2 Reyes 5:1 - Biblia Dc en Mixe de Quetzaltepec

¹ Jam ijty tëëyëp tu'uk yë ja'ay txëëwaty Naamán, yë'ë nyiwintsën'ajtyp ja tsiptuunpëtëjkëty mëti'ipë myëtuuntëpën ja yajkutujkpë jampë y'ëne'emyën Sirië, mëk ijty ja yajkutujkpë tsyokyë jä'ä ko mëët yë'ëkyëjxm ënety may ja tsip të tuknaxtë ets të myëta'aktë ma ja Wintsën të yajmëta'akëtën Wintsën xyëëwkyëjxm. Je'eyëp ko ya'atë ja'ay pëjkëp ijty, yë'ë pya'am'ajtyp yë pu'uts pa'am mëti'ipë tyijtëpën amëxan lepra.

Biblia Mixe de Quetzaltepec

¹ Jam ijty tëëyëp tu'uk yë ja'ay txëëwaty Naamán, yë'ë nyiwintsën'ajtyp ja tsiptuunpëtëjkëty mëti'ipë myëtuuntëpën ja yajkutujkpë jampë y'ëne'emyën Sirië, mëk ijty ja yajkutujkpë tsyokyë jä'ä ko mëët yë'ëkyëjxm ënäty may ja tsip të tuknaxtë ets të myëta'aktë ma ja Wintsën të yajmëta'akëtën Wintsën xyëëwkyëjxm. Je'eyëp ko ya'atë ja'ay pëjkëp ijty, yë'ë pya'am'ajtyp yë pu'uts pa'am mëti'ipë tyijtëpën amëxan lepra.

2 Reyes 5:1 ပူးပေါင်းရင်းမြစ်များ

2 Samuel 3:29

Yë'ë tëy yë Joab, pokymyëët të wyi'imy ets y'u'unk y'ëna'k, jyëën tyëjk; yë ëyo'on jotmay ets pa'am ëyo'on ka'ap nëjkx y'ëxmatsëtë, tä yë ki'ix pa'amën pu'uts pa'amën, ixtëj pa'am, ëkë wä'än nëjkx pën yë y'u'unk y'ëna'k yaj'o'kxëtë, ëkë yuu xëëw jam y'itëty.

2 Reyes 4:8

Tëkok ma ënety tyu'uye'eyën yë Elisejë, jam nyäjxy ma Sunem kajpnën, jam tu'uk yë to'oxytyëjk mëj'äämpyë wyoowë kääpyë, mëti'ipë ënety jam tsënääpyën. E ja Elisejë ko xëmë ijty jam nyäxy ets jam kyäy ma tääpë to'oxytyëjkën.

2 Reyes 5:2

Tëkok ojts yë sirië ja'ayëty, tu'uk tmatstë to'oxy'ëna'k, ma ënety mëët tsyiptuntën yë Israel ja'ayëty, e ja to'oxy'ëna'k jam ojts wyi'imy ma Naamán ja tyëjkën tääts tputëkëty ja Naamán ja tyo'oxytyëjk.

2 Reyes 5:27

Paaty, mëët ko jëtu'un ja winma'any të xypyääty, ja pu'uts pa'am mëti'ipë ja Naamán të tmëët'atyën jam ënät pyäjta'ajëty ma mnini'kxën ets ma m'u'unk m'ëna'kën winë xëëw. E paaty ko ja Guehazí, tim je'eyë jam tsyo'ony, tëë ënety ja pu'uts pa'am nyäpyataayënë, je'eyë yaj'ijxkojnë poop këëynyë jä'ä yowë pixyny.

2 Reyes 7:3

E japts tëja'p ma ja naax kajpn yajnitëkën jap nimajktaxk yajpaatë yë pa'amja'ayëty, pu'uts pa'am pëjkëtëtëp mëti'ipë ka'ap tii nyitsooyën, nyäy'ënanëtë: Ëëtsajtëm ¿tiitën yaa ntu'unëmë, je'eyë yowë nëkoo ja o'kën ntimy ëwxijtënë?

