2 Reyes 4:31 - Biblia Dc en Mixe de Quetzaltepec

³¹ Ja Guehazí, tëë ënety jëyëjp nyijkxy ets tëë ënety ja Elisejë ja tyajk tjapëjktä'äky ma ja pi'k ëna'k ja wyiin jyëjpën, e ka'ap jyuukpyiky; paaty ja Elisejë ja tyuunpë poj'am ojts tninëjkx ja wyintsën Elisejë ma ënety jam myinyën ets t'ënëmaay: Ja pi'k ëna'k ka'ap jyuukpyëka'any.

Biblia Mixe de Quetzaltepec

³¹ Ja Guehazí, tëë ënäty jëyëjp nyijkxy ets tëë ënäty ja Elisejë ja tyajk tjapëjktä'äky ma ja pi'k ëna'k ja wyiin jyëjpën, e ka'ap jyuukpyiky; paaty ja Elisejë ja tyuunpë poj'am ojts tninëjkx ja wyintsën Elisejë ma ënäty jam myinyën ets t'ënëmaay: Ja pi'k ëna'k ka'ap jyuukpyëka'any.

2 Reyes 4:31 ပူးပေါင်းရင်းမြစ်များ

Juan 11:11

Ënet ja Jesús jyaak'ënany: Tëë myaanaxy ja nmëku'ukës Lázaro, tyamës nyuxa'any.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Marcos 5:39

Tääts ja Jesús tyëjkëy tëkoty ets t'ënëmaay ja ja'ayëty: ¿Tii ko mnä'ämtë, ets mya'axtë? ka'ap yë kiixy u'unk të y'ooky, maap je'eyë.

Daniel 12:2

May ja mëti'ipë maatëpën jap naaxjoty, nëjkxëp jyuukywyijtë: Tam mëti'ipë nëjkx jyuuky'ätyën xëmëkyëjxm ets tam mëti'ipë nëjkx je'eyë tsyëtyuny jyääypyätë ets nëjkx ja ëyo'on tpaaty ja xëmëkyëjxmëpë.

Ezequiel 14:3

Ya'atë ja'ayëty yajxon yë jyot wyinma'any të timkyë'ëyaktë ma yi'iyë t'ëwtatën ka'apë tyiosëtyën ets yë'ë të tuk'ijxpätë mëti'ipë yajpokytyuunëtëpën. ¿Ets ënät y'ëna'antë mputëkëtëtyësë?

Job 14:12

ma jyää'atynyëmën yë tsajp, yë o'kpë ka'ap tjëkyepy jap pyëtsëmëty jyutjoty ets ka'ap nijëna'a myä'äywyijëty.

1 Reyes 18:29

Jëtu'un ojts ja xëëw kyujkënyë ets kyutëjkënë, yë'ëjëty tampaat ya'ax jyoktë ets jyänty nyëpujt jyänty yujkpujtë tä ja'ay mëti'ipë pojëtëpën tpatnë ja xëëw ma ja wintsë'kën jeexyë yajkë'ëyäkyën ka'ap ja ëtsoowinpijtën tpatë. Ni pën kya'ëtsoowëtë ets ni pën kyamëtoowëtë.

1 Reyes 18:26

Ënet ojts ja tsajpkaa tyaj'ooktë ets tsujktaktë, mëti'ipë ënety të yajmo'otën, tä tyëjkëtyë nu'kxtakpë ma ja wyintsënëtyën, jopyëp tyajtso'ontaktë tyimkujky xyëëwëy jëtu'un, tjanty myëpëjktsowtë ja Baal. Tyaa jyänty y'ëna'antë: Ëtsoowinpijtëk ëëtsëty Baal, na'ëwtity jyänty nyëpujt jyänty yujkpujtë jam ma ja wintsë'këntyakn, nimaa tii kya'ëtsoy.

1 Samuel 28:6

Paaty tyajtëëy ja Wintsën tii tyunëpën, e yë'ë ka'ap ja ojts y'ëtsoowinpityë. Ka'ap y'ëtsoowinpijtë kuma'ayjoty, ka'ap y'ëtsoowinpijtë mëët ja Urim ets nän ka'ap mëët ja Wintsën ja kyäjpxynyajxpë.

1 Samuel 14:37

Ënet ja Saúl tyajtëëy ja Dios: ¿Oy'atëp koos nitëkëty yë filistejë ja'ayëtyë? ¿Mkë'ëyakëp ma Israel ja'ayëtyënë? E ja Wintsën ka'ap ojts y'ëtsoy jä'ä xëëw.

2 Reyes 4:32

Ko ja Elisejë jap tyëjkëy tëkoty, ja pi'k ëna'k tëë ënety nya'o'knë, jam ma ja myaapäjnën.

2 Reyes 5:20

ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

2 Reyes 8:1

Ënet ojts ja Elisejë mëët myëtyä'äky ja to'oxytyëjk mëti'ipë ja y'u'unk të tyajtsokën ets t'ënëmaay ets nyëjkxtëty wiinktsow tsënääpyë, jä'ä ko tëë ënety ja Wintsën tyuk'ëwa'anxëty yuu wëxtujk jëmëjt itaanp ma tääpë kajpnën.