2 Reyes 6:9 - Biblia Dc en Mixe de Quetzaltepec

⁹ Ënet ja Elisejë tnikäjpxykyäjxëy ja yajkutujkpë mëti'ipë jam ënä'ämpën ma ja Israel kajpnën, ma t'ënëmaayën ko këtii jam nyaxëty ma tääpë itjotmën, jä'ä ko ja sirië ja'ayëty jamtsow ënety yajpaata'antë.

Biblia Mixe de Quetzaltepec

⁹ Ënät ja Elisejë tnikäjpxykyäjxëy ja yajkutujkpë mëti'ipë jam ënä'ämpën ma ja Israel kajpnën, ma t'ënëmaayën ko këtii jam nyaxëty ma tääpë itjotmën, jä'ä ko ja sirië ja'ayëty jamtsow ënäty yajpaata'antë.

2 Reyes 6:9 ပူးပေါင်းရင်းမြစ်များ

Amós 3:7

Yë Wintsën ka'ap tii tuny ajotkumonë pën ka'ap jëyëjp të tuk'ëwaanë yë tyuunpë mëti'ipë käjpxynyajxpën.

Apocalipsis 1:1

Ya'atë ja Dios ojts tuknijawë ja Jesukristë, ets tuk'ëwaanëty ja tyuunpëtëjk mëti'ipë tunan jatanëpën tsojk. E tëë ja Jesukristë ja y'anklës tuknikexy ja Juan ets yë'ë winë tnikajpxta'ajëty,

2 Reyes 6:12

Tu'uk ojts jam yujk'ëtsoy: Ka'ap pën, Wintsën. Je'eyëp ko jam ma Israel kajpnën, jam tu'uk yë ja'ay tsyëënë mëti'ipë xyëëwajtypyën Elisejë, yë'ë myëtuumpy yë Wintsën, yë'ëts tëkokyë winë tyuk'ëwa'anëtyääpy yë yajkutujkpë jampë yajkutukyën, oy yë'ëpaatëty tnija'awëtyä'äy mëti'ipë mijts nkäjpxypën mëtyäkpyën ma ma'ay mpo'kxyën.

2 Reyes 4:27

Tääts jam jyä'äjty ma ja kopkën ma ënety jam yajpaatyën ja Elisejë, tääts nyäjyijtakë ets mëk tmajtsta'tsy ja Elisejë ja tyeky. Ënätyë yë Guehazí myiiny ets tjajëwowany ja to'oxytyëjk, je'eyëp ko yë Elisejë ënätyë ojts y'ënë'ëmxëty: Këtii xyjyëwoy, ëxmats, mon tuk yowë mëk yajpaaty, tyam ka'apës yë Wintsën xytyuk'ëwaanënëm oy, tiijën myëët'ajtyp.

1 Reyes 20:28

Ënet jam tu'uk yë Wintsën yë myëtuunpë tnimiiny yë yajkutujkpë mëti'ipë jam ënä'ämpën Israel ets y'ënëmaayë: Jëtu'un yë Wintsën y'ënä'äny: Jä'ä ko yë sirië ja'ayëty të y'ëna'antë ko jamës nWintsën'aty kopkkëjxm ets ka'ap jyamëty joyjotm, ëjts nkë'ëyakäämpyës nitëkokyë yë'ëjëty ma miitsëtyëty. Jëtu'un xynyijawëty ko ëjts Wintsënajtp.

1 Reyes 20:13

E ja Ahab mëti'ipë jam ënä'ämpën Israel, ënätyë ojts tu'uk ja käjpxynyajxpë nyiminyë ets y'ënëmaayë: Jëtu'un yë Wintsën të y'ënä'äny, ko oy jënu'un janty nimay xyjya'ixëty yë mëtsiptëjk, yë'ë nkëyakäämpyës yam ma mijts yë mkë'ë m'aawën ets jëtu'un xynyijawëty ko ëjts Wintsënajtp.

2 Reyes 4:1

Jam ijty tu'uk yë to'oxytyëjk, yë'ë tyo'oxytyëjk tu'uk ja käjpxynyajxpë mëti'ipë ënety të y'o'knën; ënät ojts tninëjkx yë Elisejë ets tmë'ëëna'any, tä t'ënëmaay: Mijts wa'ats xynyijawë ko niye'etyëjkës tëë y'o'knë ets ko yë'ë myëtuumpy ijty yë Wintsën. E tyam, jamts ja ja'ay xëmë myiny ma ëëtsëtyën, nmënu'kxy'ajtëpës, je'eyëp ko yë'ë nimäjtskës ja nmaank xytyim pëjkëjanë ets nyätyukmëtuna'anyë.

2 Reyes 4:7

Ënet tsyo'ony ja to'oxytyëjk ets ojts ninëjkxy ja käjpxynyajxpë, tuk'ëwa'anëy mëti'ipë ënety të tyuny të jyätyën ets y'ënëmaayë: Tyam nëjkx ënät took tääpë on ets xymyëkëpätëty tääpë ja'ay mëti'ipë mënu'kxy'äjtypyën. E mëti'ipë natëjkëpën yë'ë miitsëty mni''itëp mëët ja m'u'unk m'ëna'k.

2 Reyes 6:8

Yë yajkutujkpë mëti'ipë sirië ja'ayën, tsip ënety yaj'ijtyp mëët yë Israel ja'ayëty, e jëtu'unts ojts tëkok tyajmuky yë tsyiptuunpëtëjk ets t'ënëmaay maa it nyäpyëjkta'akëtëty.

2 Reyes 6:10

Jëtu'un'äämpy ja Israel yajkutujkpë, wiinktsow ijty xëmë tkexy ja tsyiptuunpëtëjk, jam ma ënety ja Elisejë tyuk'ënë'ëmxëtyën, kanaak'ok ojts jëtu'un ja yajkutujkpë tsyo'oky.

Jeremias 11:18

Ojtsës yë Wintsën xytyuknijawë mëti'ipë ja nmëtsipës ënety tyuknipëjktakëtyëpën mëët ëjts. Yë'ë ojts xytyuknijawës mëti'ipë myääytyëp tyajtëpën.

Job 5:12

yë'ë yajma'tääpy yë ëxëëkja'aytyëjk yë jyot wyinma'any, oy ënety tii të tjatuknipëjktaakëtë tuuntëkoya'antë, jëtu'unyë tyajtukjijtëtyä'äy.

Salmos 33:10

Yë Wintsën yë'ë yajijtääpy yajma'tääpy yë winma'any mëti'ipë yë naax kajpn të tjatuknipëjktaakëtën ma ja'ayëtyën ka'apë Wintsën t'ëwtatën.

Proverbios 22:12

Yë Dios y'ijx'ijtyp kyëwent'ajtyp, yë wa'ats ja'ay ets nyikajpxtutyp ma ja'ayën mëti'ipë win'ë'ënën mëët jyamëta'aka'anyën.