2 Reyes 5:20 - Biblia Dc en Mixe de Quetzaltepec

²⁰ ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

Biblia Mixe de Quetzaltepec

²⁰ ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

2 Reyes 5:20 ပူးပေါင်းရင်းမြစ်များ

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

2 Reyes 13:19

Ënet ja käjpxynyajxpë ojts jyoot'anpëky ets y'ënëmaayë: Kooxyëp jeexyë yë naax të xykyojxyu'kxy mëkoxk tëtujk'okën, mëmëtäkpy jeexyë yë sirië ja'ayëty ets koonëm jeexyë xyajkutëkooytyä'äy; e tyam je'eyë nëjkx xymyëmëtä'äky tëkëëk'ok.

2 Reyes 4:12

ënet t'ënëmaay ja Guehazí, mëti'ipë tyuunpë'ajtypyën: Nëjkx mëkajpx tääpë to'oxytyëjk mëti'ipë Sunem ja'ayën wä'än t'ëkminy. Ënet myiiny ja to'oxytyëjk, tääts ja Elisejë ojts t'ënë'ëmxëty ja tyuunpë:

2 Reyes 4:25

Jëtu'un ojts nyijkxy ets jam jyä'äjty ma tu'uk ja Carmel kopkën, jam ja Wintsën ja myëtuunpë ënety yajpaaty. Ko yë Elisejë jëtu'un y'ijxë jam jëkäm myiny, ënät t'ënëmaay ja tyuunpë Guehazí: Ëk'ix, ximpë ja'ay myinyën jä'ä yowë ja Sunemëtë ja'ay.

2 Reyes 4:31

Ja Guehazí, tëë ënety jëyëjp nyijkxy ets tëë ënety ja Elisejë ja tyajk tjapëjktä'äky ma ja pi'k ëna'k ja wyiin jyëjpën, e ka'ap jyuukpyiky; paaty ja Elisejë ja tyuunpë poj'am ojts tninëjkx ja wyintsën Elisejë ma ënety jam myinyën ets t'ënëmaay: Ja pi'k ëna'k ka'ap jyuukpyëka'any.

2 Reyes 4:36

Tä ja Elisejë ojts tmëkäjpxy ja Guehazí ets t'ënëmaay: Nëjkx mëkajpx ja to'oxytyëjk mëti'ipë Sunem ja'ayën. Tä ja Guehazí, ojts tmëkäjpxy ja to'oxytyëjk ets myinëty, ko myiiny ja to'oxytyëjk tä ja Elisejë t'ënëmaay: Tyaa ja m'u'unk.

2 Reyes 5:16

Ets ja Elisejë y'ëtsooy: Tyamës yajxon nikäjpxy mëët yë Wintsën yë xyëëw mëti'ipës xy'ijxpën, ko nitiijës nka'ëxajëja'any. E ja Naamán mëktä'äky jya'ënëmaayë ets tkupëkëty, Elisejë ka'ap ojts t'ëxajë.

2 Reyes 5:21

Jëtu'un'äämpy yë Guehazí tpatso'ony ja Naamán; ko yë Naamán y'ijxwinpijty ko tam yë Guehazí pyaminyë, ënät tukjënäjky yë pyujxnwintëkäämpë ets yajtëëwë: ¿Ti wä'än jam amay jotmay të kyëxë'ëkyë?

2 Reyes 6:31

Ënet ja yajkutujkpë mëk yujk'ënany: Yë Wintsën yë'ëjës mëk xytyiytyunëp pën ëjts ka'apës tyam yë Elisejë yë kyëpajk nyajjënajkë, yë myaank yë Safat.

2 Reyes 8:4

Ja yajkutujkpë yë'ë ënety jam mëët myëtyä'äky ja Guehazí, ja Elisejë ja tyuunpë; paatykyëjxm ënety të twoowtsoy ja Guehazí jä'ä ko yë'ë nyijawëjäämpy tiijaty ënety ja Elisejë mëj këjää të tunyën.

2 Reyes 8:7

Ënet ja Elisejë ojts nyijkxy jam Damaskë, jä'ä xëëw pëjkëp ënety jam yë Ben-adad, ja Siria ja'ay yajkutujkpë, ënät yajtuk'ëwa'anëy ko tëë ja käjpxynyajxpë ënety jyä'ty.

Salmos 10:3

Yë ëxëëk ja'ay oy tnimëtyä'äky kë'ëm mëti'ipë tsyojkpyën; ja'ay mëti'ipë atsojkpën pyojkpy ets y'ixtijpy yë Dios.

Éxodo 20:17

Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Éxodo 20:7

Ka'ap yë mWintsën Dios yë xyëëw ëëwpäjn kajpxpäjn je'eyë xywya'anëty, jä'ä ko yë'ë ka'ap jëtu'unyë tnayajninaxa'any mëti'ipë ënety nëkoo ja xyëëw tyuk'ëyë'këpën.

