2 Reyes 8:4 - Biblia Dc en Mixe de Quetzaltepec

⁴ Ja yajkutujkpë yë'ë ënety jam mëët myëtyä'äky ja Guehazí, ja Elisejë ja tyuunpë; paatykyëjxm ënety të twoowtsoy ja Guehazí jä'ä ko yë'ë nyijawëjäämpy tiijaty ënety ja Elisejë mëj këjää të tunyën.

Biblia Mixe de Quetzaltepec

⁴ Ja yajkutujkpë yë'ë ënäty jam mëët myëtyä'äky ja Guehazí, ja Elisejë ja tyuunpë; paatykyëjxm ënäty të twoowtsoy ja Guehazí jä'ä ko yë'ë nyijawëjäämpy tiijaty ënäty ja Elisejë mëj këjää të tunyën.

2 Reyes 8:4 ပူးပေါင်းရင်းမြစ်များ

Hechos 24:24

Kom ok ja Félix jam jyä'äjty mëët ja tyo'oxytyëjk Drusila, jutiis ja'ay jä'ä. Ets ja Pablo yajyaxtsooy ets tnimëtya'akëty ja mëpëjkën ma ja Kristë Jesusën.

Juan 9:27

Ets ja ye'etyëjk y'ëtsooy: Tëë miits njatuk'ëwaanëtë ets ka'ap xymyëpëktë. ¿Tii ko xyajtëwtë etsës nnikajpxwinpit nikajpx'atëjëty? ¿Yë'ë ko jëtää miits näjyëtu'un xypyanëjkxa'antë?

Lucas 23:8

Ko ja Herodes t'ijxy ja Jesús tääts jyotkujkëy, jä'ä ko mëk ënety oy tja'ixa'any. Tëë ënety tmëtoy'äty ko mëj'ajtën tyaj'ixyë ets jyëjp'ijxyp ënety ja Jesús tunëty tu'uk ja mëj'ajtën.

Lucas 9:9

Ënet ja Herodes y'ënäny: Ëjts ja Juan ojts nni'ënä'ämë ets yajkyo'kpuxëty. ¿Pën ja'ay tääpë mëti'ipës nmëtoy'ajtypyën yajnimëtyä'äky? Paaty ja Herodes tja'ixany ja Jesús.

Mateo 2:8

ets ojts t'ëwa'atsy ja në'ë'aaw tu'u'aaw ets nyëjkxtëty jam Belén ets t'ënëmaay: Nëjkxtë ets xy'ixta'atëty ja mëxu'unk yajxon. Ko xypyaatëty, etsës ënätyë xytyuk'ëwaanëtëty ets nëjkx näjyëtu'un n'ëwtatyës.

2 Reyes 7:10

Ënet tsyo'ontë ets ojts nyëjkxtë jam kajpnjotm, ko jam jyajtë tä ojts tmëkajpxtë ja tuunpëtëjk mëti'ipë ja kajpn kyëwent'ajtëpën ets t'ënëmaaytyë: Tëës jam n'otstë ma ja Siria ja'ayëty nyäkëwent'atëtën, ni pën jam të nkapaatës; nimaa pën kyakäjpxy kyamëtyä'äky. Yi'iyë të n'ixtës ja wyitëjkëty ma të y'itën ets ja këwaayëty kruktsëty jëtu'un tä tmëmiintën.

2 Reyes 7:3

E japts tëja'p ma ja naax kajpn yajnitëkën jap nimajktaxk yajpaatë yë pa'amja'ayëty, pu'uts pa'am pëjkëtëtëp mëti'ipë ka'ap tii nyitsooyën, nyäy'ënanëtë: Ëëtsajtëm ¿tiitën yaa ntu'unëmë, je'eyë yowë nëkoo ja o'kën ntimy ëwxijtënë?

2 Reyes 7:1

Tä ja Elisejë y'ëtsooy: Mëtoow'it yajxon, wi'ix ja Wintsën y'ënä'änyën. Jëtu'un y'ënä'äny: Jëpom ko ya'atpë'atëty, jam ma Samaria kajpn yajnitëkën, jä'ä wëxtujk tsimpë ja tsajpmok tsyoowpaata'any tu'uk je'eyë nyipoop pujxn meeny; e yë majkmokx tsimpë yë cebadë jä'ä tsyoowpaata'any tu'uk je'eyë nyipoop pujxn meeny.

