2 Reyes 7:1 - Biblia Dc en Mixe de Quetzaltepec

¹ Tä ja Elisejë y'ëtsooy: Mëtoow'it yajxon, wi'ix ja Wintsën y'ënä'änyën. Jëtu'un y'ënä'äny: Jëpom ko ya'atpë'atëty, jam ma Samaria kajpn yajnitëkën, jä'ä wëxtujk tsimpë ja tsajpmok tsyoowpaata'any tu'uk je'eyë nyipoop pujxn meeny; e yë majkmokx tsimpë yë cebadë jä'ä tsyoowpaata'any tu'uk je'eyë nyipoop pujxn meeny.

Biblia Mixe de Quetzaltepec

¹ Tä ja Elisejë y'ëtsooy: Mëtoow'it yajxon, wi'ix ja Wintsën y'ënä'änyën. Jëtu'un y'ënä'äny: Jëpom ko ya'atpë'atëty, jam ma Samaria kajpn yajnitëkën, jä'ä wëxtujk tsimpë ja tsajpmok tsyoowpaata'any tu'uk je'eyë nyipoop pujxn meeny; e yë majkmokx tsimpë yë cebadë jä'ä tsyoowpaata'any tu'uk je'eyë nyipoop pujxn meeny.

2 Reyes 7:1 ပူးပေါင်းရင်းမြစ်များ

Josue 3:5

Tä yë Josué y'ënëmaayëtë: Näyajwa'atsëtë Dios wintuuy ets tjëkyäpëty wi'ix xy'ixtëtyën yë Wintsën yë myëj'ajtën mëti'ipë jëpom yaj'ixanëpën.

Éxodo 16:12

Tëës nnijawë ko yë Israel ja'ayëty je'eyë wiinkjaty myäytyë tyajtë. Paaty tyam kopkpëky ko xymyëkajpxëty ets xy'ënëëmëty: Ko jyënäkyxyëëw'atëty, ja tsu'utsy jää mtsu'utstëp, e ko jyopyëp'atëty yë tsajpkääky jää mkaytyëp, koonëm yajxon m'utstëty. Jëtu'unts xynyijawëtëty ko ëjtsë jëtu'un Wintsën mëti'ipë Tios'ajtpën.

Ezequiel 37:4

Ënet ja Wintsën xy'ënëmaayës: Mëkajpx tääpë pajk ëjts nxëëwkyëjxmës. Ets xy'ënëëmëty: Miitsëty maypyajk tëëpë nyitëtstu'utën, mëtoow'itë ja Wintsën ja y'aaw y'ayuk.

1 Samuel 11:9

Ënet t'ënëmaay ja mëti'ipë ënety të tmëmintën ja aaw ayuk: Ënëëmëtë yë ja'ayëty mëti'ipë jam tsënaaytyëpën Jabés, ko jëpom kujkxyëëw ëëts nëjkx nyajtso'oktë. Ënet ojts jyänty nyëjkxtë ets tukmëmëtyaktë ja ja'ayëty jampë kyukajpn'atën Jabés, e ko jëtu'un tmëtoowtë mëk xyoontaktë.

Éxodo 14:13

Tä ja Moisés ojts y'ëtsowëtë: Këtii mtsë'ëkëtë, yajpaatë amëk jotmëk, yë Dios jëtu'un të tuknipëjktaakë ets tyam xy'ixtëty wi'ix myajtso'oka'anëtë; yë Egiptë ja'ayëty nijëna'a nëjkx jëtu'un tka'ëk'ijxnëtë, tä tyam t'ixa'antën.

Salmos 46:5

Dios yë'ë jam itkujky ijtp ets yë'ë kyuwäämpy; Dios yë'ë putëkëjanëp ko xëëw po'o tsyo'onta'akëty.

Éxodo 8:23

Nyajnikëxë'ëkäämpyës, ko mijts yë mkajpn tëkatsy mëët ëjts yë nkajpn. Ya'atë mëti'ipës yam nikäjpxypën jopy jëtu'un tyuna'any jyata'anyë.

