2 Reyes 7:9 - Biblia Dc en Mixe de Quetzaltepec

⁹ E tyaa nyäy'ënanëtë: Ka'ap yowë myëtëyëty tä yam winë ntu'unëmën. Tyam yë'ë ja paatë'ajtëp jeexyë ja oypyë ja nija'awën nyajtu'u ye'eyëmë; e ëëtsajtëm ni'ikyë yowë n'amo'onëmë. Ko n'ëna'anmëty jopynyëm nikajpxmëty, tsojk mpoky'ajtmëty. Nikë tsojk ntimyjya'amëm ma jam yë kutujkëntëjkën ets ja nija'awën nyajkmëty.

Biblia Mixe de Quetzaltepec

⁹ E tyaa nyäy'ënanëtë: Ka'ap yowë myëtëyëty tä yam winë ntu'unëmën. Tyam yë'ë ja paatë'ajtëp jeexyë ja oypyë ja nija'awën nyajtu'u ye'eyëmë; e ëëtsajtëm ni'ikyë yowë n'amo'onëmë. Ko n'ëna'anmëty jopynyëm nikajpxmëty, tsojk mpoky'ajtmëty. Nikë tsojk ntimyjya'amëm ma jam yë kutujkëntëjkën ets ja nija'awën nyajkmëty.

2 Reyes 7:9 ပူးပေါင်းရင်းမြစ်များ

2 Reyes 5:4

Tä ja Naamán ojts tninëjkxy ja yajkutujkpë jampë Sirië yajpaatyën ets tukmëmëtyäky wi'ix ënety ja to'oxy'ëna'k të y'ënä'änyën.

2 Reyes 7:10

Ënet tsyo'ontë ets ojts nyëjkxtë jam kajpnjotm, ko jam jyajtë tä ojts tmëkajpxtë ja tuunpëtëjk mëti'ipë ja kajpn kyëwent'ajtëpën ets t'ënëmaaytyë: Tëës jam n'otstë ma ja Siria ja'ayëty nyäkëwent'atëtën, ni pën jam të nkapaatës; nimaa pën kyakäjpxy kyamëtyä'äky. Yi'iyë të n'ixtës ja wyitëjkëty ma të y'itën ets ja këwaayëty kruktsëty jëtu'un tä tmëmiintën.

2 Reyes 7:3

E japts tëja'p ma ja naax kajpn yajnitëkën jap nimajktaxk yajpaatë yë pa'amja'ayëty, pu'uts pa'am pëjkëtëtëp mëti'ipë ka'ap tii nyitsooyën, nyäy'ënanëtë: Ëëtsajtëm ¿tiitën yaa ntu'unëmë, je'eyë yowë nëkoo ja o'kën ntimy ëwxijtënë?

2 Reyes 7:6

E tsyaats ojts tyunyë jyätyë, yë Wintsën ënety kë'ëm të tyajma'aty ja myëto'owën ja sirië ja'ayëty ets jëtu'un tmëtoowtë tä jeexyë maypyujxn wintëkäämpë myinyën mëti'ipë ja'ay tyuktsiptuuntëpën ets tä may kwaayën; ëpëky tmëtoowtë mayjyä'äy myiny tekyye'epy mëti'ipë tsiptunantëpën; yë sirië ja'ayëty jëtu'un ojts y'ëna'antë ko tëëtëm ja Israel yajkutujkpë tpëjktsoy yë Hit ja'ayëty ets yajkutujkpë mëti'ipë jap tuunpën Egiptë, yajtuknipëktë ets tnipëtë'ëktëty ja sirië ja'ay ma y'ixjëtit pyajëtitëtën.

2 Reyes 7:8

Ko jam ja pa'amja'ay, mëti'ipë pu'utspëjkëtëpën jyajtë ma jam ja sirië ja'ay ja y'ijtaknëtyën, ënät jap kyu'ijxëtyë ma ja ijtaknën ets tyëjkëtyë kääpyë ukpë; tä tpëjkmujktaaytyë ja pu'ts pujxn, poop pujxn ets wit tujkxy ets tëkokyë winë mëti'ipë ënety ja sirië ja'ayëty të tnikäkta'atën ets tyu'tstaaytyë. Ko y'ëkpëtsëëmtë ma tu'uk ja ijtaknën tääts ojts nyëjkxkojnëtëpë ma wiinkpën ijtaknën, jap winë tpatë ets ojts tyu'tsta'atë.

Proverbios 24:16

Yë'ë, oy jëna'ajëty ëxëëk jyäty kyëpety, jotkujkëp jatëkok; e yë ëxëëkja'aytyëjk pën tëë ja ëxëëkpë tyukja'tëtë, nijëna'a kya'ëkjotkujktaknëtëty.

Isaías 41:27

Ëjts tëy, ojtsës winë ntuk'ëwaanëtë yë Sión ja'ayëty, ojtsës nja'ay nkexy ets nikajpxëty ko tsojk jatëkok jyä'äy wyimpita'antë.

Isaías 52:7

Janty oy janty tsuj yaj'ixy yë ja'ay mëti'ipë oy aaw oy ayuk myëmiinpy yajmiinpyën tunjotypë kopkjotypë, mëti'ipë nyikäjpxypën ko ka'ap y'ëkjää'atanë jëën tsip, mëti'ipë nyikäjpxypën ko pyaatantëp ja ja'ay ja ëwaatsëtuuy'ajtën ets t'ënëmaay ja Sión kajpn: Yë mWintsën, yë'ë yajkutujkpë'ajtp.

Nahúm 1:15

Ixtë, xim myiny kopkkëjxm ja mëti'ipë yajmiinpyën ja aaw ayuk ko jyää'ata'any ja jotkujk'ajtën. Xëëwtun xëëwkajpx ënät mijts Judá; tun ja mëti'ipë të xywyinwanën. Nijëna'a yë mmëtsip ëxëëk mka'ëktuunënëty; jä'ä ko tëë ja kyutëkooytya'atë.

Lucas 2:10

Tääts ja tsajpjotmëtë kukäjpxy y'ënëmaayëtë: Këtii mtsë'ëkëtë, aaw ayukës oypyë nmëmiinpy mëti'ipë ja'ay ni'ëmukë tyukxoonta'aktëpën.

Filipenses 2:4

Ka'ap pën kyë'ëm jotkujk'ajtën t'ixta'ajëty, yë'ë m'ixta'atëp mëti'ipë ni'ëmukë mtukjotkuk'attëpën.