2 Reyes 6:32

Yë Elisejë tam ënety pyo'kxy pyiky ma jyëën tyëjkën mëët ja mëjja'aytyëjkëty. E ja yajkutujkpë tëë ënety tkexy tu'uk ja tyuunpë. E ka'anëm ënety ja yajktutujkpë ja kyukäjpxy jam jyä'ty, ko ja Elisejë t'ënëmaay ja mëjja'aytyëjk: Yajxon ixtë, ix tääpë yaja'ay o'kpë tu'uk të tkexy yë tyuunpë etsës yë nkëpajk xyajjënakanë. E tyam ja'akyukëtë yajxon, ko ënät ja tyuunpë jya'tëty, tääts yë tëjk'aaw xyaj'ëtuktëty wä'än jap tëja'p twë'ëmy, wa'ats yajmëtoy ko tää ja wyintsën pyaminyë.

2 Reyes 6:6

¿Maa ja ënät të kyä'äy? jëtu'un ja Wintsën ja myëtuunpë yajtëëwë. Tääts ojts tu'uk tni''ixë. Ënet ja Elisejë tu'uk yë kepy tpujxy ets tnëëkujëpijpy, tääts kyiinpëtsëëmy ja jatyë.

2 Reyes 5:14

Ënet ja Naamán ojts jyänty nyijkxy tsiipë ets wëxtujk'ok tsyiiy jam ma ja Jordán mëjnëëjën, jëtu'un tä ënety të y'ënë'ëmxëtyën ja Wintsën ja myëtuunpë, ënätyë ojts jyänty tsyo'oky, jëtu'un ja nyini'kx y'awinpijty janty u'unk tä tu'uk pi'k ëna'k yë nyini'kxën.

2 Reyes 4:12

ënet t'ënëmaay ja Guehazí, mëti'ipë tyuunpë'ajtypyën: Nëjkx mëkajpx tääpë to'oxytyëjk mëti'ipë Sunem ja'ayën wä'än t'ëkminy. Ënet myiiny ja to'oxytyëjk, tääts ja Elisejë ojts t'ënë'ëmxëty ja tyuunpë:

2 Reyes 2:24

Ja Elisejë ko tni''ijxwinpijty, yajxon t'ijxwatstaay, ets tpojky mëët yë Wintsën yë xyëëw. Tam ënety jëtu'un yajpaatë ko nyipëtsëëmëtë jam yukjotm nimäjtsk mëj osë ets tsyuts'taayëtë, niwëxtyikxy mäjtsk y'o'ktë.

2 Reyes 2:14

Tä ojts twojpyu'kxy yë nëë mëët ja nyijän ets mëk yujk'ënany: ¿Maatën ënät ja Wintsën, mëti'ipë y'ëwtajtypyën yë Elías? Je'eyë ënety jam të twojpyu'kxta'ay, ko ja nëë nyäwya'kxë mäjtskpëky, jëtu'un ja Elisejë ojts jatëkok tuknaxy ja mëjnëë.

2 Reyes 8:3

Ko wëxtujk jëmëjt nyäjxy, tääts jatëkok jam tsyo'onë ma ja filistejë ja'ayëty ja nyaaxjotmëtyën ets ojts nyëjxtë ma ja kyë'ëmnaaxëtyën; ënätyë ojts ja yajkutujkpë tninëjkxy ets jatëkok ja nyaax ets ja tyëjk yajmo'ojëty mëti'ipë ënety yë'ë jyä'ä'ajtypyën.

2 Reyes 4:25

Jëtu'un ojts nyijkxy ets jam jyä'äjty ma tu'uk ja Carmel kopkën, jam ja Wintsën ja myëtuunpë ënety yajpaaty. Ko yë Elisejë jëtu'un y'ijxë jam jëkäm myiny, ënät t'ënëmaay ja tyuunpë Guehazí: Ëk'ix, ximpë ja'ay myinyën jä'ä yowë ja Sunemëtë ja'ay.