'ty kyajpnjotmëty, ënät ojts tyajnatuktë ja tëjk ets tu'kxëëw ojts tkëwent'atë ja tëjkëtyakn jam ma ja kajpn yajnitëkën. Ko ojts tsyu'ujënyë tää nyëjkxtaaytyë ma tyëjkëtyën, jëtu'un ojts myäytyë tyajtë ko jopyëp tyaj'ooka'antë ja Sansón ko xyiinytya'akëty

Deuteronomio 33:1

Ka'anëm ënety ja Moisés y'ookynyëm, mëti'ipë ja Dios myëtuunën, ko ja Israel ja'ayëty ojts t'ëkjaakënu'kxnë,

Génesis 14:15

Koots yë Abram mëët yë jyä'äy tukja'ajtë ajotkumonë ja yajkutujkpëtëjk ets ojts tmëmëta'aktë, jampaat tpaja'ajtë ma ja Hobá itjotmën, mëti'ipë yajpatpën anajnytsyow ma Damaskë kajpnën.

2 Reyes 1:2

Ko yë Ocozías jam kyënajxy ma ja tyëjkwiinën ma jam yajkutukyën jam Samaria, tsëtyujtaay yajxon, ënät t'ënëmaay ja tyuunpë ets jam nëjkx tyajnitëwëtë ma ja Baal-zebub jam yajpaatyën, tu'uk yë awinax mëti'ipë jamën Ecrón, tääts nijawëtëty pën tso'okjaanp ëkë pën ookaanp,

2 Reyes 5:20

ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

2 Reyes 8:6

Ja yajkutujkpë ojts tyajtëy ja to'oxytyëjk, e ja to'oxytyëjk wa'ats tnimëtyaktaay wi'ix ënety y'ixë'atyën. Ënet ja yajkutujkpë tuknipëjky tu'uk ja tyuunpë ets t'ixëty tunëty wi'ix jatëkok ja to'oxytyëjk yajmo'ojëtyën ja jyëën tyëjk, nyaax kyam ets tëkokyë mëti'ipë jam të y'ity të wyintëyën maju'unëm tsyoonyën.

Jeremias 40:5

Pën mwë'ëmaanp, jyëkyejpy mwë'ëmëty ets mnëjkxëty jam ma Guedalías, ma Ahicam yë myaankën mëti'ipë yë Sefan myaank'ajtypyën, mëti'ipë yë Babilonyë yajkutujkpë të tpëjktä'äkyën ets tnikopk'atëty tëkokyë yë Judá kajpn; yë'ë mëët m'itëty ma mja'ayën. Nëjkx, ma mijts kë'ëm oy mnäjyawëtëtyën. Tä ja tsiptuunpë wintsën tmooy ja Jeremías tu'uk näynyamo'ojë ets winëjaty mëti'ipë yajtunëpën.