2 Reyes 6:8 - Biblia Dc en Mixe de Quetzaltepec

⁸ Yë yajkutujkpë mëti'ipë sirië ja'ayën, tsip ënety yaj'ijtyp mëët yë Israel ja'ayëty, e jëtu'unts ojts tëkok tyajmuky yë tsyiptuunpëtëjk ets t'ënëmaay maa it nyäpyëjkta'akëtëty.

Biblia Mixe de Quetzaltepec

⁸ Yë yajkutujkpë mëti'ipë sirië ja'ayën, tsip ënäty yaj'ijtyp mëët yë Israel ja'ayëty, e jëtu'unts ojts tëkok tyajmuky yë tsyiptuunpëtëjk ets t'ënëmaay maa it nyäpyëjkta'akëtëty.

2 Reyes 6:8 ပူးပေါင်းရင်းမြစ်များ

Isaías 8:10

Oy jënu'un tii xyjyatuknipëjktaakëtëty, ka'ap nëjkx wyintu'upëky; oy jënu'un tii xyatuna'antëty, ka'ap nëjkx tyunyë jyätyë, jä'ä ko ëëtsëty Tiosës mëët nyajpaatë.

Proverbios 21:30

Ma Tiosën ka'ap nimëti'ipë wijyajtën tsyowpaaty, yë'ëpaat ka'ap tsyowpaaty yë këpetyajtën ets ja ma'ayën tajën.

Proverbios 20:18

Ko tii yë ja'ay yajxon tuknipëjktaakë, ënät y'oyë pën tëë yajkajpxtë'ëy. Ko muum yë tsip y'ity, ënät ja'ay yajxon twinkuwa'akë pën tëë jëyëjp tmëmay tmëtajy wi'ix tsyiptuna'anyën.

2 Reyes 6:24

Ko jëtu'un y'ëkkëjxy y'ëknajxy, ja Ben-adad, jampë yajkutukyën Sirië, ënät tyajmujktaay nitëkokyë ja tsyiptuunpëtëjk ets tyajnatujktë ja Samaria kajpn.

1 Reyes 22:31

E ja yajkutujkpë mëti'ipë jamën sirië, tëë ënety tuk'ëne'emy ja i'px majkmäjtskpë ja tsiptuunpë wintsëntëjk mëti'ipë ja kepy wintëkäämpë yajye'eytyëpën ko këtii nëkooyë pën tyaj'ooktëty yi'iyë y'ixta'atëp ja mëti'ipë jam yajkutujkpën Israel.

1 Reyes 20:34

Tä ja Ben-adad y'ënëmaayë: Tyam jatëkok nmooytya'ajëty ja kajpn mëti'ipë ja nteetyës pyëjkëyën ja mteety; mijts oy jam mjuyëty mkëpätëty ëkë mtookëty myajkëty Damaskë, jëtu'un tä ja nteetyës jamën Samaria. Ëjts nän tyamës mijts n'ëxmatsëty, jëtu'un y'ëtsooy ja Ahab. Jëtu'un'äämpy ja Ahab tuuny ja käjpxytyu'unën mëët ja Ben-adad ets t'ëxmajtsy ets nyëjkxnë.

1 Reyes 20:23

E ja yajkutujkpë jampë y'ëne'emyën Sirië, ja myëkutuunktëjkëty ojts näjyëtu'un y'ënëmaayëtëpë ja tsyiptuunpëtëjk: Yë Wyintsënëty yë Israel ja'ayëty jä'ä ko jam yajpaaty kopkkëjxm tunkëjxm, paaty të xymyëmëtakëmë; tyam jä'ä ntu'unmëty jam mëët ntsipjëtu'unmëty joyjotm jëtu'unts nmëtakmëty ëëtsajtëm.

1 Reyes 20:1

Yë Ben-adad, mëti'ipë jam yajkutujkpën Sirië, ojts may tyajmuky ja tsyiptuunpëtëjk ets mëët nyämyajtsë ni''i'px majk ja yajkutujkpëtëjk, mëët tëkokyë ja tsyiptuunpëtëjk mëti'ipë këwaaykyëjxm tsiptuuntëpën ets ja pujxnwintëkäämpë mëti'ipë myëtsiptuuntëpën ets ojts nyijkxy jam Samaria, tyajnatujky ets tnitëjkëy.

2 Reyes 6:7

Jam juut yë mjatyë, jëtu'un ja Elisejë y'ënäny. Tääts ja tu'uk ojts ja jyätyë tjuuty.

2 Reyes 6:9

Ënet ja Elisejë tnikäjpxykyäjxëy ja yajkutujkpë mëti'ipë jam ënä'ämpën ma ja Israel kajpnën, ma t'ënëmaayën ko këtii jam nyaxëty ma tääpë itjotmën, jä'ä ko ja sirië ja'ayëty jamtsow ënety yajpaata'antë.

1 Reyes 22:1

Ojts nyäxy tëkëëk jëmëjt, yë Israel ja'ayëty ka'ap tmëët'ajtë tsip mëët yë sirië ja'ayëty.