2 Reyes 8:5 - Biblia Dc en Mixe de Quetzaltepec

⁵ Ja Guehazí yë'ë tyukmëmëtyäkpy ja yajkutujkpë wi'ix ënety tu'uk ja to'oxytyëjk ja y'u'unk të tyajjuukpyëjkën, ënätyë ja to'oxytyëjk kyuwa'këy ets t'amëtooy ja nyaax ets ja tyëjk. Ënet ja Guehazí t'ënëmaay ja yajkutujkpë: Yajkutujkpë, ya'atë jëtu'un ja to'oxytyëjk ets tyaapë y'u'unk'ajtyp mëti'ipë ojts ja Elisejë tyajjuukpyikyën.

Biblia Mixe de Quetzaltepec

⁵ Ja Guehazí yë'ë tyukmëmëtyäkpy ja yajkutujkpë wi'ix ënäty tu'uk ja to'oxytyëjk ja y'u'unk të tyajjuukpyëjkën, ënätyë ja to'oxytyëjk kyuwa'këy ets t'amëtooy ja nyaax ets ja tyëjk. Ënät ja Guehazí t'ënëmaay ja yajkutujkpë: Yajkutujkpë, ya'atë jëtu'un ja to'oxytyëjk ets tyaapë y'u'unk'ajtyp mëti'ipë ojts ja Elisejë tyajjuukpyikyën.

2 Reyes 8:5 ပူးပေါင်းရင်းမြစ်များ

2 Reyes 4:35

Tä ja Elisejë pyëti'ky, nyäxy tyëkë jap tëkoty; tä jatëkok pyejty jam maapäjnkëjxm, näjyëtu'un, tmu'uxy jatëkok mëët ja nyini'kx. Ajotkumonë ojts ja pi'k ëna'k jyä'äntyixy ets ojts y'ijxwä'kxy.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

Eclesiastés 9:11

Ma ya'atë naaxwiinyëtën nän tëëjës n'ixy ko ka'ap yë'ëjëty yajtijy pe'tym yë ja'ay mëti'ipë pe'tym pëyë'kpën ets ka'ap yë'ëjëty yajtijy jotmëk mëti'ipë mëtakpën tsipjoty; ets ka'ap yë'ëjëty xëmë tmëët'atë yë ka'ayën ukën mëti'ipë wijyëtyën ets ka'ap yë'ëjëty kyumeeny'atë ja'ayëty mëti'ipë ixpëkyëtyën ets ka'apë xyëmëty yaj'ëxaj yajkupëktë yë ja'ayëty mëti'ipë tëë këpetyëtyën; yë'ëjëty ënät yë winë tpaatë oy ko jëtu'un txëëwatë.

Proverbios 16:9

Yë naaxwiinyëtë ja'ay yë'ë jëtu'un patëp winë tuknipëjktaakëty, e ma winë tyu'uwitsanën, yë Dios jää patënëp.

Salmos 145:1

Nimëtya'akäämpyës yë mmëjajtën, mijts Dios, mëti'ipës nTios'ajtypyën ets mëti'ipës n'ënä'ämpë'ajtypyën. Xëmë yë mxëëw nmëjjawëja'any nkënu'kxyjyawëja'anyës.

Ester 5:14

Ënet ja tyo'oxytyëjk ets ja myëku'uktëjk ojts y'ënë'ëmxëty: ¿Tii ko tu'uk xykyayaj'oyë o'kpäjn? Jä'ä xyajkëjxm'atëty majkmajkts xajpk ja kujkm ets nëjkx jopy xy'ënëëmë yë yajkutujkpë wä'än tni'ënä'ämë yë Mardoqueo ets yajyo'ktëyëty. Jëtu'unts jopy mnëjkxëty kääpyë ukpë mëët yë yajkutujkpë akujk jotkujk. Katii xykyamëmay xykyamëtajëty. Tyaapë jëtu'unpë winma'any oy ojts tmëtoy yë Amán, ojts tjanty'oytyuny ja o'kpäjn.

2 Reyes 6:26

Tëkok yë yajkutujkpë jam ënety nyäxy tyëkë ma potsykyopkën, ko tu'uk yë to'oxytyëjk jap ëpa'tkë'p tyëjkëy yaxpë jojkpë: Yajkutujkpë, tun mëyajtën putëjkëkës.

2 Reyes 6:12

Tu'uk ojts jam yujk'ëtsoy: Ka'ap pën, Wintsën. Je'eyëp ko jam ma Israel kajpnën, jam tu'uk yë ja'ay tsyëënë mëti'ipë xyëëwajtypyën Elisejë, yë'ë myëtuumpy yë Wintsën, yë'ëts tëkokyë winë tyuk'ëwa'anëtyääpy yë yajkutujkpë jampë yajkutukyën, oy yë'ëpaatëty tnija'awëtyä'äy mëti'ipë mijts nkäjpxypën mëtyäkpyën ma ma'ay mpo'kxyën.

1 Samuel 26:17

Ko ja Saúl tmëtoowkujkëy ko jä'ä ja David kajpxp, tääts yujk'ënany: ¿Këtiitën myijtsëtyë David, u'unk maay mëti'ipë kajpxpënë? Tä ja David y'ëtsooy: Jëtu'un Wintsën, ëjts jëtu'un.

Rut 2:3

Tä ja Rut ojts nyijkxy kamjotm ma ja ja'ay jam tyajmuktën ja tsajpmok; tam ënety ja tuunpëtëjk tyuntë, jä'ä pyaye'eyë'k, ix'am ye'ey ets tpëjkmuky ja tsajpmok mëti'ipë ja tuunpëtëjk kë'ëka'atutëpën. Ojts tuk'oyë, jä'ä ko ya'atë kam Booz ja jyä'ä, mëti'ipë Elimélec myëku'uk'ajtypyën.

2 Reyes 4:12

ënet t'ënëmaay ja Guehazí, mëti'ipë tyuunpë'ajtypyën: Nëjkx mëkajpx tääpë to'oxytyëjk mëti'ipë Sunem ja'ayën wä'än t'ëkminy. Ënet myiiny ja to'oxytyëjk, tääts ja Elisejë ojts t'ënë'ëmxëty ja tyuunpë:

2 Reyes 8:6

Ja yajkutujkpë ojts tyajtëy ja to'oxytyëjk, e ja to'oxytyëjk wa'ats tnimëtyaktaay wi'ix ënety y'ixë'atyën. Ënet ja yajkutujkpë tuknipëjky tu'uk ja tyuunpë ets t'ixëty tunëty wi'ix jatëkok ja to'oxytyëjk yajmo'ojëtyën ja jyëën tyëjk, nyaax kyam ets tëkokyë mëti'ipë jam të y'ity të wyintëyën maju'unëm tsyoonyën.

1 Reyes 20:1

Yë Ben-adad, mëti'ipë jam yajkutujkpën Sirië, ojts may tyajmuky ja tsyiptuunpëtëjk ets mëët nyämyajtsë ni''i'px majk ja yajkutujkpëtëjk, mëët tëkokyë ja tsyiptuunpëtëjk mëti'ipë këwaaykyëjxm tsiptuuntëpën ets ja pujxnwintëkäämpë mëti'ipë myëtsiptuuntëpën ets ojts nyijkxy jam Samaria, tyajnatujky ets tnitëjkëy.