2 Reyes 5:16 - Biblia Dc en Mixe de Quetzaltepec

¹⁶ Ets ja Elisejë y'ëtsooy: Tyamës yajxon nikäjpxy mëët yë Wintsën yë xyëëw mëti'ipës xy'ijxpën, ko nitiijës nka'ëxajëja'any. E ja Naamán mëktä'äky jya'ënëmaayë ets tkupëkëty, Elisejë ka'ap ojts t'ëxajë.

Biblia Mixe de Quetzaltepec

¹⁶ Ets ja Elisejë y'ëtsooy: Tyamës yajxon nikäjpxy mëët yë Wintsën yë xyëëw mëti'ipës xy'ijxpën, ko nitiijës nka'ëxajëja'any. E ja Naamán mëktä'äky jya'ënëmaayë ets tkupëkëty, Elisejë ka'ap ojts t'ëxajë.

2 Reyes 5:16 ပူးပေါင်းရင်းမြစ်များ

1 Reyes 13:8

E ja Wintsën ja myëtuunpë tyaa t'ëtsooy ja yajkutujkpë: Oyxyëp jeexyë kujkwä'kxy xyjyamooypyës yë mkutujktakn, ëjts, ka'apës yam mijts mpanëjkxëty ets ka'apës yam nkayëty ma mjëën mtëjkën ets ni nëës nka'uukëty ma ya'atë itjotmën;

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

1 Reyes 18:15

Tä ja Elías y'ëtsoowë: Ëjts Wintsënës yam ntukajpxpejtyp, mëti'ipës nmëtuumpyën, n'ënëëmë mijts yajxon ko ya'atë xëëw jam näwya'këxë'ëka'anyës ma yajkutujkpën Ahab.

2 Reyes 3:14

Ënet ja Elisejë t'ëtsooy: Tyam mijts yajxon n'ënëëmëty mëët yë Wintsën yë xyëëw mëti'ipë maaytyääyëpën, mëti'ipës wa'ats xy'ijxpën, ko mëët yi'iyë koos n'oyjyawë yë Josafat, Judá yajkutujkpën, paaty nputëkëja'any; ko jeexyë ka'ap ni nkani''ijxë'ëky jeexyë yam.

2 Reyes 5:20

ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

2 Reyes 5:26

Tä ja Elisejë nyëmaay'ëtëtsë: Ko tu'uk yë ja'ay të tukjënäky yë pyujxnwintëkäämpë ets të mjëjpye'eyi'ikyë, ëjts tamës ënety mëët mijts nyajpaaty winma'anyjoty. Je'eyëp ko tyam ka'ap tnixëëwëty ets ja wit meeny yë'ë y'ëktimyaj'ëxajëty ëkë ja wit tujkxy, ëkë ets ënät nju'uymyëty nkëpäjtmëty ja naax kam tsatymkyam, ëkë kupixyny ëkë jëyujk tsajpkaa, ëkë tuunpë ëyoopë ye'etyëjkpë to'oxytyëjkpë.

Daniel 5:17

Ënet ja Daniel t'ëtsooy ja yajkutujkpë: Ëk'ix mijts yajkutujkpë, mëwë'ëm tääpë xynyamo'oja'anyënës, mo'o wiinkpë ja'ay mëti'ipë tunëpën ma mkutujktaknën. Ëjts tyamës n'ëna'any ko ntukmëmëtya'aka'any wi'ix nyiwijyën mëti'ipë jam potsywinm ijtpën këxja'ay.

Mateo 10:8

Yajtso'oktë ja pa'amja'ay ets mëti'ipë pu'uts mëëtën, yajjuukpyëktë ja o'kpë ets ixkäxtë ja ku'oypyë. Namëyajtën miitsëty të myajmo'otë ya'atë kuttujkën, këtii xynyipëktëty ko pën xyajtso'oktëty.

1 Corintios 6:12

Jëtu'un ja aaw ayuk y'ënä'äny: Ëjts najtspëkës n'ity, oyës tii ntuna'anëty ëxëëk. Oy jyajëtu'unëty, ka'ap oytyiijëty ntuk'oy'ajtmëty. Näyjyëtu'un ja aaw ayuk y'ënä'äny: Najtspëkës n'ity ets ntunëtyës pën tiijës ntunäämpy. Oy jyajëtu'unëty, ka'ap mëpaat tii nätyukmëmëtä'äkyës.

2 Corintios 12:14

Yë'ëjës yam n'ëwxijtyp ets nëjkx miits nku'ixëja'antë mëtëkëëk'ok ets ka'ap nëkoo n'atsipa'antë. Ëjts ka'apës yë'ëjëty n'ixta'ay mëti'ipë miits mmëët'ajtëpën, miits kë'ëm n'ixtaaytyëp; jä'ä ko yë'ë taak teety patëtëp t'ëxta'atëty ja wit meeny mëti'ipë y'u'unk y'ëna'k tyuk'ixtëpën, ka'ap yë'ëjëty yë u'unk ëna'k ja meeny t'ixta'atë ets ja tyeety tyaak tuk'ixtëty.