2 Reyes 7:7 - Biblia Dc en Mixe de Quetzaltepec

⁷ Paaty ojts ënätyë kyäkta'atë je'eyë kyootsëy, jëtu'unyë tnipëyë'ktutaaytyë ja wyitëjkëty ma ënety të y'ijta'aktën; ja jyëyujkëty, kyëwaayëty, kyëruktsëty jëtu'unyë tniye'eytyutaaytyë ets yi'iyë ja jyuukyajtën tjaakmëkäktë.

Biblia Mixe de Quetzaltepec

⁷ Paaty ojts ënätyë kyäkta'atë je'eyë kyootsëy, jëtu'unyë tnipëyë'ktutaaytyë ja wyitëjkëty ma ënäty të y'ijta'aktën; ja jyëyujkëty, kyëwaayëty, kyëruktsëty jëtu'unyë tniye'eytyutaaytyë ets yi'iyë ja jyuukyajtën tjaakmëkäktë.

2 Reyes 7:7 ပူးပေါင်းရင်းမြစ်များ

Proverbios 28:1

Yë ëxëëk ja'ay nëkooyë jyänty kye'eky jyänty pyuty oy pën kyapapo'oyë; yë wa'ats ja'aytyëjk akujk jotkujk tyimnäjyawëtë jëtu'un tä kaajën.

Hebreos 6:18

Ya'atë mäjtskpëkpyë mëti'ipë ka'ap tyëkatsyën ets ka'ap tjëkyepyën yë Dios wyin'ëënëty, paaty të n'ëxajëm ja jotkujk'ajtën, ko të n'ixta'ayëm ja Dios myajts'ijtën ets të ntukjotkujk'ajtëm ja ëwxijt mä'kxtujkën mëti'ipë të xymyo'oyëmën.

Isaías 2:20

Ko ënety ja xëëw jëmëjt tpaaty, nëjkxëp ja ja'ay ja y'awinax t'ixjëpijpta'atë ma ja teptsy yunën ets ma ja tëëxy pyä'änën, mëti'ipë ënety të t'oytyuntën mëët ja pu'ts pujxn ets poop pujxn.

Proverbios 21:1

Yë jyot wyinma'any yë yajkutujkpë, jëtu'un tyu'uye'ey tä tu'uk yë mëjnëëjën, jä'ä ko Wintsën kë'ëm yajtu'uye'epy ijxtëm tsokyën.

Proverbios 6:5

Kä'äk, jëtu'un tä yë jëtyu'u kye'ekyën ko pën yaj'ooka'anyë. Kä'äk, jëtu'un ijxtëm yë joon tkuke'ekyën yë y'o'ktakn.

Salmos 68:12

Tam kyä'äktë ja yajkutujkpëtëjk mëët ja tsyiptuunpëtëjkëty. Jam tëjkwintum, yë to'oxytyëjkëty yë'ë jam pyëjkwa'kxtëp mëti'ipë ja mëtsiptëjk të yajtukniwojptu'utën,

Salmos 33:17

ka'ap tjëkyepy yë kwaay yajtso'okëtëty; oy jënu'un jyamëk'atë nitii tkatuntëty.

Job 18:11

Oy maatsow jyanëjkxy je'eyëm ëyo'on pyaata'anyë; jëtu'un xëmë nyäjyawëty yaj'ixjëtijtp yajpaajëtijtp yowë.

Jueces 7:21

E ja Israel ja'ayëty jëtu'unyë ojts wyë'ëmta'atë ma ënety jam ya'axtën jyoktën, jam pë'am ma ja myëtsip yajpaatën, tyamts ja Madián ja'ayëty tsë'ëkë tsë'ëkë jyänty pyëtsëmtë ma ja wyitëjkëtyën ets kyäktaaytyë,

1 Reyes 10:29

Tu'uk ja pujxnwintëkäämpë mëti'ipë tyuktsiptuuntëpën jä'ä ijty tsyowpaaty jap Egiptë tëtujk kilë ja kujkm ja poop pujxn, e ja kwaay jä'ä tsyowpaaty naxy tu'kkilë ja kujkm. Ja yajkutujkpë mëti'ipë jam ënä'ämpën ma Hit ja'ayëtyën ets ma siriëja'ayëtyën aakyë'ë ijty tyukmëto'ktëp winë ja Salomón ja y'ato'kpëtëjk.

1 Samuel 14:15

Tëkokyë ja filistejë ja'ayëty mëti'ipë ënety jam yajpatëpën ma ja y'ijtaknëtyën ets mëti'ipë ka'apën ojts ja tsë'ëkë tyuktëjkëtya'ajëtë. Jëtu'un ja tsiptuunpëtëjkëty mëti'ipë këwent'ajtëpën ets mëti'ipë je'eyë tsiptuuntëpën ojts tsyë'ëkëtëjkëtya'atë. Jää ojts näjyëtu'un yë naaxwiinyëtë yu'kxy mëk ets ja ja'ayëty ni'ikyë tsyë'ëkëtëjkëtyääytyë.

1 Reyes 20:20

Këëktu'uk ojts tyaj'ooktë ja myëtsipëty ets ja sirië ja'ayëty kyäktaaytyë. Tä ja Israel ja'ayëty tpatso'ontë, ojts mëktä'äky tjanajtspaatëja'antë ja Ben-hadad, yë'ë kwaaykyijxy ojts poj'am kye'eky, mëët nikanaak ja tsyiptuunpëtëjk aak këwaaykyijxëty.