2 Reyes 5:12 - Biblia Dc en Mixe de Quetzaltepec

¹² ¿Ti nëëjën jëtää jam kaka'atpë Damaskë, ëkë Farfar ets yë'ë ënät xy'ëktimtyuknikäjxpëtyës yë mëjnëë yaapë Israel yajpaatyënë? ¿Koos jeexyë jam të nëjkxy tsiipë tii këtiis jëtää jeexyë näjyëtu'un të ntso'okyë? A'äkë ojts jam tsyo'onë.

Biblia Mixe de Quetzaltepec

¹² ¿Ti nëëjën jëtää jam kaka'atpë Damaskë, ëkë Farfar ets yë'ë ënät xy'ëktimtyuknikäjxpëtyës yë mëjnëë yaapë Israel yajpaatyënë? ¿Koos jeexyë jam të nëjkxy tsiipë tii këtiis jëtää jeexyë näjyëtu'un të ntso'okyë? A'äkë ojts jam tsyo'onë.

2 Reyes 5:12 ပူးပေါင်းရင်းမြစ်များ

2 Reyes 2:14

Tä ojts twojpyu'kxy yë nëë mëët ja nyijän ets mëk yujk'ënany: ¿Maatën ënät ja Wintsën, mëti'ipë y'ëwtajtypyën yë Elías? Je'eyë ënety jam të twojpyu'kxta'ay, ko ja nëë nyäwya'kxë mäjtskpëky, jëtu'un ja Elisejë ojts jatëkok tuknaxy ja mëjnëë.

2 Reyes 2:8

Ënet ja Elías nyätyuknijääntutë ja nyijän ets t'axa'tsy, tääts yë'ë mëët ojts ja mëjnëë twojpyu'kxy, ënätyë ja nëëjot nyäwya'kxë mäjtskpëky ets jëtu'un tuknajxtë të'ëts wa'ats, tä jeexyë nëëwintë'ëtstuuy ye'eytyën.

2 Reyes 5:11

Naamán ko jëtu'un tmëtooy, tä tyimwinpijty, yajxon jyoot'anpëjky, tä y'ënäny: Ëjts tyaajës të n'ënaanpë ko ntijën xynyiminëtyës kë'ëm tääts ja Wintsën tmëkajpxëty ets tonëty ja npu'utsës täätsës jeexyë jëtu'un ntso'oky.

2 Reyes 5:17

Ënet ja Naamán y'ënäny: Pën ka'ap xykyupëky, ëjts yë'ëjës yam n'amëtowäämpy ets xy'a'ixëty wä'änës yë naax mäjtsk jëyujk n'ëkpatsëmy mëti'ipë yaajën ma Israel nyaaxjotmën; jä'ä ko tëëjës ntuknipëjktaakë ko ka'apës n'ëk'ëwtatanë oynatii awinax ka'apë wyintsënëtyën ets ka'apës oynatii wintsë'kën n'ëkmo'ojanë, yi'iyë tëy mëti'ipë Wintsën'ajtpën.

Proverbios 14:17

Mëti'ipë ja'ay ka'ap myä'kxtukyën, nëkooyë pën tnipëtë'ëky; mëti'ipë jëyëjp winë myëmääpy myëtäjpyën, ka'ap tii ajotkumonë tuny.

Proverbios 16:32

Tsoowpatp ni'ik ëwxijt mä'kxtujkën, ets këtiinëm ko ja'ay jyotmëkëty. Tsoowpatp ni'ik ko ja'ay nyäy'awijtsë'ëkyë, ets këtiinëm ko ja'ay naax kajpn tmëmëtä'äky.

Proverbios 19:11

Yë wijyajtën jam nyikëxë'ëky ko ja'ay myä'kxtuky oy jyoot'anpëky, ets mëj'äämpy ja'ay nyäxy ko ka'ap tmëjpëjktä'äky oy pën y'ëxëëkmëkäjpxyë.

Cantares 4:8

Tsojk ntso'onëmë yaa Líbano, to'oxytyëjk mëti'ipës mpëkäämpyën; tsojk yaa Líbano ntso'onëmë. Najts'ixë yë joyjyot ma Amaná kopkën, jam m'ijxtsoonëty ma Senir kopkën ets jampaat ma Hermón kopkën, ma kaa aankën, ma kuuyxyëpëjy aankën.

Jeremias 49:23

Ma yajnikäjpxyën wi'ix yë Damaskë kajpn jyata'anyën. Tsëtyu'un mëët të wyë'ëmtë ja Hamat kajpn ets ja Arpad kajpn ko të yajtuknijawëtë ja ëyo'on jotmay mëti'ipë nimiinëtëpën; je'eyë tyam tsyë'ëkëtë ets ka'ap jyotkujk'atë.

Zacarías 13:1

Jä'ä xëëw tu'uk yë nëëkopk kyupëja'any ets nëjkx jam yë pyoky ets y'ëxëëk'ajtënëty t'ixtsi'iwtë yë David yë y'u'unk y'ok mëti'ipë jam Jerusalén tsënaaytyëpën.

Zacarías 14:8

Ënet nëjkx jam Jerusalén myuuty yë nëë pa'akpë, mëti'ipë itaanpën ko xyëkopk'atëty ets ko pyotm'atëty, tu'kpëky nëjkx nyajtspëyë'ëkë jam ma ja Mejyën mëti'ipë yajtijpën Ooky myejy ets wiinkpë nëjkx nyajtspëyë'ëkë jam ma ja Mejyën Naax'akujkpyë.

Marcos 1:9

Jää it ja Jesús tsyo'ony jam Nazaret, Galilea y'itjotm ets ojts ja Juan yajnëëpetyë ma Jordán mëjnëëjën.