2 Reyes 4:35 - Biblia Dc en Mixe de Quetzaltepec

³⁵ Tä ja Elisejë pyëti'ky, nyäxy tyëkë jap tëkoty; tä jatëkok pyejty jam maapäjnkëjxm, näjyëtu'un, tmu'uxy jatëkok mëët ja nyini'kx. Ajotkumonë ojts ja pi'k ëna'k jyä'äntyixy ets ojts y'ijxwä'kxy.

Biblia Mixe de Quetzaltepec

³⁵ Tä ja Elisejë pyëti'ky, nyäxy tyëkë jap tëkoty; tä jatëkok pyejty jam maapäjnkëjxm, näjyëtu'un, tmu'uxy jatëkok mëët ja nyini'kx. Ajotkumonë ojts ja pi'k ëna'k jyä'äntyixy ets ojts y'ijxwä'kxy.

2 Reyes 4:35 ပူးပေါင်းရင်းမြစ်များ

2 Reyes 13:21

tëkok, yë'ë ënety jam yë Israel ja'ayëty yë o'kpë yajnaaxtëjkëtyëp ko t'ijxtë ko tam ja mä'tspë myintë, ënät oy wi'ix tkujëpijpëtyë ja o'kpë jap ma ja Elisejë ja jyutën ets tyäty kyäktë. E ko ja o'kpë mëët nyäpyatë ja Elisejë ja nyini'kx ënät ojts jyuukpyiky ets tyënaaykyujkëy.

2 Reyes 8:5

Ja Guehazí yë'ë tyukmëmëtyäkpy ja yajkutujkpë wi'ix ënety tu'uk ja to'oxytyëjk ja y'u'unk të tyajjuukpyëjkën, ënätyë ja to'oxytyëjk kyuwa'këy ets t'amëtooy ja nyaax ets ja tyëjk. Ënet ja Guehazí t'ënëmaay ja yajkutujkpë: Yajkutujkpë, ya'atë jëtu'un ja to'oxytyëjk ets tyaapë y'u'unk'ajtyp mëti'ipë ojts ja Elisejë tyajjuukpyikyën.

Hechos 9:40

Tääts ja Pedro tkäjxpëtsëëmtaay ja ja'ayëty ets nyäkyoxtënaaytyakë ets ja Dios ojts tmëkäjpxy ets ja o'kpë tniwa'akwinpijty ets y'ënäny: Tabitá, pëtë'ëk. Ënet ja o'kpë ojts y'ijxwä'kxy ets ja Pedro yajwintë'kxy ets wyä'tskujkëy.

Lucas 8:55

Ets jyuukpyijky. Ënätyë pyëti'ky ets ja Jesús y'ënäny ets tyajkaytyëty.

2 Reyes 8:1

Ënet ojts ja Elisejë mëët myëtyä'äky ja to'oxytyëjk mëti'ipë ja y'u'unk të tyajtsokën ets t'ënëmaay ets nyëjkxtëty wiinktsow tsënääpyë, jä'ä ko tëë ënety ja Wintsën tyuk'ëwa'anxëty yuu wëxtujk jëmëjt itaanp ma tääpë kajpnën.

1 Reyes 17:22

Ja Wintsën ojts tmëtoy ja Elías ja wyaantak nyu'kxtakën ets ja pi'k ëna'k jatëkok jyuukpyijky.

1 Reyes 17:21

Tääts tëkëëk'ok jam nyäkyëxmëtakë ma ja pi'k ëna'k ja nyini'kxën ets tmëpëjktsooy ja Wintsën ëmuumtu'ukjot: Wintsën, ëjts yë nTiosës mëti'ipës n'ëwtajtypyën, tyam mijts nmëpëjktsoy ets ya'atë pi'k ëna'k jatëkok xymyo'ojëty ja jyuukyajtën.

2 Reyes 4:36

Tä ja Elisejë ojts tmëkäjpxy ja Guehazí ets t'ënëmaay: Nëjkx mëkajpx ja to'oxytyëjk mëti'ipë Sunem ja'ayën. Tä ja Guehazí, ojts tmëkäjpxy ja to'oxytyëjk ets myinëty, ko myiiny ja to'oxytyëjk tä ja Elisejë t'ënëmaay: Tyaa ja m'u'unk.

1 Reyes 18:43

ets t'ënëmaay ja tyuunpë: Nëjkx mku'ijxnaxy xim ets jam mnajts'ixëty ma ja mejyën. Tä ojts nyijkx ets jam kyu'ijxnajxy, tä y'ënäny: Ka'ap ma tii. E ja Elías tyaa ojts jatëkok y'ënë'ëmxëty: Wimpit atëj wëxtujk'ok.

2 Reyes 5:10

E ja Elisejë ojts tu'uk tkexy ja kyukäjpxy ets ja ayuk tyajnaxëty, ma y'ënä'änyën: Nëjkx jam mtsi'iy wëxtujk'ok ma mëjnëëjën mëti'ipë yajtijpën Jordán, jëtu'unts ja mnini'kx wa'ats wyë'ëmëty ets ja pu'uts pa'am jyëwa'akëty ma mjot mnini'kxën.

2 Reyes 5:14

Ënet ja Naamán ojts jyänty nyijkxy tsiipë ets wëxtujk'ok tsyiiy jam ma ja Jordán mëjnëëjën, jëtu'un tä ënety të y'ënë'ëmxëtyën ja Wintsën ja myëtuunpë, ënätyë ojts jyänty tsyo'oky, jëtu'un ja nyini'kx y'awinpijty janty u'unk tä tu'uk pi'k ëna'k yë nyini'kxën.