2 Reyes 5:25 - Biblia Dc en Mixe de Quetzaltepec

²⁵ Ënet tsyo'ony ets ojts tninëjkxy ja wyintsën, tä yajtëëwë ja Elisejë: ¿Maajën të m'otsy Guehazí? Ka'ap maa, jëtu'un y'ëtsooy ja Guehazí.

Biblia Mixe de Quetzaltepec

²⁵ Ënät tsyo'ony ets ojts tninëjkxy ja wyintsën, tä yajtëëwë ja Elisejë: ¿Maajën të m'otsy Guehazí? Ka'ap maa, jëtu'un y'ëtsooy ja Guehazí.

2 Reyes 5:25 ပူးပေါင်းရင်းမြစ်များ

Génesis 16:8

ets yajtëëwë: Agar, mëti'ipë tuunpë'ajtëpën yë Sarai. ¿Maa jëtu'un mtsoony? ets ¿maa jëtu'un mnëjkxy? Ënet ja Agar y'ëtsooy: Yë'ëjës nkukekpy yë nwintajës Sarai.

Génesis 4:9

Ënet yë Wintsën tyajtëëy ja Caín ets t'ënëmaay: ¿Maa ja m'uty Abel? Tää ja Caín y'ëtsooy. Ka'apës nijawë, wi'ixës koos xyajtëy. ¿Tii ëjts nkëwent'ajtyp yë n'utyë?

2 Reyes 20:14

Ënet ja Wintsën ja myëtuunpë Jeséas ojts tninëjkxy ja Ezequías ets tyajtëëy: ¿Maajën tääpë ja'ay tsyoontë ets wi'ix të m'ënë'ëmxëty? Tä ja Ezequías y'ëtsooy: Tääpë ja'ayëty jëkäm tsyoontë, jam Babilonyë.

2 Reyes 5:22

Ka'ap, ka'ap jyotmayëty, jëtu'un y'ëtsooy ja Guehazí. Ëjts paatyës nminy, yë nwintsënës të xykyexy, jam nimäjtsk të jya'të yë Wintsën yë tyuunpëtëjk jam tsyoontë ma kopkjotmën mëti'ipë yë Efraín nyitënääpyën, e yë'ëts yam mijts mpëjktsowäämpy ets xyakëty tëkëëk mil yë poop pujxn meeny ets majts ni'kx yë wit.

2 Crónicas 26:19

Ja Uzías tam ënety tkë'ëwits'aty tu'uk yë jëëntsijtk ko tukjoot'anpëjky ja teetyëjk. Ënet tyukpëtsëëmë ënätyë pu'uts pa'am ma wyimpokën mëti'ipë yajtijpën lepra, jap ënety tsajptëkoty yajpaaty, ma ja poom wintsë'këntyaknën, ets tap ënety yajpaatë ja teetytyëjkëty näjyëtu'un.

Proverbios 30:20

Ja to'oxytyëjk mëti'ipë ka'ap twintsë'ëkën ja nyiye'etyëjk, jëtu'un winë tuny: kyäy pyiky je'eyë, tääts y'apujy kyë'ëpujy yajxon ets ënät y'ënä'äny ko ka'ap ma tii tuuntëkoy.

Ezequiel 33:31

Ets jëtu'un ja nnaax nkajpnës mniminyë ets nyaaxwäätstë mijts mwintuuy, jëtu'un tä xëmë tuunk'atën ets tmëtoow'ita'antë ja n'aaw n'ayukës. Je'eyëp ko ka'ap tpatuntë. Jëtu'un t'akajpxëtë janaam jatsojk tä ja'ay tkuuy'iyën yë nätsyok näjyawë, e ma jyot wyinma'anyëtyën, yi'iyë myëmaay myëtajtëp wi'ix wit meeny tpaatëty t'ixtëty.

Mateo 26:21

Kaaytyëp ënety jam, ko ja Jesús y'ënäny: Tëyajtën n'ënëëmëtë ko tu'uk ja ja'ay pyëtsëma'any ma miitsëtyën mëti'ipës xykyë'ëyakaanpën.

Juan 13:2

Ja mëjku'u tëë ënety tuktëkë ja Judas Iscariote, Simón yë myaank ets ja Jesús tkë'ëyaka'any. Nyija'ap ja Jesús ko tsyoony ma Tiosën ets ko jatëkok nyëjkxa'any ma Tiosën ets ko ja Tyeety ënety tu'kë'ëyë kuttujkën ets mëk'ajtën të myooytyä'äyë; paatykyëjxm pyëti'ky, tam ënety y'a'ux'atë, ets ja nyijän ojts tjeny ets nyätyukwë'ënë tu'uk ja wit myoxkëjxy.

1 Samuel 10:14

Ets ja jyämy yajtëëwëtë: ¿Maaxën të m'otstë? Tä ja Saúl të y'ëtsooy: Kruktsës ojts të n'ixta'atë, e koos të n'ixtë ka'ap maa, täätsës të ninëjkxtë yë Samuel.