2 Reyes 7:10 - Biblia Dc en Mixe de Quetzaltepec

¹⁰ Ënet tsyo'ontë ets ojts nyëjkxtë jam kajpnjotm, ko jam jyajtë tä ojts tmëkajpxtë ja tuunpëtëjk mëti'ipë ja kajpn kyëwent'ajtëpën ets t'ënëmaaytyë: Tëës jam n'otstë ma ja Siria ja'ayëty nyäkëwent'atëtën, ni pën jam të nkapaatës; nimaa pën kyakäjpxy kyamëtyä'äky. Yi'iyë të n'ixtës ja wyitëjkëty ma të y'itën ets ja këwaayëty kruktsëty jëtu'un tä tmëmiintën.

Biblia Mixe de Quetzaltepec

¹⁰ Ënät tsyo'ontë ets ojts nyëjkxtë jam kajpnjotm, ko jam jyajtë tä ojts tmëkajpxtë ja tuunpëtëjk mëti'ipë ja kajpn kyëwent'ajtëpën ets t'ënëmaaytyë: Tëës jam n'otstë ma ja Siria ja'ayëty nyäkëwent'atëtën, ni pën jam të nkapaatës; nimaa pën kyakäjpxy kyamëtyä'äky. Yi'iyë të n'ixtës ja wyitëjkëty ma të y'itën ets ja këwaayëty kruktsëty jëtu'un tä tmëmiintën.

2 Reyes 7:10 ပူးပေါင်းရင်းမြစ်များ

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

2 Reyes 7:11

Ënet ja këwent'ajtpë mëti'ipë ja tëjkëtyakn y'ijx'ijtëpën, tuk'ëwa'anëtyë ja kutuunktëjkëty japë këmoontëkoty yajpaatën.

2 Samuel 18:26

ënät ja wiinkpë t'ijxpaty ko tam pëyi'ikyë myiny ets tuk'ëwa'anëy ja mëti'ipë jap ja tëjk'aaw kyëwent'ajtypyën: Tam wiinkpë ja'ay myiny pëyi'ikyë. Nen oy aaw oy ayuk ënät yajmiinpy, jëtu'un ja yajkutujkpë y'ëtsooy.

2 Reyes 7:9

E tyaa nyäy'ënanëtë: Ka'ap yowë myëtëyëty tä yam winë ntu'unëmën. Tyam yë'ë ja paatë'ajtëp jeexyë ja oypyë ja nija'awën nyajtu'u ye'eyëmë; e ëëtsajtëm ni'ikyë yowë n'amo'onëmë. Ko n'ëna'anmëty jopynyëm nikajpxmëty, tsojk mpoky'ajtmëty. Nikë tsojk ntimyjya'amëm ma jam yë kutujkëntëjkën ets ja nija'awën nyajkmëty.

1 Crónicas 15:18

ojts wiinkëtypë ja myëku'uktëjk yajtuknipëktë ja tuunk, mëti'ipë ja myëku'uk pyaye'eytyëpën, yë'ë ojts yajnikajpxpätë Zacarías, Jahaziel, Semiramot, Jehiel, Uni, Eliab, Benaías, Maaseías, Matatías, Elifelehu, Mecneías ets ja mëti'ipë ja tëjk'aaw y'ijx'ijtëpën, mëti'ipë txëëwajtëpën Obed-edom ets Jeiel.

1 Crónicas 16:38

Ojts näjyëtu'un tuknipëky ja Obed-edom ets ja myëku'uktëjk, tëkë'px tuktujk ja ja'ay ojts tmëwë'ëmy ja Obed-edom, Jedutún yë myaank; e Hosá, yë'ë ojts wyi'imy ets ja tëjk'aaw tkëwent'atëty.

2 Crónicas 23:19

Ojts tuknipëky ja ja'ay mëti'ipë y'atänëtëpën ja Wintsën ja tsyajptëjk'aaw, këtiipë pën tyëkëty ajotkumonë mëti'ipë ka'ap pyäätyën.