Ester 10:3

Yë Jutiiyë ja'ay mëti'ipë xyëëwajtypyën Mardoqueo, jëjp'am ojts y'ity ma ja Asuero yajkutujkyën, mëj'äämpy ojts jyä'äy jyëkyepyë, tëkokyë mëti'ipë Judá ja'ayëtyën; tsojkë ja'awëyë mëk ja myëku'uktëjk, jä'ä ko ojts tmëmay tmëtajy ja nyaax kyajpn ets ojts tkuwa'any ets tnitsiptuny ja myëkunaax myëkukajpn ko ja amay jotmay tpatë.

Ester 9:4

Yë Mardoqueo mëj'äämpy ojts y'awinpity ma ja kutujktaknën ets akäjpxy ojts y'ity, ni'ikyë ënety myëjwiinë kyëjääjë ja kyutujkën.

Éxodo 11:3

Yë Dios yë'ë ojts kë'ëm tyajkutuky ets Egiptë ja'ayëty janty'oy tjawëtëty yë Israel ja'ayëty. Näyjyëtu'un ënät ja wintsëntëjkëty, mëti'ipë mëët tyuunmuktën ja mëj'ënä'ämpë, jëtu'un tyajnajxtë ja Moisés tä tu'uk yë ja'ayën, mëti'ipë mëj këjää winë tyuunpy kyäjpxypën.

Proverbios 21:31

Yë ja'ay ko nyëjkxa'any tsiptuunpë jëyëjp tnipëjktaakë yë kwaay; e yë Dios yë'ë y'ëwatsyp ko ja'ay myëtä'äky tsipjoty.

Lucas 4:27

Näy nimay ënety ja ja'ay ja pu'uts pa'am pyëkëtë yaa Israel ko jyää'ajty ja Dios ja kyäjpxynyajxpë Elisejë ets nitu'uk ojts kyatso'oktë ja pyu'uts, ja Naamán ojts yi'iyë ja pyu'uts nätyu'uk tsyo'oky, mëti'ipë jam Sirië kukajpn'ajtpën.

Juan 19:11

Ënet ja Jesús y'ëtsooy: Mijts nitii kuttujkën xykyamëët'aty ma ëjtsën ko jeexyë ja Dios ka'ap të mo'oyë ja kuttujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Romanos 15:18

Ka'apës nnätyuk'a'ixëty tii nimëtya'aktëty, yi'iyës nimëtyäkpy mëti'ipë ja Kristë të tunyën ëjtskyëjxm etsës nputëkëty mëti'ipë ka'ap jyutiis ja'ay'atën ets ja Dios tmëmëtowtëty. Ya'atë yë'ë mëët wyintu'upëky ja käjpxy mëtyä'äky ets ja tuunk,

2 Corintios 12:7

koojë nimëtya'ak mëti'ipës të n'ixyën. Paatykyëjxm këtiipës näyajmëjnaxëtëty, nmëët'ajtypës ja amay jotmay, jëtu'un pyiky y'atony maajës nini'kxën ijxtëm äpnyën, mëti'ipë ja mëjku'u xytyuktëytyuunpënës.

Deuteronomio 2:37

E ja naax kajpn mëti'ipës ka'ap nyajkutëkooytyën yë'ë ya'atëty: ja kajpn ma ja Amón ja'ay tsyëënëtën ets ja it naaxwiinyëtë mëti'ipë jam yajpatëpën ma ja Jaboc mëjnëëjën; ja naax kajpnëty mëti'ipë jam yajpatëpën ets tu'kë'ëyë wiinkëtypë ja naax kajpn, mëti'ipë ënety ja Dios të tnikäjpxyën ets ka'ap nitëkëtëtyës.