2 Reyes 8:18 - Biblia Dc en Mixe de Quetzaltepec

¹⁸ Yë'ë ëxëëkjaty ojts winë tuny Wintsën wyintum tä ënety ja wiinkëtypë ja yajkutujkpë mëti'ipë ënä'ämtën jam Israel, tä ja Ahapën, jä'ä ko ja tyo'oxytyëjk yë'ë myëku'uk ja Ahab; paaty ja tyu'unën kyajpxën aak tëkatsy ojts ja Wintsën t'ixy.

Biblia Mixe de Quetzaltepec

¹⁸ Yë'ë ëxëëkjaty ojts winë tuny Wintsën wyintum tä ënäty ja wiinkëtypë ja yajkutujkpë mëti'ipë ënä'ämtën jam Israel, tä ja Ahapën, jä'ä ko ja tyo'oxytyëjk yë'ë myëku'uk ja Ahab; paaty ja tyu'unën kyajpxën aak tëkatsy ojts ja Wintsën t'ixy.

2 Reyes 8:18 ပူးပေါင်းရင်းမြစ်များ

2 Reyes 8:26

I'px mäjtsk ënety yë jyëmëjt ko tyëjkëy yajkutujkpë jam Jerusalén, tu'kjëmëjt je'eyë tyuuny. Jä'ä ja tyaak ijty xyëëwajtyp Atalía, yë'ë y'oknëëx yë Omrí, mëti'ipë jam yajkutujkën Israel.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

2 Crónicas 21:13

ni'ikyë winë aakjëtu'un xytyuunë tä ja yajkutujkpë y'ijtën mëti'ipë jam ënä'ämtën Israel; tyam mijts ja poky mtuka'ajëp ko ja Jerusalén ja'ayëty aak je'eyë ja nëë poky tuunëtë tkajpxnëtë jëtu'un tä ja Ahab ja jyä'äy y'ëtëtstën. Mijts ni'ikyë ja mmëku'uk mmëkä'äx të xyaj'o'knë mëti'ipë oy të jyuuky'atën ets mijts ëxëëk ja winma'any të xyajpëtsëmy.

2 Crónicas 21:6

Je'eyëp tëy, ko yë'ë, jëtu'un ojts winë ëxëëk tuny tä ja yajkutujkpëtëjkën mëti'ipë jam ojts tyuntën Israel ets tä ja Ahab ja y'u'unk y'okën, jä'ä ko ja tyo'oxytyëjk jä'ä ënety mëët tyu'kmëku'ukëty ja Ahab, paatykyëjxm ojts winë tuny aak ëxëëk Wintsën wyintum.

2 Crónicas 19:2

E yë Jehú, Hananí myaank, jam jyëjpaatë'kë tu'u'am ets yajtëëwë: ¿Wi'ix ko të xypyutëkë ja'ay mëti'ipë ëxëëk ja'ay'ajtpën ets mijts të mnäypyëjktä'äkyë tä jeexyë Wintsën xymyëtsip'atyën? Mëët ko jëtu'un të m'ëtë'ëtsy tëë Wintsën mtukjoot'anpëkyë.

2 Crónicas 18:1

Josafat, mëj këjää ja wit meeny tpaty t'ijxy, jëtu'un'äämpy ojts mëj'äämpy ja ja'ay yajnaxyë ets yë'ë myë't'ajt Ahab.

2 Reyes 21:13

Tin jëtu'unës ja Jerusalén kajpn ntuna'any o'ktëy tä ja Samaria kajpn të ntunyësën, maas të nyajkëjxta'ayën ja Ahab ja y'u'unk y'ëna'k ets ja jyä'äy; jëtu'unës nyajwë'ëma'any ja naax kajpn pe'ety jaaxy, tä ja'ay yë texy tukpo'otyën wa'ats ets tjupy.

2 Reyes 21:3

ojts jatëkok tkoj'o'oyëtyä'äy ja tëjk ma jap y'itën ja tsaatsetsy, mëti'ipë ënety ja tyeety Ezequías të tjijtë'ëkyën; ojts t'oytyuny wiinkpë wintsë'këntyakn ets ojts ja Aserá ja y'awinax tyajkojë; ëpëky näjyëtu'un t'ëwtajty winë jampë tsajpkëjxm yajpaatyën,

1 Reyes 21:25

Ka'ap ojts maa jëtu'unpë yajkutujkpë nijëna'a tyuny, mëti'ipë ojts yi'iyë tyo'oxytyëjk nyätyuk'ëne'emyën, ijxtëm yë Ahab tyuunën yë tyo'oxytyëjk Jezabel ets je'eyë ojts nëkoo tii ëxëëkjaty tyuktuuntëkoyë jam Wintsën wyintum.

1 Reyes 22:44

Josafat ojts ja nay'ëëw'oy näykyajpx'oyë tuny mëët ja yajkutujkpë jampë y'ëne'emyën Israel.

2 Reyes 8:27

Ocozías nän yë'ë tu'u ojts tpanëjkxtëkë ja Ahab ja tyu'unën kyajpxën ets mëti'ipë ja y'u'unk y'ëna'k tyuuntën kyajpxtën ets ko oy mëët nyäjya'awëyë ja Ahab ja jyiiky myëku'uk paatykyëjxm ojts näjyëtu'un ja ëxëëk tu'u tpanëjkxy jam Wintsën wyintum.

2 Reyes 16:3

jëtu'un ojts winë ëxëëkjaty tuny tä ja wiinkëtypë yajkutujkpëtëjk y'ëtëtstën, ni'ikyë ojts tu'uk ja myaank tkë'ëyajknë ets wyintsë'kën'atëty, ëxëëkjaty winë tuuny tä ja naax kajpnën mëti'ipë ja Wintsën yajkutëkooyën ko ja Israel ja'ayëty jam jyajtë.

2 Crónicas 17:4

yë'ë tu'ukyë tyuk'ijxpäjt ja Wintsën mëti'ipë ja tyeety y'ëwtajtën. Ojts tpatuny ja ënä'ämën tëyajtën; ka'ap ojts nëkoo tii winë tpa'ëtë'ëtsy tä ja Israel ja'ayëtyën.