2 Reyes 5:18 - Biblia Dc en Mixe de Quetzaltepec

¹⁸ Tu'kjëjpës je'eyë Wintsën tyam n'amëtoy etsës xypyokymyä'kxëty: Yë'ë ko ënety yë nwintsënës jam nyijkxy ma Rimón yë tsyajptëjkën ets nëjkx jam yë Rimón t'ëwtata'any, jä'ä ko yë'ë jam nyäkyutijyë maas nkejkyën ets kopkpëky koos ëjts näjyëtu'un näkyuxtënaaytya'akëtëty jap ma tääpë tsajptëjkën, yë'ëjës mpëjktsoopy etsës yë Wintsën xypyokymyä'kxëty.

Biblia Mixe de Quetzaltepec

¹⁸ Tu'kjëjpës je'eyë Wintsën tyam n'amëtoy etsës xypyokymyä'kxëty: Yë'ë ko ënäty yë nwintsënës jam nyijkxy ma Rimón yë tsyajptëjkën ets nëjkx jam yë Rimón t'ëwtata'any, jä'ä ko yë'ë jam nyäkyutijyë maas nkejkyën ets kopkpëky koos ëjts näjyëtu'un näkyuxtënaaytya'akëtëty jap ma tääpë tsajptëjkën, yë'ëjës mpëjktsoopy etsës yë Wintsën xypyokymyä'kxëty.

2 Reyes 5:18 ပူးပေါင်းရင်းမြစ်များ

2 Reyes 7:2

Ja yajkutujkpë ja tyuunpë, je'eyë ojts y'ëtsoy: Oyxyëp jeexyë jëtu'un yë nëë tuu jam jyatim nyämyëtso'onëpë tsajpjotm, mëti'ipë ja Wintsën yajniku'ëwatsypyën, tääpë xynyikäjpxyën ka'ap ninu'un tyunëtëty jyatëtëty. E ja Elisejë ënät y'ëtsooy: Kë'ëm jëpom xy'ixëty, mja'ixëp mëët yë mwiin je'eyëp ko ka'ap nitii xyjyë'kxëty.

2 Reyes 17:35

Ko ja Wintsën tuuny ja käjpxytyu'unën mëët yë'ëjëty, ojts tuk'ëne'emy: Këtii wiink tios xy'ëwtatëty ets xymyëjjawëtëty, ka'ap xymyo'otëty yë wyintsë'kën.

2 Reyes 7:17

Ja yajkutujkpë yë'ë ojts tuknipëky ja tyuunpë mëti'ipë xëmë këwent'ajtëpën ets ja tëjk'aaw tkëwent'atëty, jä'ä ko ja mayjyä'äy nëkooyë ojts myujknëtë jä'ä xëëw, jëtu'unyë tkutä'äntë ja mëti'ipë jam këwent'ajtpën ma tëjk'aawën, tääts y'atëëy mëti'ipë ënety ja Wintsën ja myëtuunpë të tnikäjpxyën ko jam y'ojtsy ma ja yajkutujkpën.

Jeremias 50:20

Ëjts, Wintsën, jëtu'unës n'ëna'any: Jä'ä xëëw jä'ä jëmëjt yë Israel ja'ayëty ets ja Judá ja'ayëty ëwaatsëtum wyë'ëma'antë ma nyëë pyokyëtyën, jä'ä ko npokymyä'kxäämpyës mëti'ipës juuky të nyajwë'ëmtën.

1 Reyes 19:18

E kajts ënät ntimy ëna'anmëty ja'ay tyim o'kta'aja'antë, nyajwë'ëmäämpyës jam ma Israel kajpnën niwëxtujk mil yë ja'ay mëti'ipë ka'ap të twinkoxtänëtën yë Baal ets nän ka'ap të tsu'kxtë.

Éxodo 20:5

Ka'ap jëtu'unpë xywyinkoxtänëty, ëkë xymyëjjaw xyjyäänty jyawëty. Jä'ä ko ëjts jëtu'un mWintsën Dios, mëti'ipë ni'äkë'ajtp ets tmo'oy ja tëytyu'unën ja taak teety ja y'ëxëëktu'un y'ëxëëkkajpxën ma ja u'unk ëna'kën ets ma ja ok'u'unk ok'ëna'kën ets ma ja ok'u'unk ok'ëna'kën ja y'u'unk y'ëna'këty, tëkëëk ets taxk najtskä'äxë paat.

Josue 23:7

Këtii ja mjot mwinma'anyëty nëkoo xyajjo'optëty mëët ja ja'ayëty yaapë tsyëënëtën. Këtii yë tyios xy'ëwtajtëtëty, këtii xymyëmëtowtëty, këtii xyëëw xykyajpxpatëtëty ets ni jää xykyakajpxpaatëty ko tii xyajtëytyëkëtëty.