2 Reyes 5:7 - Biblia Dc en Mixe de Quetzaltepec

⁷ Ko ja yajkutujkpë jampë Israel tyaj'ëwatsy ja noky, ënät nyänyikë'tsë mëët ja joot'an ets ko ja amay jotmay tyuktëjkëyë: ¿Ti Tiosës jëtää ëjtsë, etsës tu'uk yë ja'ay nyajtuknikäxëtyë mëti'ipë pu'uts pa'am pëjkëpën etsës nyajtso'ok nyaj'akëtä'äkyëtyë? Ixtë yajxon, ko ya'atë ja'ay winma'any ixtääpy je'eyë paatyës nëkoo xymyëmayë.

Biblia Mixe de Quetzaltepec

⁷ Ko ja yajkutujkpë jampë Israel tyaj'ëwatsy ja noky, ënät nyänyikë'tsë mëët ja joot'an ets ko ja amay jotmay tyuktëjkëyë: ¿Ti Tiosës jëtää ëjtsë, etsës tu'uk yë ja'ay nyajtuknikäxëtyë mëti'ipë pu'uts pa'am pëjkëpën etsës nyajtso'ok nyaj'akëtä'äkyëtyë? Ixtë yajxon, ko ya'atë ja'ay winma'any ixtääpy je'eyë paatyës nëkoo xymyëmayë.

2 Reyes 5:7 ပူးပေါင်းရင်းမြစ်များ

Génesis 30:2

Ënet yë Jacob ojts tukjoot'anpëky yë tyo'oxytyëjk ets t'ënëmaay: ¿Tii ëjts Tios'ajtpë? Yë Dios yë'ë tyajkutuky ets u'unk maay xymyëët'atëty.

Génesis 37:29

Ko yë Rubén jatëkok wyimpijty ma ja nëëjutën, ka'ap ojts t'ëkpatnë ja y'uty José, tä ja wyit, mëti'ipë ënety jam pyëjktäkpyën, t'akë'tsëy tyajnikëxë'ëky jëtu'un ko ënety mëk tjajawë ko ja y'uty të tyëkoy.

Génesis 50:19

Ënet yë José y'ëtsoowëtë: Këtii mtsë'ëkëtë, ëjts ka'apës mëpaat jëtu'un näyajnaxyë tä Tiosën.

2 Samuel 1:11

Tää ja David mëët ja jyä'äy tyëjkëtyë moonpë tujkpë, yë'ëpaat ja wyit tyujkxyëty ojts tkëëtstë mëët ja ma'ayën tajën,

1 Reyes 20:7

Ënet ja Ahab ojts twoowmujkta'ay ja mëjja'aytyëjk mëti'ipë jam yajpatëpën ma ja naaxjot tnitänën ets t'ënëmaay: Ijxtëm miits xynyijawëtën tääpë ja'ay yë'ë y'ixtääpy wi'ix ëxëëk njatëtyës nkëpätëtyës, tëëjës nja'ënëëmë ko oy yë'ë tjä'ä'atëty yë n'u'unk nto'oxytyëjkës, yë n'u'unk n'ëna'kës ets nwit nmeenyës.

2 Reyes 11:14

Tääts t'ijxy jap ja yajkutujkpë tyänë ma ja mëjpotsyën mëti'ipë ja tsajptëjk myajts'ijtypyën, jä'ä ko jëtu'un ënety tu'unën'atë. Aaktam pya'atänëty ja mëj kutuunktëjkëty ets ja xuxpëtëjkëty ets ja mayjyä'äy mëti'ipë ëëwtëp xuxtëpën. Ënet ja Atalía ojts tkë'ëtswä'kxy ja wyit ets y'ënäny: Nikäjpxytyunës n'ity. Nikäjpxytyunës n'ity.

