2 Reyes 5:10 - Biblia Dc en Mixe de Quetzaltepec

¹⁰ E ja Elisejë ojts tu'uk tkexy ja kyukäjpxy ets ja ayuk tyajnaxëty, ma y'ënä'änyën: Nëjkx jam mtsi'iy wëxtujk'ok ma mëjnëëjën mëti'ipë yajtijpën Jordán, jëtu'unts ja mnini'kx wa'ats wyë'ëmëty ets ja pu'uts pa'am jyëwa'akëty ma mjot mnini'kxën.

Biblia Mixe de Quetzaltepec

¹⁰ E ja Elisejë ojts tu'uk tkexy ja kyukäjpxy ets ja ayuk tyajnaxëty, ma y'ënä'änyën: Nëjkx jam mtsi'iy wëxtujk'ok ma mëjnëëjën mëti'ipë yajtijpën Jordán, jëtu'unts ja mnini'kx wa'ats wyë'ëmëty ets ja pu'uts pa'am jyëwa'akëty ma mjot mnini'kxën.

2 Reyes 5:10 ပူးပေါင်းရင်းမြစ်များ

2 Reyes 2:21

tä Elisejë ojts nyijkxy jam ma ja nëëkopkën ets jam ja kaan tkuwëjëy, tä y'ënäny: Jëtu'un yë Wintsën y'ënä'äny: Tëës ya'atë nëë tyam nyajwa'atsy, jëtu'un xëmë y'itanë, ka'ap pën t'ëkyaj'o'knëty ets jam ma naax kamën nëjkxëp winë y'ity wyintëy.

2 Reyes 3:16

tääts ja Elisejë y'ënäny: Jëtu'un yë Wintsën y'ënä'äny oytyuntë kanaak yë nëëtu'u,

2 Reyes 4:35

Tä ja Elisejë pyëti'ky, nyäxy tyëkë jap tëkoty; tä jatëkok pyejty jam maapäjnkëjxm, näjyëtu'un, tmu'uxy jatëkok mëët ja nyini'kx. Ajotkumonë ojts ja pi'k ëna'k jyä'äntyixy ets ojts y'ijxwä'kxy.

2 Reyes 4:41

E ja Elisejë ko jëtu'un t'ijxy, tääts ni'ënä'ämëy: Yajmintë wäänë yë tsajpmokway. Ets ja tsajpmokway jap tkupëjkëy tojkxjoty ets y'ënäny: Tyam apëkëtë ënät yë mtojkxëty. Tääts ja ja'ayëty tyëjkëtyë kääpyë ukpë, ka'ap ojts jap tii y'ëkkëxë'knë tu'tsjoty.

2 Reyes 5:11

Naamán ko jëtu'un tmëtooy, tä tyimwinpijty, yajxon jyoot'anpëjky, tä y'ënäny: Ëjts tyaajës të n'ënaanpë ko ntijën xynyiminëtyës kë'ëm tääts ja Wintsën tmëkajpxëty ets tonëty ja npu'utsës täätsës jeexyë jëtu'un ntso'oky.

2 Reyes 5:14

Ënet ja Naamán ojts jyänty nyijkxy tsiipë ets wëxtujk'ok tsyiiy jam ma ja Jordán mëjnëëjën, jëtu'un tä ënety të y'ënë'ëmxëtyën ja Wintsën ja myëtuunpë, ënätyë ojts jyänty tsyo'oky, jëtu'un ja nyini'kx y'awinpijty janty u'unk tä tu'uk pi'k ëna'k yë nyini'kxën.

2 Reyes 5:9

Ënet ja Naamán ojts tsyoony mëët ja pyujxnwintëkäämpë ets ja këwaay ets ojts jam wya'kpo'kxy ma ja Elisejë ja tyëjkën.

Éxodo 4:18

Ënet ja Moisés wyimpijty ma ja myë't ja tyëjkën ets t'ënëmaay: Tyam kopkpëky ko nëjkxëtyës jap Egiptë, ma jap tsyëënëtën ja njëëky nmëku'ukës. Yë'ëjës nëjkx n'ixa'antë etsës nijawëja'any, pën jap jyaak juuky'atë. Oy, ka'ap tääpë wyi'ixëty, tyam nkexy oy tsuj, jëtu'un ojts y'ëtsoyë ja Jetro.

Juan 5:4

Yë'ë jam y'ëwxijtëp ko ja nëë yu'kxëty. Jä'ä ko këtakp tu'uk ja Wintsën ja y'anklës ma ja nëëjën ets ja nëë tyajyu'kxy. Pën jëwyiin tëjkëp ko ja nëë yu'kxyën jä'ä tsokp oy ënety tipa'am pën tmëëtëty.

Juan 9:7

Tä t'ënëmaay: Nëjkx jam mwinpujy ma ja Siloé nëëjën. Jä'ä nyiwijy Kexyye'epyë. Tääts ja wiints ojts nyijkx winpujpë. Ko wyiinpujtaay, ënätyë y'ijxë'ky.

1 Corintios 6:11

Ets jëtu'un ijty jam pënëty ma miitsëtyën jënaakën mja'ay'atë; je'eyëp ko tyam, tëë ja Dios myajwa'atsëtë, tëë mnätyukë'ëtëkëtë ja Dios. Oy të mwë'ëmtë mëët ja Dios ets mëët ja Wintsën Jesukristë.

Josue 6:4

Ëpëky ja teetytyëjkëty niwëxtujk twinye'eytyëty ja kaaxë mëti'ipë yë käjpxytyu'unën myë'ijtypyën. Nitu'ukjaty ja teety aak myëët'atëp ja xyuxn, yë'ë tsajppaxwaj. Ko wyëxtukxëëwpätëty, wëxtujk'ok nëjkx xynya'ëwtitë ja kajpn, e ja teetytyëjkëty jä'ä ja xuxn tyukxu'uxtëp.