2 Reyes 7:17 - Biblia Dc en Mixe de Quetzaltepec

¹⁷ Ja yajkutujkpë yë'ë ojts tuknipëky ja tyuunpë mëti'ipë xëmë këwent'ajtëpën ets ja tëjk'aaw tkëwent'atëty, jä'ä ko ja mayjyä'äy nëkooyë ojts myujknëtë jä'ä xëëw, jëtu'unyë tkutä'äntë ja mëti'ipë jam këwent'ajtpën ma tëjk'aawën, tääts y'atëëy mëti'ipë ënety ja Wintsën ja myëtuunpë të tnikäjpxyën ko jam y'ojtsy ma ja yajkutujkpën.

Biblia Mixe de Quetzaltepec

¹⁷ Ja yajkutujkpë yë'ë ojts tuknipëky ja tyuunpë mëti'ipë xëmë këwent'ajtëpën ets ja tëjk'aaw tkëwent'atëty, jä'ä ko ja mayjyä'äy nëkooyë ojts myujknëtë jä'ä xëëw, jëtu'unyë tkutä'äntë ja mëti'ipë jam këwent'ajtpën ma tëjk'aawën, tääts y'atëëy mëti'ipë ënäty ja Wintsën ja myëtuunpë të tnikäjpxyën ko jam y'ojtsy ma ja yajkutujkpën.

2 Reyes 7:17 ပူးပေါင်းရင်းမြစ်များ

2 Reyes 7:2

Ja yajkutujkpë ja tyuunpë, je'eyë ojts y'ëtsoy: Oyxyëp jeexyë jëtu'un yë nëë tuu jam jyatim nyämyëtso'onëpë tsajpjotm, mëti'ipë ja Wintsën yajniku'ëwatsypyën, tääpë xynyikäjpxyën ka'ap ninu'un tyunëtëty jyatëtëty. E ja Elisejë ënät y'ëtsooy: Kë'ëm jëpom xy'ixëty, mja'ixëp mëët yë mwiin je'eyëp ko ka'ap nitii xyjyë'kxëty.

2 Reyes 6:32

Yë Elisejë tam ënety pyo'kxy pyiky ma jyëën tyëjkën mëët ja mëjja'aytyëjkëty. E ja yajkutujkpë tëë ënety tkexy tu'uk ja tyuunpë. E ka'anëm ënety ja yajktutujkpë ja kyukäjpxy jam jyä'ty, ko ja Elisejë t'ënëmaay ja mëjja'aytyëjk: Yajxon ixtë, ix tääpë yaja'ay o'kpë tu'uk të tkexy yë tyuunpë etsës yë nkëpajk xyajjënakanë. E tyam ja'akyukëtë yajxon, ko ënät ja tyuunpë jya'tëty, tääts yë tëjk'aaw xyaj'ëtuktëty wä'än jap tëja'p twë'ëmy, wa'ats yajmëtoy ko tää ja wyintsën pyaminyë.

Hebreos 10:29

¿wi'ix jëtää tkapaatëty ja tëytyu'unën mëti'ipë ja Dios U'unk kyamëjpëjktäkpyën, mëti'ipë jëtu'un tyuuntëpën ijxtëm jeexyë t'atään tuktääntën; mëti'ipë pyäjxtëpën ja Jesús ko të y'ooky ets ka'ap t'oyjya'awëtë ja Kënu'kxymyëkajtën, mëti'ipë tsojkëtëpën? Tääpë ne'pny yë'ë myë'ijtyp ja käjpxytyu'unën ets yë'ë mëët të yajkënu'kxtë.

Miqueas 7:10

Y'ixäämpy näjyëtu'un yë nmëtsipës ets tsëtyu'unmëët wyë'ëma'any. Jëtu'unës ijty xy'ënëëmë: ¿Maa ja mWintsën, mëti'ipë mTios'ajtypyën?, e tyam n'ijxypyës ko jëtu'un jyajnë tä mo'onts yajtukteenyën tu'ujoty.

Isaías 25:10

Yë Wintsën yë'ë kyuwa'anäämpy yë Sión kajpn, ets Moab tnaaxkutäänëja'any tä ja'ay t'ateeny tukteenyën aay pu'uxmën.

2 Reyes 9:33

mëti'ipë ja Jehú y'ënëmaayën: Jam tääpë to'oxytyëjk kutijnaxtë. Ënet tkutijnajxtë, ja nye'pny jampaat ojts kyëxtä'kxy ma ja potsyën ets ma ja kwaayën, mëti'ipë näjyëtu'un tyuktä'äntën ja Jezabel.

Jueces 20:43

Yë Benjamín ja'ayëty jëtu'unyë nyatujktaaytyë mëët yë Israel ja'ayëty, oy ma jyanëjkxtë yajpaja'ajtë jampaat ets wa'ats y'o'ktaaytyë mëti'ipë tso'ontën jam Menuhá ets jyakäktë jampaat Guibeá.

2 Reyes 5:18

Tu'kjëjpës je'eyë Wintsën tyam n'amëtoy etsës xypyokymyä'kxëty: Yë'ë ko ënety yë nwintsënës jam nyijkxy ma Rimón yë tsyajptëjkën ets nëjkx jam yë Rimón t'ëwtata'any, jä'ä ko yë'ë jam nyäkyutijyë maas nkejkyën ets kopkpëky koos ëjts näjyëtu'un näkyuxtënaaytya'akëtëty jap ma tääpë tsajptëjkën, yë'ëjës mpëjktsoopy etsës yë Wintsën xypyokymyä'kxëty.