2 Reyes 7:6 - Biblia Dc en Mixe de Quetzaltepec

⁶ E tsyaats ojts tyunyë jyätyë, yë Wintsën ënety kë'ëm të tyajma'aty ja myëto'owën ja sirië ja'ayëty ets jëtu'un tmëtoowtë tä jeexyë maypyujxn wintëkäämpë myinyën mëti'ipë ja'ay tyuktsiptuuntëpën ets tä may kwaayën; ëpëky tmëtoowtë mayjyä'äy myiny tekyye'epy mëti'ipë tsiptunantëpën; yë sirië ja'ayëty jëtu'un ojts y'ëna'antë ko tëëtëm ja Israel yajkutujkpë tpëjktsoy yë Hit ja'ayëty ets yajkutujkpë mëti'ipë jap tuunpën Egiptë, yajtuknipëktë ets tnipëtë'ëktëty ja sirië ja'ay ma y'ixjëtit pyajëtitëtën.

Biblia Mixe de Quetzaltepec

⁶ E tsyaats ojts tyunyë jyätyë, yë Wintsën ënäty kë'ëm të tyajma'aty ja myëto'owën ja sirië ja'ayëty ets jëtu'un tmëtoowtë tä jeexyë maypyujxn wintëkäämpë myinyën mëti'ipë ja'ay tyuktsiptuuntëpën ets tä may kwaayën; ëpëky tmëtoowtë mayjyä'äy myiny tekyye'epy mëti'ipë tsiptunantëpën; yë sirië ja'ayëty jëtu'un ojts y'ëna'antë ko tëëtëm ja Israel yajkutujkpë tpëjktsoy yë Hit ja'ayëty ets yajkutujkpë mëti'ipë jap tuunpën Egiptë, yajtuknipëktë ets tnipëtë'ëktëty ja sirië ja'ay ma y'ixjëtit pyajëtitëtën.

2 Reyes 7:6 ပူးပေါင်းရင်းမြစ်များ

2 Samuel 10:6

Tä ja Amón ja'ayëty ojts tja'akyukëtë ko myëtsiptso'ontëp ja David, paatykyëjxm ojts t'ixta'atë ni''i'px mil ja tsiptuunpë aakyë'ë sirië ja'ay jampë kyukajpn'atën Bet-rehob ets Sobá, ëpëky ojts ja yajkutujkpë Maacá tkäjxpë ja tsyiptuunpëtëjk nitu'kmil ets nimajkmäjtsk mil ja Is-tob ja tsyiptuunpë.

2 Samuel 5:24

Ko xymyëtowëty yë ja'ay myiny ets aaykyëta'ak tyaj'ëna'any, jää mpëtë'ëkëty ets xytyukja'tëty yë filistejë ja'ayëty; ëjts nija'awënës ënety jëtu'un nyäjkpy ko jëyëjpës nnëjkxy ma mijtsën ets filistejë ja'ayëty ëxëëk jyatëty kyëpätëty.

1 Reyes 10:29

Tu'uk ja pujxnwintëkäämpë mëti'ipë tyuktsiptuuntëpën jä'ä ijty tsyowpaaty jap Egiptë tëtujk kilë ja kujkm ja poop pujxn, e ja kwaay jä'ä tsyowpaaty naxy tu'kkilë ja kujkm. Ja yajkutujkpë mëti'ipë jam ënä'ämpën ma Hit ja'ayëtyën ets ma siriëja'ayëtyën aakyë'ë ijty tyukmëto'ktëp winë ja Salomón ja y'ato'kpëtëjk.

1 Reyes 20:20

Këëktu'uk ojts tyaj'ooktë ja myëtsipëty ets ja sirië ja'ayëty kyäktaaytyë. Tä ja Israel ja'ayëty tpatso'ontë, ojts mëktä'äky tjanajtspaatëja'antë ja Ben-hadad, yë'ë kwaaykyijxy ojts poj'am kye'eky, mëët nikanaak ja tsyiptuunpëtëjk aak këwaaykyijxëty.

2 Reyes 19:7

Ëjts yam kë'ëm ntuknipëjktaakëjäämpy ets tmëtoowpaatëty tu'uk ja ayuk mëti'ipë atsip'atëtëpën ets wyimpitëty ma nyaax kyajpnën, jamts nëjkx pën yaj'ookyë.

2 Reyes 7:5

Ënet ojts tuknipëjktaakëtë koots, tëë ënety tsyu'ujënyë ko ojts tsyoontë jam nyëjkxtë ma yajpaatën ja tsiptuunpëtëjkëty, sirië ja'ayëty, këwent'ajtëp jam; ko jam jyajtë nimaa pën kyaka'ty.

