2 Reyes 6:10 - Biblia Dc en Mixe de Quetzaltepec

¹⁰ Jëtu'un'äämpy ja Israel yajkutujkpë, wiinktsow ijty xëmë tkexy ja tsyiptuunpëtëjk, jam ma ënety ja Elisejë tyuk'ënë'ëmxëtyën, kanaak'ok ojts jëtu'un ja yajkutujkpë tsyo'oky.

Biblia Mixe de Quetzaltepec

¹⁰ Jëtu'un'äämpy ja Israel yajkutujkpë, wiinktsow ijty xëmë tkexy ja tsyiptuunpëtëjk, jam ma ënäty ja Elisejë tyuk'ënë'ëmxëtyën, kanaak'ok ojts jëtu'un ja yajkutujkpë tsyo'oky.

2 Reyes 6:10 ပူးပေါင်းရင်းမြစ်များ

Hebreos 11:7

Noé ojts myëpëky, paaty ojts ja kepy nëëwinye'epyë tyajkojy ko ja Dios y'ënëmaayë ko ja ëyo'on y'ita'any ets jëtu'un ja y'u'unk y'ëna'k, y'u'unk tyo'oxytyëjk tyajtsoky. Ya'atë jëtu'unpë mëpëjkën yë'ë ojts ja Noé tuk'ixy ja naax kajpn paaty ojts yajtukumay ja tëyajtën mëti'ipë yajpatpën mëët ja mëpëjkën.

Hechos 27:24

Etsës të xy'ënëëmë: Këtii mtsë'ëkëty Pablo, jä'ä ko kopkpëky ko xywyinkuwa'akëja'any ja yajkutujkpë ets näjyëtu'un ja Dios të y'ënä'äny ko nitu'uk kya'ooka'any mëti'ipë mëët myajpaatyën jap kepy nëëwinye'epyëjoty.

Mateo 3:7

Ko ja Juan Yajnëëpäjtpë t'ijxy ko may ja fariseë ja'ayëty ets satuceë ja'ayëty nyiminyë ets tyajnëëpätëty, ënät t'ënëmaay: Tsa'any miits mteety'ajt m'ap'ajtëp, ¿pën të m'ënë'ëmxëtë ko xykyukä'äktëty ja ëyo'on mëti'ipë miimp këtakpën?

Mateo 2:12

Ko ënety të t'ëkwintsë'ëkëtë ja mëxu'unk, tääts ojts yajtuk'ëwaanëtë kuma'ayjoty ko ka'ap nän jam y'ëkwinpijnëtëty ma ja Herodes. Tääts wyimpijnëtë ma wiink tu'ujën ets nyëjkxnëtë kyajpnjotm.

Proverbios 27:12

Mëti'ipë ja'ay këpetyën, y'ijxyp ma kyutsë'ëkëtyën ets ka'ap jam nyäxy, e mëti'ipë ka'ap kyëpetyëtyën, ni'ikyë tyu'uye'ey'ëti'ity ets ëxëëk jyäty kyëpety.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënety tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

2 Reyes 13:14

Yë Elisejë mëk ënety jam pyëjkënë, tim ookanëp ënätynyë ko yë Joás, Israel yajkutujkpë ojts tninëjkxy; mëk tnijëëy tniyäxy ets tnimoony tnitujky, ko tyo'kmënäänajxy, tääts t'ënëmaay: Tatë, tatë, mijts jëtu'un mëj këjää yë naax kajpn të xypyutëkë; yë Israel kajpn, jëtu'un të mmëët'atyë tä maytsyiptuunpën.

2 Reyes 5:14

Ënet ja Naamán ojts jyänty nyijkxy tsiipë ets wëxtujk'ok tsyiiy jam ma ja Jordán mëjnëëjën, jëtu'un tä ënety të y'ënë'ëmxëtyën ja Wintsën ja myëtuunpë, ënätyë ojts jyänty tsyo'oky, jëtu'un ja nyini'kx y'awinpijty janty u'unk tä tu'uk pi'k ëna'k yë nyini'kxën.

2 Reyes 2:12

Ko ja Elisejë jëtu'un t'ijxy, ënät mëk yujk'ënany: Tatë, Tatë, ma të m'ityën jëtu'un tä maytsyiptuunpën ma Israel kajpnën. Ko jëtu'un tyuuntaay jyajtaayë, yë Elisejë ka'ap ojts maa t'ëk'ijxnë ja Elías. Ënet ja Elisejë ojts nyätyuknijääntu'utyë ja nyijän ets tukë'tsëy kujkwä'kxy.

1 Reyes 20:15

Ënet ja Ahab tmëtyooy ja ëna'ktëjk, mëti'ipë ënety pyutëjkëtyëpën ja yajkutujkpëtëjk maajaty ja kajpnën, jä'ä nyiwinë'ajtë nimäjtsk mëko'px ja i'px majkmäjtsk ets näjyëtu'un ëpëky ja tsiptuunpëtëjk, jä'ä nyimay'atë niwëxtujk mil.

2 Reyes 6:9

Ënet ja Elisejë tnikäjpxykyäjxëy ja yajkutujkpë mëti'ipë jam ënä'ämpën ma ja Israel kajpnën, ma t'ënëmaayën ko këtii jam nyaxëty ma tääpë itjotmën, jä'ä ko ja sirië ja'ayëty jamtsow ënety yajpaata'antë.

2 Reyes 6:11

Ja yajkutujkpë jampë y'ëne'emyën Sirië, ka'ap ënety ninu'un tja'akyukë wi'ixën ko jëtu'un jyäty kyëpety, paaty ojts tmëkajpxmujkta'ay ja tsyiptuunpëtëjk ets t'ënëmaay: Tyam yë'ëjës xytyuk'ëwaanëtëp pën y'apupejtyp yë yajkutujkpë jampë yajpaatyën Israel.

Jeremias 11:18

Ojtsës yë Wintsën xytyuknijawë mëti'ipë ja nmëtsipës ënety tyuknipëjktakëtyëpën mëët ëjts. Yë'ë ojts xytyuknijawës mëti'ipë myääytyëp tyajtëpën.