2 Reyes 18:37

Ënet ja Eliaquim, mëti'ipë kyëwent'ajtypyën ja kutujkëntëjk; ja Sebná, mëti'ipë ja noky myëët'ajtypyën ma jap winë kuja'ay myinyën ets ja Joah mëti'ipë ja yajkutujkpë jyääpyë'ajtypyën ja wyit tkë'tstaaytyë mëët ja monyëtukyë ets ojts tninëjkxtë ja Ezequías, tääts tukmëmëtyaktaaytyë tä ënety ja Asiria ja'ay, tsiptuunpë wintsën të y'ënä'änyën.

2 Reyes 5:6

ets ojts näjyëtu'un tkony ja noky, mëti'ipë ja yajkutujkpë yajtuknikäjxpën jampë yajkutukyën Israel, tyaa ja noky jap y'ënä'äny: Ko ya'atë noky mkë'ëtëkëtëty tääts xynyijawëty ko tyamës nkexy yë Naamán, mëti'ipës ntsiptuunpë wintsën'ajtypyën ets xyajtsokëty yë pyu'uts pa'am.

Jeremias 36:24

Yë yajkutujkpë ets ja wintsëntëjkëty mëti'ipë myëtoowtën wi'ix ja noky axaatsy jyä'äyëtyën, nijënu'un kyatsë'këtyë ets nitii tkamëkja'awëtyë.

Daniel 2:11

Mëti'ipë yë yajkutujkpë y'amëtoopyën tsip ets pën tnikajpxëty, yë'ë tëy yë tiostëjkëty mayëtëp yë'ë; je'eyëp ko yë tiosëty ka'ap yajpaatë ma naaxwiinyëtë ja'ayën.

Oseas 6:1

Mintë ni'ëmukë ets tsojk Wintsën niwinpijtëmë. Yë'ë atëj awäxë të xytyu'unëmë nän yë'ë mayanëp ets xyajtsokmëty; ojts xyajtsëtyujtëmë je'eyëp ko ojts näjyëtu'un xyajtsokëmë.

Mateo 26:65

Ënet ja teety wintsën ja wyit tkë'tsy a'äkë ets y'ënäny: Ya'atë ja'ay, Dios yë myëkajpxtëkoopy. ¿Tii ko pën njaakwo'owmëty mëti'ipë ni'ë'ënëpën? Tëë xymyëtowtë wi'ix yë Dios tmëkajpxtëkoyën.

Lucas 11:54

ets jä'ä yajtëëwtëp wi'ix mëpaat ja Jesús kyajpxtëkoyën ets tni'ëënëja'antë.

Hechos 14:14

Ko tnija'awëtyë ja Pablo ets ja Bernabé, tää ojts jyotmaytyëkëtë ets ja wyit tkë'tstë jä'äkyëjxm ko jëtu'un yajwintsë'ëkëja'antë. Ënet jap nyajtskäkëtyë mayjyä'äyjoty ayaxp ajojkp:

Deuteronomio 32:29

Kooxyëp jeexyë y'ëkwijy'atë ets oy winë tmëmay tmëtajtë; wyinja'awëtyëp jeexyë ma jya'ta'antën ma ka'ap oy jyuuky'atëtyën.

Deuteronomio 32:39

Ëjts jëtu'un tu'kpajk Tios'ajtp; ka'ap maa pën wiinkpë tios. Ëjts nyäjkpyës yë juukyajtën, etsës mpëjkpyës jatëkok. Ëjts yajtsëtyujtp yajwintëkoopyës, ets yajtsokp yaj'akëtakpës. Ni pën tkajëkyepy tkukä'äkëty ëjts yë nmëk'ajtën.

1 Samuel 2:6

Yë Wintsën yë'ë yäjkpy yë juukyajtën, ets yë'ë pyijkpy jatëkok; yë'ë yajkutujkpy ets o'ktëy njajtmëty nkëpäjtmëty, ets yë'ë yajkutujkpy ets jotkujk nyajpatmëty.