Job 15:21

Myëtoopy tii mëti'ipë ëtsë'këyëpën; ko nyäjyawëty jotkujk, jää mä'tspë tyukja'tyë.

Salmos 14:5

Tsë'ëkëjantëp yë'ëjëty, jä'ä ko yë Dios yë'ë mëët yajpaaty mëti'ipë mëmëtoowëpën.

Isaías 31:1

Ëxëëk ja naax kajpn jyata'an kyëpäta'antë mëti'ipë ja näypyutëkë y'amëtoowtëpën jap Egiptë, mëti'ipë tyuk'ijxpäjtëpën ja kwaay, mëti'ipë tyukjotkujk'ajtëpën ko may tmëëtëty ja kepy wintëkäämpë, ets ka'ap t'ijxpaatë ja Wintsën Wa'atspë mëti'ipë ja Israel ja'ay y'ëwtajtëpën ets ka'ap yë'ë t'amëtowtë ja näypyutëkë.

Isaías 36:9

Mijts ka'ap mmayëtëty xyajkä'äkëty nitu'ukën yë Asiria ja'ay ¿wi'ixën jap Egiptë xypyaata'any ja mëti'ipë kwaay tyuk'u'unyääytyëpën?

Jeremias 46:21

Ja tsyiptuunpëtëjkëty mëti'ipë mëjuy tuuntëpën, ni'kxëty ets mëjjëty jyayaj'ixtë, yë'ëjëty je'eyë kyä'äka'antë ets ka'ap tmëmëta'aka'antë ja ëyo'on jotmay, jä'ä ko yë'ë miimp wiinkoonp ja ëyo'on ma ëxëëk jyata'antën ets yajtëytyuna'antë.

Ezequiel 1:24

Ojtsës näjyëtu'un nmëtoy wi'ix ja kyäkn y'ëna'antë ko kyääkjëtitë: jëtu'un yajmëtoy tä mëjnëë y'iitsyën ko kyomy, tä kyäjpxyën mëti'ipë maaytyääyëpën winë, tä tsiptuunpëtëjk wya'kta'aktën. Ko wya'ak'oyëtë tääts ja kyäkn tkëëymyuktë.

Ezequiel 10:5

Ko ja tsajpjotmëtë kukexy ja kyäkn tyaj'ëna'antë yajmëtoop jappaat tsajptëjk ëkë'p, mëti'ipë tëja'ptsowën. Jëtu'un yajmëtoy tä jeexyë ja Dios kyäjpxyën mëti'ipë maaytyääyëpën winë.

Apocalipsis 9:9

Aak tim pujxn nyi'ak'ajtëp. Ko kyääkjëtitë, mëk yajmëtoy ijxtëm pyëyi'ikyën may kyepy wintëkäämpë mëti'ipë ja kwaay pyajëtujtëpën ko nyëjkxtë tsiptuunpë.

Jueces 7:21

E ja Israel ja'ayëty jëtu'unyë ojts wyë'ëmta'atë ma ënety jam ya'axtën jyoktën, jam pë'am ma ja myëtsip yajpaatën, tyamts ja Madián ja'ayëty tsë'ëkë tsë'ëkë jyänty pyëtsëmtë ma ja wyitëjkëtyën ets kyäktaaytyë,

1 Samuel 14:15

Tëkokyë ja filistejë ja'ayëty mëti'ipë ënety jam yajpatëpën ma ja y'ijtaknëtyën ets mëti'ipë ka'apën ojts ja tsë'ëkë tyuktëjkëtya'ajëtë. Jëtu'un ja tsiptuunpëtëjkëty mëti'ipë këwent'ajtëpën ets mëti'ipë je'eyë tsiptuuntëpën ojts tsyë'ëkëtëjkëtya'atë. Jää ojts näjyëtu'un yë naaxwiinyëtë yu'kxy mëk ets ja ja'ayëty ni'ikyë tsyë'ëkëtëjkëtyääytyë.

1 Samuel 26:6

Tä ja David myëtyäky mëët ja Ahimélec ja Hit ja'ay ets mëët ja Abisai näjyëtu'un, yë myaank yë Sarvia, yë myëkä'äx yë Joab, ets tyajtëëy: ¿Pën xyjyämyëët'ataanpës ets nëjkxmëty jam ma Saúl yajpaatyën? Tääts ja Abisai y'ëtsooy: Tyam njämyëët'atëty Wintsën.