2 Reyes 20:16

Tä ja Jeséas t'ënëmaay ja Ezequías: Amëtoow'it ya'atë aaw ayuk mëti'ipë ja Wintsën jyä'ä'ajtypyën:

Apocalipsis 6:6

Jam itkujky ma ja nimajktaxkpë ja juukyajtpën nmëtooyës tu'uk ja ayuk y'ënä'äny: Je'eyë tu'ktsim ja tsajpmok tu'kxëëw nitunypë; ets tëkëëk tsim ja cebadë tu'kxëëw nitunypë; je'eyëp ko këtii ja on ets ja tsatsym nyëë xyajma'atëty.

2 Reyes 4:42

Ok tu'uk yë ja'ay jam jyä'äjty, jam tsyoony Baal-salisá, yë'ë tyuknimiin ja Elisejë yë tsajpkääky, i'px tyajmiiny ets tsajpmoktë'ëts jam ma ja xyuumyën. Tä ja Elisejë ojts tuk'ëne'emy ja tyuunpë: Yajkaaytya'a ja'ay.

Juan 6:9

Tyaa tu'uk pi'k ëna'k, tap mëkoxk yë tsajpkääky tmëëtëty ets mäjtsk yë ajkx, je'eyëp ko ka'ap myëta'akëty mëët ya'atë mayjyä'äy.

2 Reyes 6:25

Jä'ä jëmëjt ojts jam y'ity tu'uk mëk yuu Samaria, jä'ä ko ja ja'ayëty ojts ja naax kajpn tyajnatujkta'atë, ojts jap tu'uk ja krukts tsyoowpatnë tëkë'px aakyë'ë poop pujxn meeny ets ojts näjyëtu'un jap tjuuynyëtë yë pak të'ëny mëti'ipë ojts tsyoowpatnën mëkoxk aak poop pujxn meeny.

2 Reyes 6:33

Tam ënety jëtu'un myëtyä'äkynyëm mëët ja mëjja'aytyëjk, ko ja kukäjpxy jyä'äjty ma ja Elisejë ets y'ënäny: Tyamën ja mëk ëyo'on tyunyë jyätyë, ¿ëjts tiijës njaaktimy'ëwxitëp ma yë'ëjën?

Isaías 1:10

Miitsëty wintsëntëjkëty, Sodomë ja'ayëty, mëtoow'itë ya'atë aaw ayuk mëti'ipë ja Wintsën kyajpxäämpyën. Miitsëty, Gomorra ja'ayëty mëtoowkukëtë wi'ix ja Wintsën ja y'ënä'ämën y'ënä'änyën.

1 Reyes 22:19

Tääts ja Micaías tjaaknikajpxëy ja y'ayuk: Mëët tä jam m'ëna'anyën, mëtow yajxon wi'ix yë Wintsën y'ënä'änyën: Tëës yë Wintsën n'ixy jam y'u'unyë ma kyutujktaknën ets aaktam nyatänëty ja kyukäjpxy y'anajny y'aka'any jam tsajpjotm.

2 Reyes 7:16

Ënätyë ja ja'ayëty tsyo'ontaaytyë ets nyëjkxtaaytyë jam ma ja sirië ja'ayëty të y'ijta'aktën. Ets y'atëëy tä ënety ja Wintsën të tnikäjpxyën, ja tsajpmokway jä'ä ojts tsyowpaaty, ja wëxtujk tsimpë tu'kpajk je'eyë ja nyipoop pujxn meeny; e ja mëti'ipë tyijtëpën cebadë, jä'ä ojts nyätyookyë majkmokx tsim ets nän tu'kpajk je'eyë ja nyipoop pujxn meeny.

1 Samuel 15:1

Tu'kxëëw tu'kjëmëjt ojts yë Samuel tninëkxy yë Saúl ets t'ënëmaay: Yë Wintsën yë'ëjës ojts tëkok xykyexy ets mijts nkënu'kxëty ets m'ënä'ämëty ma Israel ja'ayëtyën mëti'ipë yë'ë kyajpn'ajtypyën. Paaty tyam mëtoow'it ënät mëti'ipë yë'ë mtuknijawëjanëyëpën.