2 Reyes 6:32 - Biblia Dc en Mixe de Quetzaltepec

³² Yë Elisejë tam ënety pyo'kxy pyiky ma jyëën tyëjkën mëët ja mëjja'aytyëjkëty. E ja yajkutujkpë tëë ënety tkexy tu'uk ja tyuunpë. E ka'anëm ënety ja yajktutujkpë ja kyukäjpxy jam jyä'ty, ko ja Elisejë t'ënëmaay ja mëjja'aytyëjk: Yajxon ixtë, ix tääpë yaja'ay o'kpë tu'uk të tkexy yë tyuunpë etsës yë nkëpajk xyajjënakanë. E tyam ja'akyukëtë yajxon, ko ënät ja tyuunpë jya'tëty, tääts yë tëjk'aaw xyaj'ëtuktëty wä'än jap tëja'p twë'ëmy, wa'ats yajmëtoy ko tää ja wyintsën pyaminyë.

Biblia Mixe de Quetzaltepec

³² Yë Elisejë tam ënäty pyo'kxy pyiky ma jyëën tyëjkën mëët ja mëjja'aytyëjkëty. E ja yajkutujkpë tëë ënäty tkexy tu'uk ja tyuunpë. E ka'anëm ënäty ja yajktutujkpë ja kyukäjpxy jam jyä'ty, ko ja Elisejë t'ënëmaay ja mëjja'aytyëjk: Yajxon ixtë, ix tääpë yaja'ay o'kpë tu'uk të tkexy yë tyuunpë etsës yë nkëpajk xyajjënakanë. E tyam ja'akyukëtë yajxon, ko ënät ja tyuunpë jya'tëty, tääts yë tëjk'aaw xyaj'ëtuktëty wä'än jap tëja'p twë'ëmy, wa'ats yajmëtoy ko tää ja wyintsën pyaminyë.

2 Reyes 6:32 ပူးပေါင်းရင်းမြစ်များ

Ezequiel 20:1

Ma myajk anyën ja mëmëkoxk po'opë, ja mëwëxtujk jëmëjtpë, ojts yë mëjja'aytyëjk tninëjkxtë ja Dios ets winë tyajtëwa'antë, ënät jam nyaaxwä'tstaaytyë ëjts nwintuuyës.

Ezequiel 14:1

Ojts may yë mëjja'aytyëjk xynyimintës ets Wintsën winë tyajtëwa'antë.

Ezequiel 8:1

Ma myëkoxk anyën yë mëtëtujk po'opë, ma tëtujk jëmëjt y'apetyën, jamës ënety n'u'unyë maas yë ntëjkën mëët yë mëjja'aytyëjkëty mëti'ipë Judá kukajpnajtëpën. Ajotkumonë ojts yë Wintsën tpëjktä'äky yë kyë'ë maas ëjtsën,

1 Reyes 18:4

paaty ko ojts ja Jezabel may tyaj'ooky ja ja'ayëty mëti'ipë ja Wintsën myëtuuntëpën, yë Abdías, may ojts tyajtso'oky yë Wintsën mëtuunpëty, wëxtyikxy majkjaty tpëjktäky ets tyu'ty, yë'ë tyim yajkaay.

1 Reyes 21:10

Tääts näjyëtu'un xymyëjwowtëty mäjtsk yë ja'ay mëti'ipë win'ëënëpën ets tpokynyitijtëty yë Nabot, jëtu'un y'ëna'anëty ko wiinkjaty yë Wintsën të tijy ets nän wiinkjaty yë yajkutujkpë të tnikäjpxy. Tääts ënät ok xyajpëtsëmtëty ets xykyuka'atstëty.

