2 Reyes 4:29 - Biblia Dc en Mixe de Quetzaltepec

²⁹ Tä ja Elisejë t'ënëmaay ja Guehazí: Nänyipëjktaakët, pakap yë ntajkës ets mnëjkxëty jam xim. Ko pën xypyaatëty këtii xykyajpxpo'kxëty; ëkë ko pën mkajpxpo'kxëp këtii xy'ëtsowëty. Tääts jam yë ntajkës xykyëxkapëty ma ja pi'k ëna'k ja wyiin jyëjpën.

Biblia Mixe de Quetzaltepec

²⁹ Tä ja Elisejë t'ënëmaay ja Guehazí: Nänyipëjktaakët, pakap yë ntajkës ets mnëjkxëty jam xim. Ko pën xypyaatëty këtii xykyajpxpo'kxëty; ëkë ko pën mkajpxpo'kxëp këtii xy'ëtsowëty. Tääts jam yë ntajkës xykyëxkapëty ma ja pi'k ëna'k ja wyiin jyëjpën.

2 Reyes 4:29 ပူးပေါင်းရင်းမြစ်များ

2 Reyes 2:14

Tä ojts twojpyu'kxy yë nëë mëët ja nyijän ets mëk yujk'ënany: ¿Maatën ënät ja Wintsën, mëti'ipë y'ëwtajtypyën yë Elías? Je'eyë ënety jam të twojpyu'kxta'ay, ko ja nëë nyäwya'kxë mäjtskpëky, jëtu'un ja Elisejë ojts jatëkok tuknaxy ja mëjnëë.

1 Reyes 18:46

E ja Elías, ni'ikyë ojts ja Wintsën jyotmëkmo'oyë, ets myëjaawmooyë, paaty jam tsyo'ony pëyi'ikyë ko nyäxyojxtaayë, ets jam jyäjty Jezreel ma ënety ja Ahab jam yajpaatyën.

Éxodo 14:16

E mijts kajpë'ëkmës yë mtajk ets xynyajtstijëty jam yë mkë'ë ma mëjmejyën ets nyäwya'kxëtëty mäjtskpëky. Jëtu'unts yë Israel ja'ayëty tuknaxtëty yë mejy të'ëts wa'ats.

Lucas 10:4

Këtii xywyitstëty yë mxuumy, meeny apëjkën, ni wiinkpë mkë'ëk; ets ka'ap pën mëët jeky mëtya'aktëty ko pën xykyajpxpo'kxtëty tu'ujoty.

2 Reyes 9:1

Ja käjpxynyajxpë Elisejë, ojts tmëkäjpxy tu'uk ja myëku'uk mëti'ipë jam yajpatëpën ma të ye'eymyuktën ets t'ënëmaay: Näjyëjp'ixët ets mtsoonëty. Tyaa ya'atë on kon ets mnëjkxëty jam Galaad ma Ramot y'itjotmën;

Hechos 19:12

jëna'ajëty ja Pablo ijty je'eyë yajtukniminy ja paayë ëkë ja wit ets tonëty, yë'ëts myënëjkxtëp ma ja pa'amja'ayën ets tsyo'oky. Näyjyëtu'un tuuntë mëti'ipë ja ku'oypyë myëët'ajtëpën, ets y'ëxmatsëtë.

Hechos 3:16

Mëti'ipë miits m'ijxtëpën ets mnija'awëtëpën tyam, ets mëj'äämpy tyajnaxy ja Jesús, yë'ë ko yajmëpëky ja xyëëw. Ja mëpëjkën mëti'ipë yajmëët'ajtpën jam ma ja Jesús ja xyëëwën, yë'ë ja tekymya'at të yajtso'okyë, ijxtëm tyam ni'ëmukë xy'ixtën.

2 Reyes 2:8

Ënet ja Elías nyätyuknijääntutë ja nyijän ets t'axa'tsy, tääts yë'ë mëët ojts ja mëjnëë twojpyu'kxy, ënätyë ja nëëjot nyäwya'kxë mäjtskpëky ets jëtu'un tuknajxtë të'ëts wa'ats, tä jeexyë nëëwintë'ëtstuuy ye'eytyën.

Éxodo 4:17

Mkapëp ya'atë mtajk, jä'ä ko yë'ë jëtu'un mëët winë mëj këjää xytyuna'any.

1 Pedro 1:13

Paaty miits a'ijxp jëjp'ijxp myajpaatëty ets wijy kujk mjuuky'atëty. Nämyëmëta'akëtë, jëjp'ixtë ëmuumtu'ukjot ja mëyajtën mëti'ipë ja Dios tyunäämpyën ko ja Jesukristë myinëty jatëkok.

Efesios 6:14

Jëtu'un tu'ukyë ja mwinma'anymyëët'atë, nätyukxoxëtë ja tëypyë jaantypë ets yë'ë nätyukëwent'atëtë ja tëyajtën.

2 Reyes 4:12

ënet t'ënëmaay ja Guehazí, mëti'ipë tyuunpë'ajtypyën: Nëjkx mëkajpx tääpë to'oxytyëjk mëti'ipë Sunem ja'ayën wä'än t'ëkminy. Ënet myiiny ja to'oxytyëjk, tääts ja Elisejë ojts t'ënë'ëmxëty ja tyuunpë:

Proverbios 31:17

Oy mëk xëmë nyäyaj'ityë ets jëtu'un tyuny ye'ey amëk jotmëk.