2 Reyes 4:25 - Biblia Dc en Mixe de Quetzaltepec

²⁵ Jëtu'un ojts nyijkxy ets jam jyä'äjty ma tu'uk ja Carmel kopkën, jam ja Wintsën ja myëtuunpë ënety yajpaaty. Ko yë Elisejë jëtu'un y'ijxë jam jëkäm myiny, ënät t'ënëmaay ja tyuunpë Guehazí: Ëk'ix, ximpë ja'ay myinyën jä'ä yowë ja Sunemëtë ja'ay.

Biblia Mixe de Quetzaltepec

²⁵ Jëtu'un ojts nyijkxy ets jam jyä'äjty ma tu'uk ja Carmel kopkën, jam ja Wintsën ja myëtuunpë ënäty yajpaaty. Ko yë Elisejë jëtu'un y'ijxë jam jëkäm myiny, ënät t'ënëmaay ja tyuunpë Guehazí: Ëk'ix, ximpë ja'ay myinyën jä'ä yowë ja Sunemëtë ja'ay.

2 Reyes 4:25 ပူးပေါင်းရင်းမြစ်များ

2 Reyes 2:25

Jam ja Elisejë tsyo'ony ets ojts nyijkxy ma ja Carmel kopkën, jam jatëkok tsyo'ony ets wyimpijnë Samaria.

Isaías 35:2

wä'än jam tyony yë pëjy, lirië pëjy, wä'än tuktuky mëët yë xoontakën ets jotkujk'ajtën. Yë Wintsën oy tsuj tyaj'awinpita'any tä ja Líbano kopkën, jë'kxynyaaxjot tä ja Carmel kopk ets Sarón joyën. Ni'ëmukë nëjkx t'ijxtë ja Wintsën ja myëj'ajt y'oyajtën, mëti'ipë ja Wintsën yajmëjnajxëpën.

1 Reyes 18:42

Ja Ahab ojts ja nyijkxy ma jyëën tyëjkën kääpyë ukpë. E ja Elías jam ojts nyijkxy tunkëjxm ma kyëpäjta'ayën ja kopk mëti'ipë yajtijpën Carmel, jamts nyäkyoxtënaaytyakë ëmuumtu'ukjot,

1 Reyes 18:19

Yë'ë yam mijts ntuk'ënëëmëjäämpy ets xykyäxëty yë mja'ay wä'än tyajtu'ukmujkta'ay yë ja'ay jam ma kopk txëëwatyën Carmel ets jam näjyëtu'un nyäwya'këxë'ëkëtëty yë ja'ayëty nimajktaxk mëko'px ja wëxtyikxy majkpë mëti'ipë yë Baal myëtuuntëpën ets näjyëtu'un yë nimajktaxk mëko'px ja wëxtyikxy majkpë ja ja'ayëty mëti'ipë myëtuuntëpën yë Aserá, mëti'ipë yë Jezabel myëët'ajtypyën ets yajkääpy yaj'ukpyën.

2 Reyes 4:24

Ets ja tyuunpë ojts tuk'ëne'emy ets niwëënëty ja jëyujk, tä t'ënëmaay: Ja'amtë, jamë'ëk, ëjtsnëm kë'ëm nikajpxëp, pën maas muum nwa'ak'oyëjyä'äny, këtii nëkoo muum nanëkoo xyajwa'ak'oyëtyës.

2 Reyes 4:26

Nëjkx pëyi'ikyë jëjpye'eytsyow ets xyajtëwëty, wi'ix yajpaaty ja nyiye'etyëjk ets ja y'u'unk. Tääts ja tyuunpë ojts tjëjpye'eytsyoy ja to'oxytyëjk ets y'ëtsoowë, ko oy yajpaatë.

2 Reyes 4:27

Tääts jam jyä'äjty ma ja kopkën ma ënety jam yajpaatyën ja Elisejë, tääts nyäjyijtakë ets mëk tmajtsta'tsy ja Elisejë ja tyeky. Ënätyë yë Guehazí myiiny ets tjajëwowany ja to'oxytyëjk, je'eyëp ko yë Elisejë ënätyë ojts y'ënë'ëmxëty: Këtii xyjyëwoy, ëxmats, mon tuk yowë mëk yajpaaty, tyam ka'apës yë Wintsën xytyuk'ëwaanënëm oy, tiijën myëët'ajtyp.

2 Reyes 1:9

Tä ënätyë tkejxy tu'uk ja tsyiptuunpë Wintsën, mëët niwëxtyikxymyajk yë tyuunpë. Ko jam jyajtë, yë Elías jam ënety yajpaaty kopkkëjxm, ënyääpy ënety jam. Tä ja tsiptuunpë wintsën y'ënëmaayë: Käjpxynyajxpë, yë yajkutujkpë jëtu'un y'ënä'äny koojëk mjënakëty.

2 Reyes 5:20

ko yë Guehazí, mëti'ipë ja Elisejë tyuunpë'ajtypyën, ojts myäy tyäjy: Yë nwintsënës jëtu'unyë yë Naamán, yë sirië ja'ay, të timyajwinpijnë, ka'ap wäänë nitii të t'ëxajë, mëti'ipë të jyatukniminyën. Tyamës yajxon ntimy'ënä'äny mëët yë Wintsën yë xyëëw koos mpapo'ojäämpyës yë yam, jamës n'ixëty tiijës n'ëkpatyp ma yë'ëjën.

2 Reyes 8:4

Ja yajkutujkpë yë'ë ënety jam mëët myëtyä'äky ja Guehazí, ja Elisejë ja tyuunpë; paatykyëjxm ënety të twoowtsoy ja Guehazí jä'ä ko yë'ë nyijawëjäämpy tiijaty ënety ja Elisejë mëj këjää të tunyën.