Lucas 13:32

Ets ja Jesús y'ëtsooy: Nëjkx ënëëmëtë tääpë wax: Ko tyam ets jëpom yë ku'oypyë n'ixkäxa'anyës ets nyajtso'oka'anyës yë pa'amja'ay, ets wëxtëjkm nyajjëjpkëxa'anyës.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

2 Reyes 6:12

Tu'uk ojts jam yujk'ëtsoy: Ka'ap pën, Wintsën. Je'eyëp ko jam ma Israel kajpnën, jam tu'uk yë ja'ay tsyëënë mëti'ipë xyëëwajtypyën Elisejë, yë'ë myëtuumpy yë Wintsën, yë'ëts tëkokyë winë tyuk'ëwa'anëtyääpy yë yajkutujkpë jampë yajkutukyën, oy yë'ëpaatëty tnija'awëtyä'äy mëti'ipë mijts nkäjpxypën mëtyäkpyën ma ma'ay mpo'kxyën.

1 Reyes 21:13

Tä myiintë nimäjtsk ja ja'ayëty mëti'ipë win'ëënantëpën ets tpokynyitija'antë ja Nabot, tukmëtoowtë ja mayjyä'äy; ko ja Nabot ëxëëkjaty ënety ja Wintsën të tijy ets näjyëtu'un ja yajkutujkpë. Ënätyë tju'të ja Nabot jam ma ja mayjyä'äyën ets jam kajpnpë'am ojts tyajnëjkxtë, jam tkuka'tstë.

1 Reyes 14:6

Ko ja Ahías tmëtooy kyuwa'akë jam ma ja tëjk apu'uyën, tä t'ënëmaay: Nax tëkoty, mijts to'oxytyëjk, Jeroboam yë tyo'oxytyëjk. ¿Wi'ix ko tëkatsy të mnäxyoxyë ets wiink ja'ay mnäyajnaxyë? Ëjts tëëjës nyajtuknipëky ko mijts mëk nmëkajpxëty,

2 Reyes 5:26

Tä ja Elisejë nyëmaay'ëtëtsë: Ko tu'uk yë ja'ay të tukjënäky yë pyujxnwintëkäämpë ets të mjëjpye'eyi'ikyë, ëjts tamës ënety mëët mijts nyajpaaty winma'anyjoty. Je'eyëp ko tyam ka'ap tnixëëwëty ets ja wit meeny yë'ë y'ëktimyaj'ëxajëty ëkë ja wit tujkxy, ëkë ets ënät nju'uymyëty nkëpäjtmëty ja naax kam tsatymkyam, ëkë kupixyny ëkë jëyujk tsajpkaa, ëkë tuunpë ëyoopë ye'etyëjkpë to'oxytyëjkpë.

2 Reyes 7:17

Ja yajkutujkpë yë'ë ojts tuknipëky ja tyuunpë mëti'ipë xëmë këwent'ajtëpën ets ja tëjk'aaw tkëwent'atëty, jä'ä ko ja mayjyä'äy nëkooyë ojts myujknëtë jä'ä xëëw, jëtu'unyë tkutä'äntë ja mëti'ipë jam këwent'ajtpën ma tëjk'aawën, tääts y'atëëy mëti'ipë ënety ja Wintsën ja myëtuunpë të tnikäjpxyën ko jam y'ojtsy ma ja yajkutujkpën.

Jeremias 32:3

Yë Sedequías yajkutujkpë yë'ë ojts nyi'ënä'ämëty ets yajtsum yajmatsëty, jä'ä ko y'ënä'äny: Jëtu'un yë Wintsën tnikäjpxy: Ëjts nyajkutukäämpy ets ya'atë naax kajpn jam kya'ajëty ma Nabucodonosor kyë'ëjotmën mëti'ipë jam Babilonyë yajkutujkpën,

1 Reyes 21:19

Ets xy'ënëëmëty: Jëtu'un yë Wintsën y'ënä'äny: Mijts mëët ko ja Nabot të xyaj'ooky ets të xypyëjkë mëti'ipë jyä'ä'ajtypyën, jam ma yë'ë ja nye'pny të tyemy të jye'etsyën ets ja uk jam të jyë'kxmujkxëty, nän jam ja mjot mne'pny tyäma'any jyä'ätsa'any ets ja uk tjë'kxmukëty.

Jeremias 11:18

Ojtsës yë Wintsën xytyuknijawë mëti'ipë ja nmëtsipës ënety tyuknipëjktakëtyëpën mëët ëjts. Yë'ë ojts xytyuknijawës mëti'ipë myääytyëp tyajtëpën.