2 Reyes 8:16 - Biblia Dc en Mixe de Quetzaltepec

¹⁶ Ma ënety myëmëkoxk jëmëjtpetyën, ma ja Joram yajkutukyën, ja Ahab ja myaank, jam Israel, jää jëmëjt ojts tyëkë yajkutujkpë ja Joram jam Judá, ja Josafat ja myaank.

Biblia Mixe de Quetzaltepec

¹⁶ Ma ënäty myëmëkoxk jëmëjtpetyën, ma ja Joram yajkutukyën, ja Ahab ja myaank, jam Israel, jää jëmëjt ojts tyëkë yajkutujkpë ja Joram jam Judá, ja Josafat ja myaank.

2 Reyes 8:16 ပူးပေါင်းရင်းမြစ်များ

2 Reyes 1:17

Ja Ocozías ojtsën ja jyänty y'ooky, jëtu'un tä ënety ja Wintsën të tnikäjpxyën mëët ja Elías. E jä'ä ko yë Ocozías ka'ap tmëët'ajtë y'u'unkëty, paaty ojts yë'ë y'uty Joram kyutëkëty, ma ja kutujktaknën. Ya'atë jää ojts jëtu'un tyunyë jyätyë ma ënety myäjtsk jëmëjtpetyën ja Joram ma jam yajkutukyën Judá, yë myaank yë Josafat.

2 Reyes 3:1

Ma myajkmokx tëkëëk anyën jajëmëjt, ma ënety yajkutukyën yë Josafat, jam Judá, jää ojts yë Joram, yë Ahab yë myaank tyëkë yajkutujkpë jam Israel, majkmäjtsk jëmëjt ojts y'ëne'emy jam Samaria.

1 Reyes 22:50

Ojts ja Josafat y'o'knë, ko y'o'ky jam nyaaxtëjkëy ma ja kyajpnën ja David, ja y'apteety. Yë'ë ojts kyutëkëty yë myaank Joram.

1 Reyes 22:44

Josafat ojts ja nay'ëëw'oy näykyajpx'oyë tuny mëët ja yajkutujkpë jampë y'ëne'emyën Israel.

1 Reyes 22:42

Jä'ä ënety yë jyëmëjt i'px majkmokx ets i'px mëkoxk jëmëjt ojts jam yajkutuky Jerusalén. Yë tyaak jä'ä ijty xyëëwajtyp Azubá, yë'ë nyëëx yë Silhí.

1 Reyes 22:51

Ma myajkmokxmäjtsk jëmëjtpetyën ma tyëkën yajkutujkpë yë Josafat jam Judá; yë Ocozías, yë myaank yë Ahab jää ojts jam yajkutujktsoony ma Israel ja'ayëtyën jam Samaria ets je'eyë tyuuny mäjtsk jëmëjt.

2 Reyes 8:25

Ma myajkmäjtsk jëmëjtpetyën, ma ja Joram yajkutukyën jam Israel, yë Ahab ja myaank, yë Ocozías jää ojts tyëkë yajkutujkpë jam Judá, yë Joram yë myaank.

2 Reyes 11:2

E yë Joseba, yë nyëëx yë yajkutujkpë Joram, yë Ocozías yë y'uty, ojts tkoonyu'utsy yë Joás, yë myaank yë Ocozías; jam ojts tkoontëkoy ma myëkä'äxtëjk jam ja ja'ay yaj'ookëtën ets ojts tukwinkuyu'utsy ja Atalía; yë'ë tyukkë'ëtëjkëy ja tyuunpë, ja to'oxytyëjk mëti'ipë yaj'u'unk'ijxypyën ma jap myä'äyën. Paaty ojts ka'ap tyaj'ooktë,

2 Crónicas 22:1

Ja Jerusalén ja'ayëty ojts tnikajpxpätë ja Ocozías ets yajkutukëty, yë'ë kyutëkëp ja tyeety, jä'ä ko ja Joram ja y'u'unk y'ëna'k ojts mä'tspë yaj'o'kta'ajëtë mëti'ipë ojts mëët oy y'itën yë Árabe ja'ayëty. Paatykyëjxm yë Ocozías ojts yë'ë tyëkë yajkutujkpë.