Proverbios 26:16

Yë ja'ay mëti'ipë nuuxën janty ixpëky ni'ik nyäjyawëty këtiinëm wëxtujk yë wijyjyä'äy mëti'ipë tyukjajtëpën y'ëtsowtëty.

Isaías 48:1

Mëtoow'it ya'atë aaw ayuk, miitsëty jënu'un yë Jacob t'u'unk'aty t'ok'atyën, mëti'ipë xyëëwajtëpën Israel, Judá y'u'unk y'ok. Mëti'ipë tii winë nyikajpxtëpën mëët yë Wintsën xyëëwkyëjxm, mëti'ipë y'ëwtajtëpën yë Dios, mëti'ipë yë Israel ja'ay Tyios'ajtëpën, wiinkë'ëy akë'ëy.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Habacuc 2:9

Janty mon janty tuk mijts myajpaaty, ko ja mjëën mtëjk të xyaj'uty mëët yë mëti'ipë të xymyeetsyën ets mjanäyajtso'oka'anyë ma atsë'ëkëtuuy m'ityën.

Mateo 10:4

Ja Simón mëti'ipë Celote ets Judas Iscariote, mëti'ipë ok ja Jesús kyë'ëyajkën.

Mateo 26:9

Tëë jeexyë yajtooky tsow ets jeexyë ëyoopëja'ay yajtukputëkëtë.

Lucas 12:15

Näyjyëtu'un y'ënäny: Näkyëwent'atëtë ets ka'ap tii xy'atsoktëty, ka'ap yë'ëjëty yajjuuky'äty ko tii may'äämpy yajmëëtëty.

Lucas 16:8

Tääts ja wintsën tnija'awëy ko ja tuunpë ka'apë oy myëtunyën, tëë oy tniwijy'äty wi'ix tii tunëtyën. Jëtu'un yë ja'ayëty y'ëtë'ëtstë nyiwijy'ajtëp ja kyë'ëmtuunkëty, ets ni'ik mëti'ipë akootstuuy yajpatëpën këtiinëm mëti'ipë tëë ja të'kxën jajën tpaatën.

Juan 13:2

Ja mëjku'u tëë ënety tuktëkë ja Judas Iscariote, Simón yë myaank ets ja Jesús tkë'ëyaka'any. Nyija'ap ja Jesús ko tsyoony ma Tiosën ets ko jatëkok nyëjkxa'any ma Tiosën ets ko ja Tyeety ënety tu'kë'ëyë kuttujkën ets mëk'ajtën të myooytyä'äyë; paatykyëjxm pyëti'ky, tam ënety y'a'ux'atë, ets ja nyijän ojts tjeny ets nyätyukwë'ënë tu'uk ja wit myoxkëjxy.

Juan 6:70

Ënet ja Jesús y'ëtsooy: Nimajkmäjtsk miits të nwin'ixtë, je'eyëp ko tam tu'uk mëti'ipë ku'oypyë'ajtpën.

Hechos 5:2

Tääts ja Ananías ja nyaax tsow ojts tyajwë'ëmy tu'pëky ets ojts jatu'kpëky tmo'oy ja ijxpëjkpëtëjk. Wa'ats ja tyo'oxytyëjk tnijawë ko jëtu'un ja Ananías të tuknipëjktaakë.

2 Timoteo 4:10

Ja Demas, tëëjës ja xynyikäknë, mëti'ipë yi'iyë tsyojkën'ajtypyën yaapë naaxwiinyën, tëë ja tsyo'onë ets të nyëjkxnë jam Tesalónica. Yë Crescente jam të nyijkx Galacia y'itjotm, e yë Tito të nyijkx jam Dalmacia y'itjotm.

Tito 1:7

Mëti'ipë nyikopk'atëpën ja Dios ja nyaax kyajpn yë'ë mëpaat t'ixy ttuny mëti'ipë Dios y'oyjya'apën, paaty kyopkpëkyëty ets oy tsuj jyuuky'atëty. Ka'ap kyujuunta'akëty, ka'ap wyin'äkë'atëty, ni kya'uuk kyamu'ukëtëty, ni tsip tka'ixta'ajëty, ni meeny tka''atsokëty

1 Pedro 5:2

Jëtu'un ijxtëm ja jëyujk ijxpë t'ijx'ity tkëwent'atyën ja kyupixyny, jëtu'un këwent'atë ja Dios ja jyä'äy. Winë aaw winëjot mtuntëty ijxtëm ja Dios tsokyën, ka'ap y'atsipëty ets ka'ap yë meeny yi'iyë xytsyojkën'atëty.

1 Samuel 14:39

Tyamës yajxon nikäjpxy mëët yë Dios yë xyëëwkyëjxn, mëti'ipë xëmë yajtsokpyën yë Israel ja'ayëty. Ko oy tyimyë'ë'atëty ja nmaankës Jonatán, pën yë'ë të pyokytyuny, kwanë ko y'ookëty. Ma ja tsiptuunpëtëjkën nitu'uk ojts kya'ëtsowtë.