2 Reyes 8:24 - Biblia Dc en Mixe de Quetzaltepec

²⁴ Ko ja Joram ojts y'o'knë, jam nyaaxtëjkëy ma ja David ja kyajpnën, mëët tu'ukyë ja tyeety y'ap. Yë'ë kutëjkëyë ja myaank Ocozías.

Biblia Mixe de Quetzaltepec

²⁴ Ko ja Joram ojts y'o'knë, jam nyaaxtëjkëy ma ja David ja kyajpnën, mëët tu'ukyë ja tyeety y'ap. Yë'ë kutëjkëyë ja myaank Ocozías.

2 Reyes 8:24 ပူးပေါင်းရင်းမြစ်များ

2 Crónicas 25:23

Tääts ja Joás ojts tsuumnë ja Amasías jam Bet-semes, mëti'ipë ënety jam Judá yajkutujkpën ets ojts tyajnëjkxy jam Jerusalén, jam t'ajijtuty ja Jerusalén kajpn ja nyapots, jä'ä myëjwiinëty tu'kmëko'px xajpk; jam tsyo'ontä'äky ma ja Efraín ja tyëjk yajnitëkën ets jyä'ty ma ja mëjpotsy nyuxën.

2 Crónicas 22:6

tä ënätyë wyimpijty ets ojts nyijkxy jam Jezreel, jam tyajtsooypyäta'any ja tsyëtyut, jä'ä ko tëë ënety tsyëtyuty jam tsipjotm ma mëët të tsyiptunyën yë Hazael, Sirië yajkutujkpë. E jä'ä ko ja Joram pëjkëp ënety, paatykyëjxm ja Ocozías ojts nyinëjkxyë jam Jezreel ets kyu'ixëja'anyë.

2 Crónicas 21:17

ënät tsyo'ontë ets tukjëtijtëtyääytyë ja naax kajpn ets tyajpëtsëëmtaaytyë jam winë mëti'ipë ja naax kajpn myëët'ajtypyën; wa'ats tyajpëtsëëmtaaytyë winë mëti'ipë jap yajpatpën akujktëkoty këmoontëkoty, ma ja yajkutujkpë y'ëne'emyën, ma ja jyëën tyëjkën ets ma ja y'u'unk y'ëna'k y'u'unk tyo'oxytyëjkën. Yi'iyë ojts wyi'imy yë Joacaz, ja mutskpë.

2 Crónicas 21:1

Yë Josafat ko ojts y'o'knë, jam nyaaxtëjkëy ma David ja kyajpnën, mëti'ipë y'ap'ajt y'ok'ajtën. Yë'ë kutëjkëyë myaank mëti'ipë xyëëwajtypyën Joram.

2 Crónicas 21:20

I'px mäjtsk jëmëjt ënety jyëmëjt ko tyëjkëy yajkutujkpë jam Jerusalén ets tuktujk jëmëjt ojts y'ëne'emy. Ko y'o'ky ni pën kyanimiinë. Jam nyaaxtëjkëy ma ja David ja kyajpnën, je'eyëp ko jam jëkäm ma ijty nyaaxtëkëtën ja yajkutujkpë ja wyintsëntëjkëty.

1 Reyes 14:31

Ko ojts yë Roboam y'o'knë jam nyaaxtëjkëy ma ja y'aptëjk nyaaxtëjkëtyën, jam ma David yë kyajpnën. Yë tyaak jä'ä ijty txëëwaty Naamá, jam kyukajpnëty Amón. Ko ojts y'o'knë yë'ë ojts kyutëkëty yë myaank mëti'ipë xyëëwajtypyën Abiam.

1 Reyes 14:20

I'px jëmëjt ojts yë Jeroboam y'ëne'emy, ko y'o'ky yë'ë ojts kyutëkëty ja myaank mëti'ipë yajtijpën Nadab.

1 Reyes 11:43

e ko ojts y'o'knë, jam tyajnaaxtëjkëtyë ma ja David ojts nyaaxtëkën, ja Salomón ja tyeety. Yë'ë ojts kyutëkëty ma kutujktaknën ja myaank Roboam.

1 Reyes 2:10

Ojts ja David y'o'knë, jam nyaaxtëjkëy ma ja y'aptëjk nyaaxtëjkëtyën, ma yajtijyën David ja kyajpn.

2 Reyes 8:23

Ja Joram ja jyuukyajtën ets tëkokyë mëti'ipë tyuunën, jap myiinta'ay kuja'ay ma ja nokyën mëti'ipë jyä'ä'ajtëpën ja yajkutujkpëtëjk jampë y'ënä'ämtën Judá.

2 Reyes 10:13

jam mëët nyäpyatë ja Ocozías ja myëkä'äxtëjk, mëti'ipë ojts y'ëne'emyën jam Judá. Tä ja Jehú yajtëëwëtë: ¿Pën miitsëty? Tääts y'ëtsoowtë: Ëëts xymyëku'ukajtëp yë yajkutujkpë Ocozías, paatyës yaa nmintë yë'ëjës nku'ixëjantëp ja y'u'unk y'ëna'k.

2 Crónicas 21:7

Yë Wintsën ka'ap t'a'ijxëy ets tyajkutëkoyëty ja David ja y'u'unk y'ok, jä'ä ko tëë ënety mëët ja käjpxytyu'unën tuny ko ka'ap nijëna'a tyajkutëkoyä'äny ja tyikts y'aats ja David, jä'ä ko tyaa t'ënëmaay ko jëtu'un y'itëty xëmë tä yë të'kxën jajënën.

2 Crónicas 22:1

Ja Jerusalén ja'ayëty ojts tnikajpxpätë ja Ocozías ets yajkutukëty, yë'ë kyutëkëp ja tyeety, jä'ä ko ja Joram ja y'u'unk y'ëna'k ojts mä'tspë yaj'o'kta'ajëtë mëti'ipë ojts mëët oy y'itën yë Árabe ja'ayëty. Paatykyëjxm yë Ocozías ojts yë'ë tyëkë yajkutujkpë.

2 Reyes 9:28

Ënet ja tyuunpë jam tmëtso'ontë ja o'kpë, jap pujxnwintëkäämpëjoty t'apëjkëtyë ets ojts tmënëjkxtë ma ja David ja kyajpnën, jam tyajnaaxtëjkëtyë.

2 Reyes 14:20

Ko jam yajmëtso'ony ooky kwaaykyijxy, jam yajmëja'ajty Jerusalén, jam nyaaxtëjkëy ma ja David ja nyaax kyajpnën.

2 Reyes 15:38

Paaty ko ja Jotam ojts y'o'knë, jam tyajnaaxtëjkëtyë ma ja David ja kyajpnën, mëti'ipë y'ap'ajt y'ok'ajtën. Ko y'o'ky yë'ë ojts kyutëkëty yë myaank Acaz.

2 Reyes 16:20

Ko ojts y'o'knë jam tyajnaaxtëjkëtyë ma ja David ja kyajpnën, ma jam yajpaatën ja y'aptëjk. Yë'ë kutëjkëyë ma ja kutujktaknën ja myaank Ezequías.