2 Reyes 5:14 - Biblia Dc en Mixe de Quetzaltepec

¹⁴ Ënet ja Naamán ojts jyänty nyijkxy tsiipë ets wëxtujk'ok tsyiiy jam ma ja Jordán mëjnëëjën, jëtu'un tä ënety të y'ënë'ëmxëtyën ja Wintsën ja myëtuunpë, ënätyë ojts jyänty tsyo'oky, jëtu'un ja nyini'kx y'awinpijty janty u'unk tä tu'uk pi'k ëna'k yë nyini'kxën.

Biblia Mixe de Quetzaltepec

¹⁴ Ënät ja Naamán ojts jyänty nyijkxy tsiipë ets wëxtujk'ok tsyiiy jam ma ja Jordán mëjnëëjën, jëtu'un tä ënäty të y'ënë'ëmxëtyën ja Wintsën ja myëtuunpë, ënätyë ojts jyänty tsyo'oky, jëtu'un ja nyini'kx y'awinpijty janty u'unk tä tu'uk pi'k ëna'k yë nyini'kxën.

2 Reyes 5:14 ပူးပေါင်းရင်းမြစ်များ

Job 33:25

ënät jatëkok tsyo'okëty y'akëta'akëty ets je'eyëm y'awinpitëty tä jeexyë y'ëna'k'atyën.

Lucas 4:27

Näy nimay ënety ja ja'ay ja pu'uts pa'am pyëkëtë yaa Israel ko jyää'ajty ja Dios ja kyäjpxynyajxpë Elisejë ets nitu'uk ojts kyatso'oktë ja pyu'uts, ja Naamán ojts yi'iyë ja pyu'uts nätyu'uk tsyo'oky, mëti'ipë jam Sirië kukajpn'ajtpën.

Lucas 5:13

Ojts ja Jesús tkë'ënixajy ets t'ënëmaay: Ntsojkpyës ets mtso'okëty, tso'ok. Je'eyë ja Jesús jëtu'un y'ënaantaay ënätyë ja ja'ay ja pyu'uts nyiwatsë.

Zacarías 14:8

Ënet nëjkx jam Jerusalén myuuty yë nëë pa'akpë, mëti'ipë itaanpën ko xyëkopk'atëty ets ko pyotm'atëty, tu'kpëky nëjkx nyajtspëyë'ëkë jam ma ja Mejyën mëti'ipë yajtijpën Ooky myejy ets wiinkpë nëjkx nyajtspëyë'ëkë jam ma ja Mejyën Naax'akujkpyë.

Juan 2:5

Ënet ja tyaak ja Jesús t'ënëmaay ja mëti'ipë wiinkëëy kujkkëëytyëpën: Tuntë tu'kë'ëyë mëti'ipë yë'ë nyi'ënä'ämëpën.

2 Reyes 5:10

E ja Elisejë ojts tu'uk tkexy ja kyukäjpxy ets ja ayuk tyajnaxëty, ma y'ënä'änyën: Nëjkx jam mtsi'iy wëxtujk'ok ma mëjnëëjën mëti'ipë yajtijpën Jordán, jëtu'unts ja mnini'kx wa'ats wyë'ëmëty ets ja pu'uts pa'am jyëwa'akëty ma mjot mnini'kxën.

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Job 31:13

Koos ijty yë ntuunpëtëjk tii xy'amëtowtë, nmoopyës ijty.

2 Crónicas 20:20

Komjëpom, jopyëp ojts pyëtë'kojtë ets tyu'utëkëja'antë, nyëjkxa'antë jam Tecoa, jam të'ëts'itjotm. Ka'anëm ënety tyu'utëkëtë ko ja Josafat y'ënëmaayëtë: Mëtoow'itë ya'atë aaw ayuk miitsëty Jerusalén ja'ayëty ets Judá ja'ayëty: Yë Wintsën yë'ë mëpaat tu'ukyë xytyuk'ijxpätë ets akujk jotkujk m'itëty, tuk'ijxpätë ijxtëm ja tyuunpëtëjk y'ëna'antën ets xy'ëk'ixtëty ko aak'oy winë mwinpëtsëma'anxëtë.

Tito 2:14

Ojts xykyu'o'këmë, tëë xyaj'ëwaatsë pëtsë'ëmëmë ma ja ëxëëkpën, nän tëë xyajwatsëmë ets të xykyajpn niwa'anëmë, mëët ko ja oypyë tsujpë ntu'unëmë.

Proverbios 9:9

Kajpxwij ja wijyjyä'äy, ets xy'ëk'ixëty pën këtii ni'ikyë wyijytyä'äky. Yaj'ijxpëk yë këpetyjyä'äy, ets xy'ëk'ixëty wi'ix ni'ikyë kyëpetyä'äkyën.

Éxodo 4:7

Ënet ja Dios ojts y'ënë'ëmxëty: Këtiijë jatëkok yë mkë'ë ma mxëkätën. Moisés jëtu'un ojts tjantytyuny, ojts ja kyë'ë tkutijë ma xyëkätën, e ko ojts tjuuty, tëë ja kyë'ë tsyo'oky.

Josue 6:4

Ëpëky ja teetytyëjkëty niwëxtujk twinye'eytyëty ja kaaxë mëti'ipë yë käjpxytyu'unën myë'ijtypyën. Nitu'ukjaty ja teety aak myëët'atëp ja xyuxn, yë'ë tsajppaxwaj. Ko wyëxtukxëëwpätëty, wëxtujk'ok nëjkx xynya'ëwtitë ja kajpn, e ja teetytyëjkëty jä'ä ja xuxn tyukxu'uxtëp.

1 Reyes 17:16

Ka'ap kyijxy ja tsajpmokjëtsy, näjyëtu'un ja on japë tu'tsjoty tyaj'ityën, jëtu'un ijxtëm ënety ja Wintsën të tuknikäjpxyën ja Elías.

2 Reyes 4:35

Tä ja Elisejë pyëti'ky, nyäxy tyëkë jap tëkoty; tä jatëkok pyejty jam maapäjnkëjxm, näjyëtu'un, tmu'uxy jatëkok mëët ja nyini'kx. Ajotkumonë ojts ja pi'k ëna'k jyä'äntyixy ets ojts y'ijxwä'kxy.