2 Reyes 8:20 - Biblia Dc en Mixe de Quetzaltepec

²⁰ Ma ja Joram ojts yajkutukyën, yë Edom ojts tnipëtë'ëky ja Joram, paaty ojts mëk nitsiptuny ja Judá kajpn ets ëpëky kë'ëm tpëjktäky mëti'ipë jam ënä'ämëpën.

Biblia Mixe de Quetzaltepec

²⁰ Ma ja Joram ojts yajkutukyën, yë Edom ojts tnipëtë'ëky ja Joram, paaty ojts mëk nitsiptuny ja Judá kajpn ets ëpëky kë'ëm tpëjktäky mëti'ipë jam ënä'ämëpën.

2 Reyes 8:20 ပူးပေါင်းရင်းမြစ်များ

Génesis 27:40

Kë'ëm nëjkx mnäkyuwa'anyë mëët ja mtujn mpujxn, yë m'uty yë'ë mëtunëp. E ko mëk mnäpyëjkta'akëtëty, tääts mnäyaj'ëwaatspëtsëmëtëty ma yë'ëjën.

2 Samuel 8:14

Ojts jam Edom tyajwë'ëmy yë tsyiptuunpëtëjk ets tëkokyë yë Edom ja'ayëty aakyë'ë ojts ja David y'ënä'ämëtë, ja mëti'ipë ënety xëmë ja Wintsën putëjk pupäjtëpën oy maa tyimnëjkxy.

1 Reyes 22:47

Jam Edom ka'ap ënety jam tii yajkutujkpë, yi'iyë jam tu'uk yë kutuunpë.

1 Reyes 22:48

Josafat ojts t'oytyuny kepy nëëwinye'epyë kanaak, jëtu'unpë tä jamën Tarsis ets yë'ë tuktsëëmina'any yë pu'ts pujxn mëti'ipë yajtso'ontëpën Ofir; je'eyëp ko ojts jyatsoontë ka'ap jam jyajtë jä'ä ko ojts ja mya'ta'ay jam Ezión-géber.

2 Reyes 14:7

Yë Amasías ojts tëkok tyaj'ooky nimajk mil ja Edom ja'ayëty, jam ma yajtijyën, Kaanjoy, ets tniwany ja Selá kajpn, jä'ä kë'ëm txëëwmooy Jocteel, mëti'ipë tyampaat jëtu'un yajtijpën.

2 Reyes 3:26

Ko ja yajkutujkpë t'ijxy mëti'ipë Moab ja'ayën ko ja Israel wäänë mëk ënety ni'ik tsyiptuntë, ënät niwëxtujk mëko'px t'ënëmaay ja tsyiptuunpëtëjk mëti'ipë tekyye'epy tsiptuuntëpën ets tyaj'ëwa'atstëty ja äämjyot, tyaj'oyëtëty tu'uk ja tu'u mëti'ipë jam ja'tëpën ma yajpaatyën Edom yajkutujkpë. Je'eyëp ko ka'ap myääyëtë.

2 Reyes 3:27

Ënet ojts tmajtsë'ëky tu'uk ja myaank mëti'ipë ënety kutëkëjanëpën ma ja kyutujktaknën ko y'ookëty ets tuktsujk tukjë'tëy ets tnino'ky jam potsykyëjxm, jëtu'un tyäjky tä tu'uk ja wintsë'kënën. Yë Israel ja'ayëty wiink ojts t'ixtë ets jyoot'anpëjktë, paatykyëjxm tsyo'ontaaytyë jam ma ja jya'ajtaknëtyën ets wyimpijtaaynyëtë ma ja nyaax kyajpnëtyën.

2 Reyes 3:9

Jëtu'un'äämpy ojts ja yajkutujkpë tsyoontë, mëti'ipë jam ënä'ämtëpën Israel, Judá ets Edom. E jä'ä ko wëxtujk xëëw ojts ja it timnya'ëwtijnëtë, ojts ja nyëë kyëjxta'atë, mëti'ipë yë'ëjëty y'uktëpën ets mëti'ipë ja jëyujk y'uktëpën.

2 Reyes 8:22

Yë Edom ëpëky ojts nyäyaj'ityë, ka'ap ja Judá mëët tyuunmujky, tyampaat je'eyëm jëtu'un. Näyjyëtu'un ja Libná kajpn, nän ëpëky ojts nyäyaj'ityë.